29ರಂದು ಸೋದೆ ಮಠದ ಬಾಳೆ ಮುಹೂರ್ತ
ಸಾರಾಂಶ
ಸೋದೆ ಶ್ರೀ ವಾದಿರಾಜ ಮಠದ ಪರ್ಯಾಯಕ್ಕೆ ಪೂರ್ವಭಾವಿ ಧಾರ್ಮಿಕ ವಿಧಿವಿಧಾನಗಳಲ್ಲಿ ಪ್ರಥಮ ಕಾರ್ಯಕ್ರಮ ಬಾಳೆ ಮುಹೂರ್ತವು ನ. 29 ರಂದು ನೆರವೇರಲಿದ್ದು, ಈ ಬಗ್ಗೆ ಪೂರ್ವಸಿದ್ಧತೆಗಳ ಕುರಿತು ಸೋದೆ ಶ್ರೀ ವಾದಿರಾಜ ಮಠದಲ್ಲಿ ಶಿಷ್ಯವರ್ಗದ ಸಭೆ ನಡೆಯಿತು.
ಉಡುಪಿ: ಸೋದೆ ಶ್ರೀ ವಾದಿರಾಜ ಮಠದ ಪರ್ಯಾಯಕ್ಕೆ ಪೂರ್ವಭಾವಿ ಧಾರ್ಮಿಕ ವಿಧಿವಿಧಾನಗಳಲ್ಲಿ ಪ್ರಥಮ ಕಾರ್ಯಕ್ರಮ ಬಾಳೆ ಮುಹೂರ್ತವು ನ. 29 ರಂದು ನೆರವೇರಲಿದ್ದು, ಈ ಬಗ್ಗೆ ಪೂರ್ವಸಿದ್ಧತೆಗಳ ಕುರಿತು ಸೋದೆ ಶ್ರೀ ವಾದಿರಾಜ ಮಠದಲ್ಲಿ ಶಿಷ್ಯವರ್ಗದ ಸಭೆ ನಡೆಯಿತು.ಪ್ರಮುಖರು ಭಾಗಿ: ಈ ಸಭೆಯಲ್ಲಿ ಶ್ರೀ ಮಠದ ಪ್ರಮುಖ ಶಿಷ್ಯವರ್ಗಗಳಾದ ಕೋಟೇಶ್ವರ ಮಾಗಣೆ ಶಿಷ್ಯವೃಂದದ ಪ್ರಮುಖರು, ಮಟ್ಟು ಗ್ರಾಮ ಶಿಷ್ಯವೃಂದದ ಪ್ರಮುಖರು, ದೈವಜ್ಞ ಬ್ರಾಹ್ಮಣ ಶಿಷ್ಯವೃಂದದ ಪ್ರಮುಖರು ಹಾಗೂ ಶ್ರೀ ಮಠದ ಅನೇಕ ಭಕ್ತರು ಉಪಸ್ಥಿತರಿದ್ದರು. ಮುಂಬರುವ ಬಾಳೆ ಮುಹೂರ್ತದ ಅಂಗವಾಗಿ ಕೈಗೊಳ್ಳಬೇಕಾದ ವಿವಿಧ ಪೂರ್ವಸಿದ್ಧತೆಗಳು, ಕಾರ್ಯಕ್ರಮಗಳ ವ್ಯವಸ್ಥೆ ಹಾಗೂ ಮುಹೂರ್ತದ ಪ್ರಯುಕ್ತ ಆಯೋಜಿಸಲು ಉದ್ದೇಶಿಸಿರುವ ವಿಶೇಷ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳ ಕುರಿತು ಸಭೆಯಲ್ಲಿ ಸವಿಸ್ತಾರವಾಗಿ ಚರ್ಚಿಸಲಾಯಿತು. ಕಾರ್ಯಕ್ರಮಗಳ ಯಶಸ್ವಿ ಆಯೋಜನೆಗಾಗಿ ಅಗತ್ಯವಿರುವ ಸಿದ್ಧತೆಗಳು ಹಾಗೂ ಜವಾಬ್ದಾರಿಗಳ ಹಂಚಿಕೆಯ ಬಗ್ಗೆಯೂ ಸಮಾಲೋಚನೆ ನಡೆಸಲಾಯಿತು. ಈ ಸಂದರ್ಭದಲ್ಲಿ ಶ್ರೀ ಮಠದ ಪೀಠಾಧಿಪತಿಗಳಾದ ಶ್ರೀ ವಿಶ್ವವಲ್ಲಭ ತೀರ್ಥ ಶ್ರೀಪಾದರು, ಶ್ರೀ ಮಠದ ದಿವಾನರಾದ ಪಾಡಿಗಾರು ಶ್ರೀನಿವಾಸ ತಂತ್ರಿಗಳು, ಸೋದೆ ಮಠ ಸಮೂಹ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ರತ್ನಕುಮಾರ್, ಯಕ್ಷಗಾನ ಕಲಾರಂಗದ ವತಿಯಿಂದ ಮುರಳಿ ಕಡೆಕಾರ್, ನಾರಾಯಣ ಹೆಗಡೆ ಮತ್ತು ಗಂಗಾಧರ್ ರಾವ್ ಹಾಗೂ ಶ್ರೀ ಮಠದ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.