ಬ್ಯಾಂಕ್ ಆಫ್ ಬರೋಡಾ ಕಾರು ಸಾಲ ಬಡ್ಡಿದರ ಶೇ.7.60ಕ್ಕೆ ಇಳಿಕೆ

ಮಂಗಳೂರು: ಭಾರತದ ಅಂತಾರಾಷ್ಟ್ರೀಯ ಬ್ಯಾಂಕ್ ಆಗಿರುವ ಬ್ಯಾಂಕ್ ಆಫ್ ಬರೋಡಾ, ಕಾರ್ ಲೋನ್ ಬಡ್ಡಿದರವನ್ನು ತಕ್ಷಣದಿಂದ 30 ಬೇಸಿಸ್ ಪಾಯಿಂಟ್‌ಗಳಿಂದ ಕಡಿಮೆ ಮಾಡಿರುವುದಾಗಿ ಪ್ರಕಟಿಸಿದೆ.

7.60% ವಾರ್ಷಿಕದಿಂದ ಆರಂಭವಾಗುವ ಹೊಸ ದರವು ಹೊಸ ಕಾರ್ ಖರೀದಿಗೆ ಅನ್ವಯವಾಗಿದ್ದು, ಸಾಲಗಾರರ ಕ್ರೆಡಿಟ್ ಪ್ರೊಫೈಲ್‌ಗೆ ಅನುಗುಣವಾಗಿರುತ್ತದೆ.ಕಡಿತಗೊಂಡ ಬಡ್ಡಿದರದ ಜತೆಗೆ, ವೈಯಕ್ತಿಕ ಸಾಲಗಾರರಿಗೆ ಫ್ಲೋಟಿಂಗ್ ಬಡ್ಡಿದರದ ಕಾರ್ ಲೋನ್‌ಗಳ ಮೇಲೆ ಯಾವುದೇ ಮುಂಗಡ ಪಾವತಿ/ ಭಾಗಶಃ ಪಾವತಿ ಶುಲ್ಕವಿಲ್ಲ. ಅಲ್ಲದೆ, ಸ್ಥಿರ ಮತ್ತು ಫ್ಲೋಟಿಂಗ್ ಎರಡೂ ಬಗೆಯ ಬರೋಡಾ ಕಾರ್ ಲೋನ್‌ಗಳ ಬಡ್ಡಿಯನ್ನು ದೈನಂದಿನ ಕಡಿತ ಶೇಷ (ಡೈಲಿ ರಿಡ್ಯೂಸಿಂಗ್ ಬ್ಯಾಲೆನ್ಸ್) ವಿಧಾನದಲ್ಲಿ ಲೆಕ್ಕಿಸಲಾಗುತ್ತದೆ. ಇದರಿಂದ ಸಾಲಗಾರರಿಗೆ ಇನ್ನಷ್ಟು ಕೈಗೆಟಕುವಂತಾಗುತ್ತದೆ. ಗ್ರಾಹಕರು ಗರಿಷ್ಠ 84 ತಿಂಗಳವರೆಗೆ ವಿಸ್ತರಿಸಿದ ಮರುಪಾವತಿ ಅವಧಿಯಿಂದ ಪ್ರಯೋಜನ ಪಡೆಯಬಹುದು.ಈ ಘೋಷಣೆಯ ಕುರಿತು ಪ್ರತಿಕ್ರಿಯಿಸಿದ ಬ್ಯಾಂಕ್ ಆಫ್ ಬರೋಡಾ ಕಾರ್ಯ ನಿರ್ವಾಹಕ ನಿರ್ದೇಶಕ ಸಂಜಯ್ ವಿ. ಮುಡಲಿಯಾರ್, ಕಾರ್ ಲೋನ್ ಬಡ್ಡಿದರಗಳ ಕಡಿತವು ಬ್ಯಾಂಕ್ ಆಫ್ ಬರೋಡಾವನ್ನು ಮಾರುಕಟ್ಟೆಯಲ್ಲಿ ಅತ್ಯಂತ ಸ್ಪರ್ಧಾತ್ಮಕ ಬ್ಯಾಂಕ್‌ಗಳಲ್ಲೊಂದಾಗಿಸುತ್ತದೆ ಮತ್ತು ಗ್ರಾಹಕರಿಗೆ ಕೈಗೆಟುಕುವ ಹಾಗೂ ಸುಲಭವಾಗಿ ಲಭ್ಯವಾಗುವ ಸಾಲವನ್ನು ನೀಡುವ ನಮ್ಮ ನಿರಂತರ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ದೇಶಾದ್ಯಂತ ಕಾರ್ ಖರೀದಿದಾರರ ಹೆಚ್ಚುತ್ತಿರುವ ಆಶಯಗಳಿಗೆ ಬೆಂಬಲ ನೀಡಲು, ಗ್ರಾಹಕಕೇಂದ್ರಿತ ಮತ್ತು ಡಿಜಿಟಲ್-ಸಕ್ರಿಯ ಹಣಕಾಸು ಪರಿಹಾರಗಳನ್ನು ಒದಗಿಸಲು ಬ್ಯಾಂಕ್ ಬದ್ಧವಾಗಿದೆ ಎಂದು ಹೇಳಿದರು.ಬರೋಡಾ ಕಾರ್ ಲೋನ್‌ಗಳನ್ನು ಬ್ಯಾಂಕ್‌ನ ವೆಬ್‌ಸೈಟ್, bob World ಆಪ್‌ನಲ್ಲಿರುವ ಡಿಜಿಟಲ್ ಲೆಂಡಿಂಗ್ ಪ್ಲಾಟ್‌ಫಾರ್ಮ್ ಮೂಲಕ ಅಥವಾ ದೇಶದ ಯಾವುದೇ ಬ್ಯಾಂಕ್ ಆಫ್ ಬರೋಡಾ ಶಾಖೆಗೆ ಭೇಟಿ ನೀಡಿ ಪಡೆದುಕೊಳ್ಳಬಹುದು.