ಕನ್ನಡಪ್ರಭ ವಾರ್ತೆ ಜಮಖಂಡಿ
ಮಳೆಗಾಲದಲ್ಲಿ ಮಾತ್ರ ನೀರು ಹರಿಸಬೇಕೆಂಬ ಆದೇಶವಿದೆ. ಈ ಭಾಗದ ರೈತರಿಗೆ ನೀರಿನ ಕೊರತೆ ಉಂಟಾಗುತ್ತದೆ ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅವರು, ನಮ್ಮ ಭಾಗಕ್ಕೆ ಬೆಳೆಗಳಿಗೆ ನಾವು ನೀರು ಕೇಳುತ್ತಿಲ್ಲ. ಕೇವಲ ಕುಡಿಯುವ ನೀರಿಗಾಗಿ ಕೃಷ್ಣಾ ಹಿನ್ನೀರಿನಲ್ಲಿ 0.7 ಟಿಎಂಸಿ ನೀರು ಕೇಳುತ್ತಿದ್ದೇವೆ. ಗಲಗಲಿ ಬ್ಯಾರೇಜ್ ಬಾಗಿಲು ತೆರೆದರೆ, ಚಿಕ್ಕಪಡಸಲಗಿ ಬ್ಯಾರೇಜ್ ವರೆಗೆ ಹಿನ್ನೀರು ಹಿಮ್ಮುಖವಾಗಿ ಹರಿದುಬರುತ್ತದೆ. ಅದನ್ನು ಮಾತ್ರ ನಮಗೆ ಕುಡಿಯಲು ಬಿಡಿ ಎಂದು ಮನವಿ ಮಾಡಿದರು.
ಹೋರಾಟದ ಎಚ್ಚರಿಕೆ ;ಬೆಳಗಾವಿ, ಬಾಗಲಕೋಟೆ ಹಾಗೂ ವಿಜಯಪುರ ಜಿಲ್ಲೆಗಳ ರೈತ ಮುಖಂಡರು ನೀರು ಹರಿಸಲು ಆಗ್ರಹಿಸಿ ಹೋರಾಟ ನಡೆಸ ಬೇಕಾದ ಅನಿವಾರ್ಯತೆ ಎದುರಾಗಿದೆ. ಮೂರ್ನಾಲ್ಕು ದಿನಗಳಲ್ಲಿ ಸರಿಯಾದ ನಿರ್ಧಾರವಾಗದೇ ಹೋದಲ್ಲಿ ಬೆಂಗಳೂರು ಚಲೋ ನಡೆಸಲಾಗುವುದು ಎಂದು ಕಲಬೀಳಗಿ ರಾಜುಗೌಡ ಪಾಟೀಲ ತಿಳಿಸಿದರು.ಮೂರು ಜಿಲ್ಲೆಗಳ ಉಸ್ತುವಾರಿ ಸಚಿವರು ಹಾಗೂ ಜನ ಪ್ರತಿನಿಧಿಗಳು ಮಹರಾಷ್ಟ್ರದ ಕೋಯ್ನಾ ಡ್ಯಾಂನಿಂದ ನೀರು ಬಿಡಿಸಿ ಕೊಳ್ಳಲು ಪಕ್ಷಾತೀತವಾಗಿ ಪ್ರಯತ್ನಿಸಬೇಕು. ಸಮರೋಪಾದಿಯಲ್ಲಿ ಕೆಲಸ ಪ್ರಾರಂಭಿಸಬೇಕು ಎಂದು ಒತ್ತಾಯಿಸಿದರು. ಸರ್ಕಾರ ದೀರ್ಘಾವಧಿ ಬೆಳೆಗಳಾದ ದ್ರಾಕ್ಷಿ, ದಾಳಿಂಬೆ ಬೆಳೆಗಳನ್ನು ಉಳಿಸಿಕೊಳ್ಳಲು ಕೂಡಲೇ ಕ್ರಮ ಜರುಗಿಸಬೇಕು ಎಂದು ಹೇಳಿದರು.