ಸಹಸ್ರಾರು ಭಕ್ತರಿಂದ ಮಾರಮ್ಮ ದೇವಿಯ ದರ್ಶನ

ಶಿರಸಿ: ನಗರದ ಬಿಡ್ಕಿಬೈಲ್‌ನಲ್ಲಿ ವಿರಾಜಮಾನಳಾದ ನಾಡಿನ ಅಧಿದೇವತೆ ಶಿರಸಿಯ ಮಾರಿಕಾಂಬಾ ದೇವಿಯ ದರ್ಶನ ಮತ್ತು ಪೂಜಾ ಸೇವೆಗಳು ಗುರುವಾರದಿಂದ ಆರಂಭವಾಗಿದ್ದು, ಸಹಸ್ರಾರು ಭಕ್ತಾದಿಗಳು ದೇವಿಯ ದರ್ಶನ ಪಡೆದು ಪುನೀತರಾದರು.

ಮಾ. ೧೯ರಿಂದ ಆರಂಭವಾದ ಜಾತ್ರೆಯು ೨೭ರ ವರೆಗೆ ನಡೆಯಲಿದೆ. ಮಾ. ೨೧ರಂದು ಬೆಳಗ್ಗೆ ೫ ಗಂಟೆಗೆ ಸೇವೆಗಳು ಪ್ರಾರಂಭಗೊಂಡಿತು. ದೇವಿಯ ಗದ್ದುಗೆಯ ಮೊದಲ ಪೂಜೆಯನ್ನು ನಾಡಿಗ ಮನೆತನದ ಅಜಿತ್ ನಾಡಿಗ್ ಪೂಜೆ ಸಲ್ಲಿಸಿ, ಧಾರ್ಮಿಕ ವಿಧಿವಿಧಾನ ನೆರವೇರಿಸಿದರು. ನಂತರ ಸಾರ್ವಜನಿಕರ ಸೇವೆಯು ಪ್ರಾರಂಭವಾಯಿತು.

ಬೆಳಗ್ಗೆ ೪ ಗಂಟೆಯಿಂದ ದೇವಿಯ ದರ್ಶನಕ್ಕಾಗಿ ಕಿಲೋ ಮೀಟರ್ ದೂರ ಭಕ್ತಾದಿಗಳು ಸರತಿ ಸಾಲಿನಲ್ಲಿ ನಿಂತ ದೃಶ್ಯ ಕಂಡುಬಂತು. ದೇವಿ ಪ್ರತಿಷ್ಠಾಪನೆಯಾದ ಬಿಡ್ಕಿಬೈಲ್‌ನಿಂದ ೩ ಸಾಲಾಗಿ ಮಾರಿಕಾಂಬಾ ದೇವಾಲಯದ ವರೆಗೂ ಹೋಗಿದ್ದು, ಜನದಟ್ಟಣೆಯೆಂದು ತೋರ್ಪಡಿಸಿತು.

ವೃದ್ಧರು, ಗರ್ಭಿಣಿಯರಿಗೆ, ಅಂಗವಿಕಲರಿಗೆ ದೇವಿಯ ದರ್ಶನಕ್ಕೆ ನೇರ ವ್ಯವಸ್ಥೆ ಮಾಡಲಾಗಿತ್ತು. ಸೇವಾ ಕಾರ್ಯಕರ್ತರು ಅಶಕ್ತರಿಗೆ ವೀಲ್ ಚೇರ್ ಮೂಲಕ ದೇವಿ ದರ್ಶನ ಮಾಡಿಸಿದರು.