ಕೆ.ಆರ್.ಸಾಗರ ಅಣೆಕಟ್ಟೆಗೆ ಕೇಂದ್ರ ಬರ ಸಮಿತಿ ತಂಡ ಭೇಟಿ, ವಾಸ್ತವ ಸ್ಥಿತಿ ಪರಿಶೀಲನೆ
ಸಾರಾಂಶ
ಈ ಭಾರಿ ಮಳೆ ಪ್ರಮಾಣ ಕಡಿಮೆಯಾಗಿ ನಾಲೆಗಳಿಗೆ ನೀರು ಬಿಡುಗಡೆ ಕಡಿಮೆಯಾಗಿದೆ. ಕೆರೆ-ಕಟ್ಟೆಗಳು, ಕುಡಿಯುವ ನೀರು ಮತ್ತು ರೈತರು ಅರೆ ಖುಷ್ಕಿ ಬೆಳೆಯುವಂತೆ ತಿಳಿಸಲಾಗಿದೆ. ಪ್ರಸ್ತುತ ಶೇಕಡಾ 50ಕ್ಕಿಂತ ಕಡಿಮೆ ನೀರು ಸಿಗಲಿದೆ. ಈ ಭಾಗಗಳಲ್ಲಿ ಶೇಕಡಾ 80 ರಷ್ಟು ರೈತರು ಎರಡು ಎಕರೆಗಿಂತ ಜಮೀನು ಉಳ್ಳವರಾಗಿದ್ದು, ಒಂದು ತಿಂಗಳು ತಡವಾಗಿ ನಾಟಿ ಮಾಡಿದ್ದಾರೆ.
ಕನ್ನಡಪ್ರಭ ವಾರ್ತೆ ಶ್ರೀರಂಗಪಟ್ಟಣ
ಇದಕ್ಕೂ ಮುನ್ನ ಕಬಿನಿ ಅಣೆಕಟ್ಟೆ ವ್ಯಾಪ್ತಿಯಲ್ಲಿ ಪರಿಶೀಲನೆ ನಡೆಸಿದ ಬರ ಸಮಿತಿ ಸದಸ್ಯ ತಂಡ ನಂತರ ಕೆ.ಆರ್.ಸಾಗರ ಅಣೆಕಟ್ಟೆಗೆ ಹಾಗೂ ಮಂಡ್ಯ ಜಿಲ್ಲೆ ಕಾವೇರಿ ನೀರು ಬಳಕೆ ಮಾಡುವ ಜಮೀನು ಪ್ರಾಂತ್ಯದ ವಿವಿಧೆಡೆ ಭೇಟಿ ನೀಡಿ ಮಾಹಿತಿ ಸಂಗ್ರಹಿಸಿತು.
ಕಾವೇರಿ ನೀರಾವರಿ ನಿಗಮದ ಮಂಡ್ಯ ವೃತ್ತದ ಅಧೀಕ್ಷಕ ಅಭಿಯಂತರ ಕೆ.ರಘುರಾಮ್ ಅವರು ಅಣೆಕಟ್ಟೆಯ ವಾಸ್ತವ ಸ್ಥಿತಿಗತಿಗಳು ನೀರಿನ ಸಂಗ್ರಹ, ಒಳಹರಿವಿನ ಪ್ರಮಾಣ ಬಳಕೆ, ಹಿಂದಿನ ವರ್ಷಗಳ ನೀರಿನ ಸಂಗ್ರಹದ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದರು.ನಂತರ ಮಂಡ್ಯ ಜಿಲ್ಲಾ ಕೃಷಿ ಇಲಾಖೆ ಜಂಟಿ ನಿರ್ದೇಶಕ ಜಯಸ್ವಾಮಿ ಜೊತೆಗೂಡಿ ಬೆಳಗೊಳ ಮತ್ತು ಪಾಲಹಳ್ಳಿ ಬಳಿ ಜಮೀನುಗಳಿಗೆ ತೆರಳಿ ರೈತರು ಬೆಳೆದಿರುವ ಭತ್ತ ಫಸಲನ್ನು ಪರಿಶೀಲನೆ ನಡೆಸಿದರು.
ಈ ಭಾರಿ ಮಳೆ ಪ್ರಮಾಣ ಕಡಿಮೆಯಾಗಿ ನಾಲೆಗಳಿಗೆ ನೀರು ಬಿಡುಗಡೆ ಕಡಿಮೆಯಾಗಿದೆ. ಕೆರೆ-ಕಟ್ಟೆಗಳು, ಕುಡಿಯುವ ನೀರು ಮತ್ತು ರೈತರು ಅರೆ ಖುಷ್ಕಿ ಬೆಳೆಯುವಂತೆ ತಿಳಿಸಲಾಗಿದೆ. ಪ್ರಸ್ತುತ ಶೇಕಡಾ 50ಕ್ಕಿಂತ ಕಡಿಮೆ ನೀರು ಸಿಗಲಿದೆ. ಈ ಭಾಗಗಳಲ್ಲಿ ಶೇಕಡಾ 80 ರಷ್ಟು ರೈತರು ಎರಡು ಎಕರೆಗಿಂತ ಜಮೀನು ಉಳ್ಳವರಾಗಿದ್ದು, ಒಂದು ತಿಂಗಳು ತಡವಾಗಿ ನಾಟಿ ಮಾಡಿದ್ದಾರೆ ಎಂದು ತಿಳಿಸಿದ್ದಾರೆ.
ಬಳಿಕ ಡಾ.ನವೀನ್ ಕುಮಾರ್ ಜೈನ್ ಮಾತನಾಡಿ, ರೈತರು ಕಡಿಮೆ ನೀರು ಬಳಸಿ, ಫಸಲು ಹೆಚ್ಚಿಸಲು ನೇರ ನಾಟಿ ವಿಧಾನ ಅಳವಡಿಸಿಕೊಳ್ಳುವಂತೆ ತಿಳಿಸಲು ಹೇಳಿ ಕಡಿಮೆ ನೀರು ಬಳಕೆಯಾಗುವ ಜೊತೆಗೆ ಇತರೆ ರೈತರುಗಳಿಗೆ ಉಪಯೋಗ ಹೆಚ್ಚುತ್ತದೆ ಎಂದರು.
ಈ ವೇಳೆ ಕೆ.ಆರ್.ಸಾಗರ ಕಾ.ನೀ.ನಿಗಮದ ಕಾರ್ಯಪಾಲಕ ಅಭಿಯಂತರ ವೆಂಕಟರವಣಪ್ಪ, ಸೇರಿದಂತೆ ಇತರೆ ಅಧಿಕಾರಿಗಳು ಇದ್ದರು.