ಯುವ ಪ್ರತಿಭೆಗಳಿಗೆ ಧಾರವಾಡ ಐಡಲ್‌ ಸೀಸನ್‌-2 ಅವಕಾಶ

KannadaprabhaNewsNetwork |  
Published : Nov 20, 2026, 01:45 AM IST
ಡಾ.ರಾಜನ್‌ ದೇಶಪಾಂಡ | Kannada Prabha

ಸಾರಾಂಶ

ಮಕ್ಕಳ ಅಕಾಡೆಮಿಯು ಗುಜ್ಜಾಡಿ ಸ್ವರ್ಣ ಜ್ಯುವೆಲೆರ್ಸ್‌ ಸಹಯೋಗದಲ್ಲಿ 14ರಿಂದ 18 ವರ್ಷದ ಯುವ ಪ್ರತಿಭೆಗಳಿಗೆ ಧಾರವಾಡ ಐಡಲ್‌ ಸೀಸನ್‌ - 2 ಗಾಯನ ಸ್ಪರ್ಧೆ ಆಯೋಜಿಸಿದೆ.

ಧಾರವಾಡ:

ಇಲ್ಲಿಯ ಮಕ್ಕಳ ಅಕಾಡೆಮಿಯು ಗುಜ್ಜಾಡಿ ಸ್ವರ್ಣ ಜ್ಯುವೆಲೆರ್ಸ್‌ ಸಹಯೋಗದಲ್ಲಿ 14ರಿಂದ 18 ವರ್ಷದ ಯುವ ಪ್ರತಿಭೆಗಳಿಗೆ ಧಾರವಾಡ ಐಡಲ್‌ ಸೀಸನ್‌ - 2 ಗಾಯನ ಸ್ಪರ್ಧೆ ಆಯೋಜಿಸಿದೆ ಎಂದು ಅಕಾಡೆಮಿ ಅಧ್ಯಕ್ಷ ಡಾ. ರಾಜನ್‌ ದೇಶಪಾಂಡೆ ಹೇಳಿದರು.

ಈ ಸ್ಪರ್ಧೆಯಲ್ಲಿ ಶಾಸ್ತ್ರೀಯ ಸಂಗೀತ ಆಧಾರಿತ ಚಲನಚಿತ್ರ ಗೀತೆ ಹಾಗೂ ಸಿನಿಮಾಯೇತರ ಶಾಸ್ತ್ರೀಯ ಗೀತೆಗಳಿಗೂ ಆದ್ಯತೆ ಇದೆ. ರಾಜ್ಯದ ಮಟ್ಟದ ಈ ಸ್ಪರ್ಧೆಯ ಮೊದಲ ಸೀಸನ್‌ನಲ್ಲಿ ದೃಷ್ಟಿದೋಷ ಹೊಂದಿದ ರೇಣುಶ್ರೀ ಕೊಡ್ಲಿ ಪ್ರಶಸ್ತಿ ಗೆದ್ದಿದ್ದರು. ವಿಜೇತರಿಗೆ ಆಕರ್ಷಕ ಟ್ರೋಫಿಯೊಂದಿಗೆ ನಗದು ಬಹುಮಾನ ಇರಲಿದೆ. ಮೊದಲ ಪ್ರಶಸ್ತಿ ₹ 25 ಸಾವಿರ, ದ್ವಿತೀಯ ₹ 15 ಸಾವಿರ, ತೃತೀಯ ₹10 ಸಾವಿರ ಹಾಗೂ ಸಮಾಧಾನಕರ ₹ 5 ಸಾವಿರ ಮೌಲ್ಯದ್ದಾಗಿರುತ್ತದೆ ಎಂದರು.

14ರಿಂದ 18 ವರ್ಷದ ಆಸಕ್ತರು ಎರಡು ನಿಮಿಷಗಳ ತಮ್ಮ ಗಾಯನದ ವಿಡಿಯೋ, ಪರಿಚಯವನ್ನು 7676894447 ವಾಟ್ಸ್‌ಆ್ಯಪ್‌ ಸಂಖ್ಯೆಗೆ ನ. 24ರೊಳಗೆ ₹ 200 ಪ್ರವೇಶ ಶುಲ್ಕದೊಂದಿಗೆ ಕಳುಹಿಸಬೇಕು. ಸ್ಪರ್ಧೆಯ ಅಂತಿಮ ಸುತ್ತು ಡಿಸೆಂಬರ್‌ 5ರಂದು ಕರ್ನಾಟಕ ವಿದ್ಯಾವರ್ಧಕ ಸಂಘದಲ್ಲಿ ಸಂಜೆ 4ಕ್ಕೆ ಜರುಗಲಿದ್ದು, ಕೊನೆ ಸುತ್ತಿಗೆ ಆಯ್ಕೆಯಾದ ಗಾಯಕರು ತಮ್ಮ ಪ್ರತಿಭೆ ಅನಾವರಣ ಮಾಡಬಹುದು. ಲೈವ್‌ ಬ್ಯಾಂಡ್‌ ಮ್ಯೂಸಿಕ್‌ ವ್ಯವಸ್ಥೆ ಮಾಡುತ್ತಿದ್ದು, ಕನ್ನಡ ಹಾಗೂ ಹಿಂದಿ ಹಾಡುಗಳನ್ನು ಹಾಡಲು ಅವಕಾಶ ಕಲ್ಪಿಸಲಾಗಿದೆ ಎಂದು ದೇಶಪಾಂಡೆ ತಿಳಿಸಿದರು.

ಸುದ್ದಿಗೋಷ್ಠಿಯಲ್ಲಿ ಡಾ.ವಿಜಯ ಕಳಸದ, ಪ್ರೊ.ಹಿರೇಮಠ, ಸತೀಶ ಪರ್ವತೀಕರ, ಸಿ.ಯು. ಬೆಳ್ಳಕ್ಕಿ ಇದ್ದರು.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಟ್ರ್ಯಾಕ್ಟರ್‌ಗಳಲ್ಲಿ ಹಾಡುಗಳ ಅಬ್ಬರ, ಕ್ರಮಕ್ಕೆ ಆಗ್ರಹಿಸಿ ಪ್ರತಿಭಟನೆ
ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಖಾಸಗಿ ಶಾಲಾ ಶಿಕ್ಷಕರ ಪ್ರತಿಭಟನೆ