ಕೆಲಸ ಮಾಡದಿದ್ದರೆ ಶಿಸ್ತು ಕ್ರಮ ಗ್ಯಾರಂಟಿ: ಅಲ್ಲಂಪ್ರಭು ಪಾಟೀಲ್
ಸಾರಾಂಶ
ಮಳೆ ಹೆಚ್ಚಿಗೆ ಸುರಿತಿದೆ, ಎಲ್ಲೆಂದರಲ್ಲಿ ಕಸ, ಕೊಳಚೆ ಸೇಖರಣೆಯಾಗುತ್ತಿದೆ, ಎಲ್ಲವನ್ನು ಸ್ವಚ್ಛಗೊಳಿಸಿ ನಗರ ನೈರ್ಮಲ್ಯ ಕಾಪಾಡುವಲ್ಲಿ ಮುತುವರ್ಜಿ ತೋರದಿದ್ರೆ ಶಿಸ್ತ್ರ ಕ್ರಮ ನಿಶ್ಚಿತ ಎಂದು ಪಾಲಿಕೆಯ ಸಿಬ್ಬಂದಿಗೆ ಶಾಸಕ ಅಲ್ಲಂಪ್ರಭು ಪಾಟೀಲ್ ಮಾತಿನ ಬಿಸಿ ಮುಟ್ಟಿಸಿದ್ದಾರೆ.
ಕನ್ನಡಪ್ರಭ ವಾರ್ತೆ ಕಲಬುರಗಿ
ಡೆಂಘೀ ಸೇರಿದಂತೆ ಸಾಂಕ್ರಾಮಿಕ ರೋಗಬಾಧೆಯ ಹಿನ್ನೆಲೆಯಲ್ಲಿ ಪಾಲಿಕೆ ಅಧಿಕಾರಿಗಳು, ನೈರ್ಮಲ್ಯ ನಿರೀಕ್ಷಕರ ಸಭೆ ನಡೆಸಿದ ಶಾಸಕರು, ಇನ್ನಾದ್ರು ಕೆಲ್ಸ ಮಾಡ್ರಿ, ನಿಮ್ಮ ಸಂಸಾರ, ಮಕ್ಕಳೆಲ್ಲರು ಕಲಬುರಗಿಯೊಳ್ಗ ಇದ್ದಾರಲ್ಲೋ, ನೀವು ಹೋದಲ್ಲೆಲ್ಲಾ ಕಸ, ಕೊಳಚೆ ಕಂಡ್ರ ಸ್ವಚ್ಛತೆಗೆ ಮುಂದಾಗ್ರಿ, ಎಲ್ಲಾನು ನಾವೇ ಹಳಬೇಕಾ ನಿಮಗೆ ಎಂದು ತರಾಟೆಗೆ ತೆಗೆದುಕೊಂಡರು.
ಡೆಂಘೀ ಡಂಗುರ ಸಾರುತ್ತಿದೆ. ಸೊಳ್ಳೆಕಾಟ ಹೆಚ್ಚುತ್ತಿದೆ. ಮಳೆ ಸುರಿಯುತ್ತಿದೆ. ಹೆಚ್ಚಿನ ಮಲೆ ಇರೋದರಿಂದ ರೋಗಗಳು ಸಾಲುಸಾಲು ಸವಾಲು ಹಾಕುತ್ತಿವೆ. ಹೀಗಿರುವಾಗ ನಿಮ್ಮಿಂದ ಹೆಚ್ಚಿನ ಕೆಲಸ ನಬೇಕು. ಅದನ್ನೆಲ್ಲ ಬಿಟ್ಟು ಎಂಡಿನಂತೆ ಮಲಗಿದರೆ ಹೇಗೆಂದು ಗುಡುಗಿದರು.ಸಿಬ್ಬಂದಿ ಕೆಲಸ ಮಾಡದೆ ಮೈಗಳ್ಳರಾದರೆ ಸಹಿಸಲಾಗದು, ವಾದೊಳಗೆ ಕಲಬುರಗಿ ಸ್ವಚ್ಛತೆಗೆ ಕೆಲಸಗಲಾಗಬೇಕು, ಕುಳಿ ತುಂಬಬೇಕು, ರಸ್ತೆಗಳು ಸ್ವಚ್ಚವಾಗಬೇಕು, ಇವೆಲ್ಲ ಕೆಲಸಗಳು ವಾರದೊಳಗೆ ಆಗದೆ ಹೋದಲ್ಲಿ ಸಿಬ್ಬಂದಿ ವಿರುದ್ಧ ಕ್ರಮಕ್ಕೆ ಮುಂದಾಗುವಂತೆ ಪಾಲಿಕೆ ಆಯುಕ್ತ ಭುವನೇಶ ಪಾಟೀಲರಿಗೆ ಶಾಸಕರು ಸೂಚಿಸಿದರು.
ಪರಿಸರ ಇಂಜಿನಿಯರ್ಗಳು, ಸ್ಯಾನಿಟರಿ ಇನ್ಸಪೆಕ್ಟರ್ಗಳು ಒಂದಾಗಿ ಯೋಜನೆ ರೂಪಿಸಿ ಡೆಂಗೀ ಬಗ್ಗೆ ಜಾಗೃತಿ ಮೂಡಿಸಿರಿ. ನೀರು ನಿಲ್ಲದಂತೆ ಕಕ್ರಮ ಕೈಗೊಳ್ಳಿ, ಕರಪತ್ರ ಮುದ್ರಿಸಿ ಜನತೆಗೆ ತಿಳಿಸಿರಿ ಎಂದು ಸಲಹೆ ನೀಡಿದರು.
ಜನರ ಆರೋಗ್ಯ, ನಗರ ನೈರ್ಮಲ್ಯ ರಕ್ಷಣೆ ಪಾಲಿಕೆಯ ಜವಾಬ್ದಾರಿಯಾಗಿದ್ದರೂ ಅದನ್ನೇ ನೀವು ಯಾರೂ ಸರಿಯಾಗಿ ನಿಭಾಯಿಸುತ್ತಿಲ್ಲ. ಹೀಗಾದ ಮೇಲೆ ನಿಮಗೇಕೆ ಇಲ್ಲಿ ಬೇರೇನೋ ಕೆಲಸ ಹೇಳಿ? ಎಇಇ, ಜೆಇ ಸೇರಿದಂತೆ ಅನೇಕರು ಇದ್ದೀರಿ. ಸಾಕಷ್ಟು ಸಿಬ್ಬಂದಿ, ಯಂತ್ರೋಪಕಣ ಇದ್ದರೂ ನಗರದಲ್ಲಿ ಬೇಕಾಬಿಟ್ಟಿ ಕುಳಿಗಳಿವೆ. ಕಸ, ಕೊಚ್ಚೆ ರಾಶಿಯಾಗುತ್ತಿದೆ. ಇದನ್ನೆಲ್ಲ ಗಮನಿಸೋರು ಯಾರು? ಎಂದರು.
ಪಾಲಿಕೆ ಆಯುಕ್ತ ಭುವನೇಶ ಪಾಟೀಲ್, ಅಭಿವೃದ್ಧಿ ಆಯುಕ್ತ ಆರ್ ಪಿ ಜಾಧವ್ ಈ ಬಗ್ಗೆ ಮಾತನಾಡುತ್ತ ಇಲ್ಲಿ ಕಾಮಗಾರಿ ಅರ್ಧಕ್ಕೆ ನಿಂತಿರೋದನ್ನ ಒಪ್ಪಿಕೊಂಡರಲ್ಲದೆ ಡಿವೈಡರ್ ಸರಿಪಡಿಸುವ ಕೆಲಸ ಸಾಗಿದೆ ಎಂದು ಶಸಾಕರಿಗೆ ಸಮಜಾಯಿಷಿ ಹೇಳಿ ವಿಷಾಂತರ ಮಾಡಿದರು. ರಸ್ತೆಯನ್ನೇ ಪಪುನಃ ನಿರ್ಮಿಸುವ ಅಗತ್ಯ ಒತ್ತಿ ಹೇಳುತ್ತ ಈ ಕೆಲಸ ಬೇಗ ಆಗೋದಲ್ಲವೆಂದು ಅಭಿಪ್ರಾಯಪಟ್ಟರು.
ಶಾಸಕ ಅಲ್ಲಂಪ್ರಭು ಪಾಟೀಲ್ ಖಡಕ್ ಸೂಚನೆಗಳು
- ವಾರದೊಳಗೆ ಕಸ- ಕೊಲಚೆ ನಗರದಲ್ಲಿ ಕಾಣದಂತೆ ಕ್ರಮಕ್ಕೆ ಮುಂದಾಗಿರಿ
- ನೈರ್ಮಲ್ಯ ನಿರೀಕ್ಷಕರು ಕಣ್ಣುಗಳನ್ನು ತೆರೆದುಕೊಂಡು ಕೆಲಸ ಮಾಡಿರಿ, ಇಲ್ದೆ ಹೋದ್ರೆ ಕ್ರಮ