ಬಾಡಿಗೆ ವಿಚಾರಕ್ಕೆ ಜಗಳ; ಟವರ್ ಏರಿದ ಮಾಲೀಕನ ಪುತ್ರ

ಕನ್ನಡಪ್ರಭ ವಾರ್ತೆ ಬಾಗಲಕೋಟೆ

ಭೀಮು ವಡ್ಡರ ಟೆಲಿಪೋನ್ ಟವರ್ ಏರಿದ ಯುವಕ. ನವನಗರದಲ್ಲಿ ತಮ್ಮ ಮನೆ ಬಾಡಿಗೆ ಪಡೆದಿರುವ ಮಹಿಳೆ ಹಾಗೂ ಭೀಮು ಅವರ ತಂದೆ ನಡುವೆ ಬಾಡಿಗೆ ಒಪ್ಪಂದದ ವಿಚಾರವಾಗಿ ತಂಟೆ ತಕರಾರು ನಡೆದಿದ್ದು, ಶುಕ್ರವಾರ ಇದೇ ವಿಚಾರಕ್ಕೆ ಗಲಾಟೆ ಆಗಿತ್ತು ಎನ್ನಲಾಗಿದೆ. ಬಾಡಿಗೆದಾರರೇ ನಮಗೆ ಕಿರುಕುಳ ನೀಡುತ್ತಿದ್ದಾರೆ ಎಂದು ಆರೋಪಿ ಯುವಕ ಭೀಮು ಟವರ್ ಏರಿದ್ದ. ವಿಷಯ ತಿಳಿದು ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಹಾಗೂ ನವನಗರ ಪೊಲೀಸ್ ಠಾಣೆ ಸಿಬ್ಬಂದಿ ಭೇಟಿ ನೀಡಿ, ಯುವಕನ ಮನವೊಲಿಸಿ ಟವರ್ ಮೇಲಿಂದ ಕೆಳಗೆ ಇಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.