ನಿವೃತ್ತ ನೌಕರರಿಂದ ಕಪ್ಪು ಪಟ್ಟಿ ಧರಿಸಿ ಧರಣಿ

ಕನ್ನಡಪ್ರಭ ವಾರ್ತೆ ಬೀದರ್‌

ವಿಶ್ವ ಹಿರಿಯ ನಾಗರಿಕರ ದಿನಾಚರಣೆ ಪ್ರಯುಕ್ತ ರಾಜ್ಯದಾದ್ಯಂತ ಡಿಸಿ ಕಚೇರಿ ಎದುರು ಏಕಕಾಲದಲ್ಲಿ ನಿವೃತ್ತ ನೌಕರರು ಕಪ್ಪುಪಟ್ಟಿ ಧರಿಸಿ ಒಂದು ದಿನದ ಧರಣಿ ಸತ್ಯಾಗ್ರಹ ನಡೆಸಿ ಜಿಲ್ಲಾಧಿಕಾರಿಗಳ ಮೂಲಕ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಲು ನಿರ್ಧಾರ ಕೈಗೊಂಡ ಹಿನ್ನಲೆಯಲ್ಲಿ ಧರಣಿ ಆಯೋಜಿಸಲಾಗಿತ್ತು.

ಈ ನಿಟ್ಟಿನಲ್ಲಿ ಈಗಾಗಲೇ ರಾಜ್ಯದ ಎಲ್ಲ ಜಿಲ್ಲಾ ಉಸ್ತುವಾರಿ ಸಚಿವರು, ಶಾಸಕರು, ಜಿಲ್ಲಾಧಿಕಾರಿಗಳು ಹಾಗೂ ತಹಸೀಲ್ದಾರರ ಮೂಲಕ ನೂರಾರು ನಿವೃತ್ತ ನೌಕರರು ಮನವಿಯನ್ನು ಸಲ್ಲಿಸಿದ್ದಾರೆ.

ಈ ಸಂದರ್ಭದಲ್ಲಿ ರಾಜ್ಯ ಸಂಚಾಲಕರಾದ ಅಂಬಾರಾಯ ಶಾಂತಯ್ಯ, ಜಿಲ್ಲಾ ಸಂಚಾಲರಾದ ಜಗನ್ನಾಥ ಪತಂಗೆ, ವೆಂಕಟರೆಡ್ಡಿ, ಬಾಬುರಾವ್‌ ಬಿರಾದಾರ, ಗೋವಿಂದ ಟಿಳೆ, ಸರಸ್ವತಿ, ಚುಕ್ಕಮ್ಮ, ಸುರೇಖಾ ಶೀಲವಂತ, ನೀಲಕಂಠಯ್ಯ, ಕಲ್ಲಪ್ಪ ಪುಜಾರಿ, ಚಂದ್ರಕಾಂತ ಬಿರಾದಾರ, ಗೋಪಾಳರಾವ್‌ ಪಾಂಚಾಳ, ರಘುನಾಥ ರೊಟ್ಟಿ, ಶಿವಾಜಿ ಕಾವಳೆ ಸೇರಿ ಅನೇಕ ನಿವೃತ ಸರ್ಕಾರಿ ನೌಕರರು ಭಾಗವಹಿಸಿದ್ದರು.