ಮನೆಗೆ ಇ-ಸ್ವತ್ತು: 11ಎ, 11ಬಿಗೆ ಅರ್ಜಿ ಹಾಕಿ

KannadaprabhaNewsNetwork |  
Published : Nov 23, 2026, 01:30 AM IST
ರಂಗೂಪುರ ಶಿವಕುಮಾರ್ | Kannada Prabha

ಸಾರಾಂಶ

ತಾಲೂಕಿನ ಎಲ್ಲಾ 34 ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಅರ್ಹ ಕಟ್ಟಡಗಳಿಗೆ ಇ-ಸ್ವತ್ತು ನಮೂನೆ 11ಎ ಮತ್ತು 11ಬಿ ಪ್ರಮಾಣಪತ್ರ ನೀಡುವ ಪ್ರಕ್ರಿಯೆಯನ್ನು ರಾಜ್ಯ ಸರ್ಕಾರ ಸರಳೀಕರಣಗೊಳಿಸಿದ ಬೆನ್ನಲ್ಲೇ, ತಾಲೂಕಿನ ಎಲ್ಲಾ ಗ್ರಾಮ ಪಂಚಾಯಿತಿಗಳಲ್ಲಿ ಇ-ಸ್ವತ್ತು ಪಡೆಯಲು ಅರ್ಜಿ ಸಲ್ಲಿಸಬಹುದಾಗಿದೆ.

ರಂಗೂಪುರ ಶಿವಕುಮಾರ್

ಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ತಾಲೂಕಿನ ಎಲ್ಲಾ 34 ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಅರ್ಹ ಕಟ್ಟಡಗಳಿಗೆ ಇ-ಸ್ವತ್ತು ನಮೂನೆ 11ಎ ಮತ್ತು 11ಬಿ ಪ್ರಮಾಣಪತ್ರ ನೀಡುವ ಪ್ರಕ್ರಿಯೆಯನ್ನು ರಾಜ್ಯ ಸರ್ಕಾರ ಸರಳೀಕರಣಗೊಳಿಸಿದ ಬೆನ್ನಲ್ಲೇ, ತಾಲೂಕಿನ ಎಲ್ಲಾ ಗ್ರಾಮ ಪಂಚಾಯಿತಿಗಳಲ್ಲಿ ಇ-ಸ್ವತ್ತು ಪಡೆಯಲು ಅರ್ಜಿ ಸಲ್ಲಿಸಬಹುದಾಗಿದೆ.

ಆಯಾಯ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ನಿವಾಸಿಗಳು ತಮ್ಮ ಗ್ರಾಮ ಪಂಚಾಯಿತಿ ಕಚೇರಿ, ಆನ್‌ಲೈನ್ ಪೋರ್ಟಲ್ ಅಥವಾ ಸಾರ್ವಜನಿಕ ಕಂಪ್ಯೂಟರ್ ಕೇಂದ್ರಗಳ ಮೂಲಕ ಅರ್ಜಿ ಸಲ್ಲಿಸಬಹುದು.

ಯಾರು ಅರ್ಜಿ ಸಲ್ಲಿಸಬಹುದು?:

ನಮೂನೆ 11ಎ:

ಗ್ರಾಮ ಠಾಣಾ ವ್ಯಾಪ್ತಿಯ ಅರ್ಹ ಕಟ್ಟಡಗಳು, ನೋಂದಾಯಿತ ದಾಖಲೆಗಳಿಲ್ಲದ ಪ್ರಕರಣಗಳು, 2025ರ ಏ.7ರ ಪೂರ್ವದ ಕಟ್ಟಡಗಳು. ಅನ್ವಯಿಸುವ ವರ್ಗಕ್ಕೆ 4 ಸಾವಿರ ಚದರ ಅಡಿ ಮಿತಿ ಇದೆ.

ಬೇಕಿರುವ ದಾಖಲೆ:

ದಿಶಾಂಕ್ /ಗ್ರಾಮ ಠಾಣಾ ನಕ್ಷೆ, ಕರ ನಿರ್ಧಾರಣಾ ವಹಿಯ ದೃಢೀಕೃತ ಪ್ರತಿ (ಅಥವಾ ಪಿಐಡಿ) / ಪಿಡಿಒ ದೃಢೀಕರಣ, 2025ರ ಏ.7ರ ಪೂರ್ವದ ವಿದ್ಯುತ್ ಬಿಲ್ ಅಥವಾ ಎಸ್ಕಾಂ ಖಾತೆ ಐಡಿ, ಸ್ಥಳ ಮಹಜರು ಪ್ರತಿ.

ನಮೂನೆ 11ಬಿ:

ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕೃಷಿ ಜಮೀನಿನಲ್ಲಿರುವ ಕಟ್ಟಡಗಳು, ಮೂಲ ಮಾಲೀಕರು ನಿರ್ಮಿಸಿರುವ ಕಟ್ಟಡಗಳು, ವಾಸಕ್ಕಾಗಿ ಅಥವಾ ಕೃಷಿ ಸಲಕರಣೆ ಇಡುವ ಉದ್ದೇಶದ ಕಟ್ಟಡಗಳು ಅರ್ಹವಾಗಿವೆ.

ಬೇಕಿರುವ ದಾಖಲೆ:

2025 ರ ಏ.7ರ ಪೂರ್ವದ ವಿದ್ಯುತ್ ಬಿಲ್, ಪಹಣಿ (ಆರ್‌ಟಿಸಿ) - ಮೂಲ ಮಾಲೀಕರ ಹೆಸರಿನಲ್ಲಿ ಇರಬೇಕು, ಋಣಭಾರ ಪ್ರಮಾಣಪತ್ರ (ಇಸಿ).ಕೇಂದ್ರ / ರಾಜ್ಯ ಸರ್ಕಾರದ ವಸತಿ ಯೋಜನೆಯಡಿ ಮಂಜೂರಾದ ಕಟ್ಟಡಗಳು ಜಮೀನಿನ ಮಾಲೀಕರ ಹೆಸರಿನಲ್ಲಿ ನಮೂನೆ ಸೃಜನೆ, ಪರಭಾರೆಗೆ ಅವಕಾಶವಿಲ್ಲ.

ಬೇಕಿರುವ ದಾಖಲೆ:

2025ರ ಏ.7ಕ್ಕಿಂತ ಹಿಂದಿನ ವಸತಿ ಯೋಜನೆಯಡಿ ಮಂಜೂರಾದ ಆದೇಶದ ಪ್ರತಿ, ಪಹಣಿ (ಆರ್‌ಟಿಸಿ), ವಂಶವೃಕ್ಷ, ಮನೆ ನಿರ್ಮಾಣ ಮಾಡಲು ಪಹಣಿದಾರರ ಒಪ್ಪಿಗೆ ಪತ್ರ.ಹೆಚ್ಚಿನ ಮಾಹಿತಿಗಾಗಿ eswathu.karnataka.gov.in ನೋಡಬಹುದು ಅಥವಾ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ (ಪಿಡಿಒ) ಅವರನ್ನು ಸಂಪರ್ಕಿಸಬಹುದು.

ಇ-ಸ್ವತ್ತು ನಮೂನೆ 11ಎ ಮತ್ತು 11ಬಿ ಅರ್ಹ ಕಟ್ಟಡಗಳಿಗೆ ಪ್ರಮಾಣಪತ್ರ ನೀಡುವ ಕುರಿತು ಈಗಾಗಲೇ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಸಾರ್ವಜನಿಕ ಜಾಗೃತಿ ಕರಪತ್ರ ಹಂಚಲಾಗಿದೆ.

ಎಸ್.ಪ್ರಸಾದ್ ಪಿಡಿಒ, ಮೂಖಹಳ್ಳಿ

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಕೃಷಿ ಬೋರ್‌ವೆಲ್‌ ನೀರು ಬಿಕರಿ: ಚಿಕ್ಕಣ್ಣ
ಹೆಚ್ಚುವರಿ ಹಣ ಪಾವತಿಗೆ ಸೆಸ್ಕಾಂ ನೋಟಿಸ್‌