ಗ್ರಾಹಕರ ಸೋಗಿನಲ್ಲಿ 6 ಲಕ್ಷದ ಚಿನ್ನ ಕದ್ದ ಕಳ್ಳಿಯರು

ಕನ್ನಡಪ್ರಭ ವಾರ್ತೆ ಅರಕಲಗೂಡು

ಚಿನ್ನಾಭರಣ ಖರೀದಿಸುವ ನೆಪದಲ್ಲಿ ನಾಲ್ವರು ಮಹಿಳೆಯರು ಬುರ್ಖಾ ಧರಿಸಿ ಮಾರುವೇಷದಲ್ಲಿ ಜು.11ರ ಗುರುವಾರ ಮಧ್ಯಾಹ್ನ ಸುಮಾರು 2-45ರ ವೇಳೆಗೆ ಆರ್. ಆರ್. ಗೋಲ್ಡ್ ಪ್ಯಾಲೇಸ್ ಅಂಗಡಿಗೆ ಬಂದಿದ್ದು, ಓಲೆ, ಮಾಂಗಲ್ಯ ಸರ ಬೇಕೆಂದು ಕೇಳಿದ್ದಾರೆ. ಈ ವೇಳೆ ಅಂಗಡಿ ಸೇಲ್ಸ್ ಮನ್ ಓಲೆ, ಮಾಂಗಲ್ಯ ಸರವನ್ನು ತೋರಿಸಿದ್ದಾರೆ. ನೋಡುವ ನೆಪದಲ್ಲಿ ಕಳ್ಳಿಯರು 6.91 ಲಕ್ಷ ರು. ಮೌಲ್ಯದ 94.715 ಗ್ರಾಂ ತೂಕದ ಚಿನ್ನಾಭರಣ ಮಾಂಗಲ್ಯ ಸರ ಮತ್ತು ಓಲೆಯನ್ನು ಸೇಲ್ಸ್ ಮನ್ ಗಳ ಕಣ್ಣುತಪ್ಪಿಸಿ ಕಳವು ಮಾಡಿದ್ದಾರೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೇರಿಯಾಗಿದೆ.