2ಎ ಮೀಸಲಾತಿಗಾಗಿ ಆಗ್ರಹಿಸಿ ಡಿ. 10ರಂದು ಬೆಳಗಾವಿ ಚಲೋ

KannadaprabhaNewsNetwork |  
Published : Nov 19, 2026, 01:15 AM IST
ಫೋಟೋ- ಪಂಚಮಸಾಲ | Kannada Prabha

ಸಾರಾಂಶ

2ಎ ಮೀಸಲಾತಿಗಾಗಿ ಆಗ್ರಹಿಸಿ ಲಿಂಗಾಯಿತ ದೀಕ್ಷ, ಪಂಚಮಸಾಲಿ ಸಮಾಜದಿಂದ ಡಿ. 10ರಂದು ಬೆಳಗಾವಿಯಲ್ಲಿ 1 ದಿನದ ಉಪವಾಸ ಸತ್ಯಾಗ್ರಹ ನಡೆಸಲಾಗುತ್ತಿದೆ ಎಂದು ಹೋರಾಟದ ನೇತೃತ್ವ ವಹಿಸಿರುವ ಕೂಡಲ ಸಂಗಮ ಪಂಚಮಸಾಲಿ ಪೀಠದ ಜಗದ್ಗುರು ಜಯಮೃತ್ಯುಂಜಯ ಶ್ರೀಗಳು ಹೇಳಿದ್ದಾರೆ.

ಕನ್ನಡಪ್ರಭ ವಾರ್ತೆ ಕಲಬುರಗಿ

2ಎ ಮೀಸಲಾತಿಗಾಗಿ ಆಗ್ರಹಿಸಿ ಲಿಂಗಾಯಿತ ದೀಕ್ಷ, ಪಂಚಮಸಾಲಿ ಸಮಾಜದಿಂದ ಡಿ. 10ರಂದು ಬೆಳಗಾವಿಯಲ್ಲಿ 1 ದಿನದ ಉಪವಾಸ ಸತ್ಯಾಗ್ರಹ ನಡೆಸಲಾಗುತ್ತಿದೆ ಎಂದು ಹೋರಾಟದ ನೇತೃತ್ವ ವಹಿಸಿರುವ ಕೂಡಲ ಸಂಗಮ ಪಂಚಮಸಾಲಿ ಪೀಠದ ಜಗದ್ಗುರು ಜಯಮೃತ್ಯುಂಜಯ ಶ್ರೀಗಳು ಹೇಳಿದ್ದಾರೆ.

ಕಲಬುರಗಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಶ್ರೀಗಳು, ದೀಕ್ಷ, ಪಂಚಮಸಾಲಿ ಸೇರಿದಂತೆ ಒಳ ಪಂಗಡಗಳಿಗೆ 2ಎನಲ್ಲಿ ಮೀಸಲಾತಿ ನೀಡಬೇಕು, ಕೇಂದ್ರದ ಓಬಿಸಿ ಗುಂಪಿನಲ್ಲಿ ಸೇರ್ಪಡೆ ಮಾಡಬೇಕು ಎಂಬುದು ನಮ್ಮಹೋರಾಟದ ಮುಖ್ಯ ಬೇಡಿಕೆಯಾಗಿದೆ. ಕಳೆದ 7 ವರ್ಷದಿಂದ ಹೋರಾಟ ಮಾಡುತ್ತಿದ್ದರೂ ಸರ್ಕಾರಗಳು ಸುಮ್ಮನಿವೆ. ನಾವು ಮತ್ತೆ ಗಮನ ಸೆಳೆಯಲು ಮುಂದಾಗಿದ್ದೇವೆ ಎಂದರು.

ಸಮಾಜದ ಮೀಸಲಾತಿ ಬೇಡಿಕೆಗಾಗಿ ಹೋರಾಟ ನಿರಂತರ, ಅಧಿವೇಶನ ಬಂದಾಗ, ಎಲೆಕ್ಷನ್‌ ಬಂದಾಗ ಮಾತ್ರ ಹೋರಾಟ ಎಂದು ಭಾವಿಸೋದು ಸರಿಯಲ್ಲ. ಈ ಬೇಡಿಕೆ ಈಡೇರಿಸಲು ಬೆಳಗಾವಿಯ ಸುವರ್ಣಸೌಧ ಸಮೀಪವೇ ಇಡೀ ದಿನ ಉಪವಾಸ ಸತ್ಯಾಗ್ರಹ ನಡೆಸಲಾಗುತ್ತದೆ ಎಂದು ಸ್ಪಷ್ಟಪಡಿಸಿದರು.

ಹೋರಾಟ ಯಾವುದೇ ಪಕ್ಷ, ಸರ್ಕಾರದ ಪರ, ಅಥವಾ ವಿರುದ್ಧವಾಗಿಲ್ಲ. ನಮ್ಮ ಸಮಾಜದ ಭವಿಷ್ಯ ರೂಪಿಸುವ ಉದ್ದೇಶದ ಹೋರಾಟ ಇದಾಗಿದೆ. ಕಳೆದ 2 ವರ್ಷದ ಹಿಂದೆ ಹೋರಾಟಗಾರರ ಮೇಲೆ ಪೊಲೀಸ್‌ ಬಲ ಬಳಸಿ ದೌರ್ಜನ್ಯ ಮಾಡಲಾಗಿತ್ತು. ಡಿ. 10ರಂದೇ ಈ ಘಟನೆ ನಡೆದಿತ್ತು. ಅದರ ನೆನಪಿಗಾಗಿಯೂ ನಾವು ಲಿಂಗಾಯಿತರ ಮೇಲಿನ ದೌರ್ಜನ್ಯ ದಿನವಾಗಿಯೂ ಹೋರಾಟ ಮಾಡುತ್ತಿದ್ದೇವೆ ಎಂದರು.

ಲಿಂಗಾಯಿತ ಸಮಾಜದಲ್ಲಿಯೇ ಶೇ.80ರಷ್ಟು ದೀಕ್ಷ, ಪಂಚಮಸಾಲಿ ಸಮಾಜದವರಿದ್ದೇವೆ. ರಾಜ್ಯದಲ್ಲಿ 1 ಕೋಟಿಗೂ ಹೆಚ್ಚಿನ ಜನಸಂಖ್ಯೆಯಲ್ಲಿದ್ದೇವೆ. ಹೀಗಿದ್ದಾಗ ನಮಗೆ ಯಾಕೆ 2ಎ ಮೀಸಲಾತಿಯಿಂದ ದೂರ ಇಡಲಾಗುತ್ತಿದೆ. ನಮ್ಮ ಮಕ್ಕಳಿಗೂ ಭವಿಷ್ಯ ಬರೆಯಲು ಈ ಹೋರಾಟ ಎಂದರು. ಕೇಂದ್ರದ ಓಬಿಸಿ ಪಟ್ಟಿಯಲ್ಲಿಯೂ ಪಂಚಮಸಾಲಿ, ದೀಕ್ಷ ಸಮಾಜವನ್ನು ಸೇರಿಸಬೇಕಿದೆ. ಇದರಂದಾಗಿ ನಮಗೂ ರಾಷ್ಟ್ರೀಯ ಮಟ್ಟದಲ್ಲಿ ಶಿಕ್ಷಣ, ಉದ್ಯೋಗದಲ್ಲಿ ಮೀಸಲು ದೊರಕುತ್ತದೆ ಎಂದರು.

ಪಂಚಮಸಾಲಿ ಸಮಾಜದ ಜಿಲ್ಲಾಧ್ಯಕ್ಷ ಶರಣು ಪಟ್ಟಾ, ವೀರಶೈವ ಮಹಾಸಬಾದ ಕಲ್ಯಾಣರಾವ್‌ ಮಳಖೇಡ್, ಪಂಚ ಸೇನೆಯ ಜಿಲ್ಲಾಧ್ಯಕ್ಷ ಸೋಮಲಿಂಗ ಮೂಲಗೆ, ಅಫಜಲ್ಪುರ ಪಂಚಮಸಾಲಿ ಸಮಾಜದ ಚಂದು ಪೂಜಾರಿ ಇದ್ದರು.

ಕಾಶಪ್ಪನವರ ಹೇಳಿಕೆಗಳಿಗೆ ಬಗ್ಗೆ ನೋ ಕಮೆಂಟ್‌: ಶ್ರೀ

ಕೂಡಲ ಸಂಗಮ ಪಂಚಮಸಾಲಿ ಪೀಠದ ಜಯಮೃತ್ಯುಂಜಯ ಸ್ವಾಮೀಜಿಗಳು ಪಂಚಮಸಾಲಿ ಮೀಸಲು ಹೋರಾಟ ಸೇರಿದಂತೆ ಹಲವು ವಿಚಾರಗಳ ಹಿನ್ನೆಲೆಯಲ್ಲಿ ಹುನಗುಂದ ಶಾಸಕ ವಿಜಯಾನಂದ ಕಾಶಪ್ಪನವರ ಹೇಳಿಕೆಗಳಿಗೆ ತಾವು ಏನನ್ನೂ ಹೇಳೋದಿಲ್ಲ ಎಂದರು. ಹೋರಾಟ ಮಾಡುತ್ತೇವೆ. ಅದರಿಂದ ಸಮಾಜಕ್ಕೆ ಅನುಕೂಲವಾಗಬೇಕು ಎಂಬುದೇ ನಮ್ಮ ಗುರಿ. ಯಾರದೇ ಹೇಳಿಕೆಗೂ ತಾವು ಪ್ರತಿಕ್ರಿಯೆ ನೀಡೋದಿಲ್ಲವೆಂದು ಪತ್ರಕರ್ತರ ಪ್ರಶ್ನೆಗಳಿಗೆ ಉತ್ತರ ನೀಡಲಿಲ್ಲ.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಆನೆ ಹಿಡಿಯುವ ಕಾರ್ಯಾಚರಣೆಗೆ ಚಾಲನೆ
ಹಾಲಿನ ಉತ್ಪನ್ನಗಳ ದರ ಹೆಚ್ಚಳ ವಿರುದ್ಧ ಜೆಡಿಎಸ್‌ ಆಕ್ರೋಶ