ನಂದಾದೀಪ್ನಲ್ಲಿ ಜಾಗತಿಕ ತಜ್ಞರ ಸಂಗಮ
ಸಾರಾಂಶ
ನಂದಾದೀಪ ಮೆಡಿಕಲ್ ಕೇರ್ ಫೌಂಡೇಶನ್ ಹಾಗೂ ನಂದಾದೀಪ್ ಫ್ಯಾಕೋ ಟ್ರೈನಿಂಗ್ ಇನ್ಸ್ಟಿಟ್ಯೂಟ್ ವತಿಯಿಂದ ಡಾ.ಸೌರಭ ಪಾಟವರ್ಧನ್ ಮತ್ತು ಡಾ. ನಿಧಿ ಪಾಟವರ್ಧನ್ ಅವರ ನೇತೃತ್ವದಲ್ಲಿ 2026ರ ಜುಲೈ 19 ರಿಂದ 21ರವರೆಗೆ ಆಯೋಜಿಸಲಾದ ಮೂರು ದಿನಗಳ Phaco Tips 6.0 ತರಬೇತಿ ಸಮ್ಮೇಳನ ಅತ್ಯಂತ ಯಶಸ್ವಿಯಾಗಿ ಹಾಗೂ ಭಾರೀ ಪ್ರತಿಕ್ರಿಯೆಯೊಂದಿಗೆ ಸಂಪನ್ನಗೊಂಡಿತು.
ಕನ್ನಡಪ್ರಭ ವಾರ್ತೆ ವಿಜಯಪುರ
ಸಮ್ಮೇಳನದಲ್ಲಿ ತಜ್ಞರ ಉಪನ್ಯಾಸಗಳು, ಶಸ್ತ್ರಚಿಕಿತ್ಸಾ ಸಲಹೆಗಳು (Surgical Pearls), ಕೇಸ್ ಚರ್ಚೆಗಳು ಹಾಗೂ ನೇರ ಶಸ್ತ್ರಚಿಕಿತ್ಸಾ ಕಲಿಕಾ ಅಧಿವೇಶನಗಳು ನಡೆದವು. ಈ ಅಧಿವೇಶನಗಳನ್ನು ಡಾ. ಸೌರಭ್ ಪಾಟವರ್ಧನ್, ಡಾ. ನಿಧಿ ಪಾಟವರ್ಧನ್, ಡಾ. ದೀಪಕ್ ಮೇಗೂರ, ಡಾ. ಭಾರತಿ ಮೇಗೂರ, ಡಾ. ಉಮೇಶ್ ಅಮ್ರಾಲೆ ಹಾಗೂ ಡಾ. ಭಾವನಾ ಅವರು ನಡೆಸಿಕೊಟ್ಟರು. ಜೊತೆಗೆ ಅಮೆರಿಕದ ಡಾ. ರಾಬರ್ಟ್ ಓಶರ್, ಬ್ರೆಜಿಲ್ನ ಡಾ. ನೆಟೋ ರೊಸಾಟೆಲ್ಲಿ, ಬಲ್ಗೇರಿಯಾದ ಡಾ. ಲೂಕನ್ ಮಿಶೆವ್ ಹಾಗೂ ಮೆಕ್ಸಿಕೋದ ಡಾ. ಐವೋ ಫೆರೈರಾ ಅವರಂತಹ ಅಂತರರಾಷ್ಟ್ರೀಯ ತಜ್ಞರು ಭಾಗವಹಿಸಿ ಕಾರ್ಯಕ್ರಮದ ಮೆರುಗು ಹೆಚ್ಚಿಸಿದರು.
ಈ ಸಮ್ಮೇಳನದ ಪ್ರಮುಖ ಆಕರ್ಷಣೆಯಾಗಿ ಆನ್ಲೈನ್ ಫ್ಯಾಕೋ ಗೈಡನ್ಸ್ ಕೋರ್ಸ್ ಉದ್ಘಾಟನೆಗೊಂಡಿದ್ದು, ಫ್ಯಾಕೋಎಮಲ್ಸಿಫಿಕೇಶನ್ ಶಸ್ತ್ರಚಿಕಿತ್ಸೆಗಾಗಿ Patwardhan''''''''''''''''s Angle Alpha Calculation Method ಅನ್ನು ಅಧಿಕೃತವಾಗಿ ಪರಿಚಯಿಸಲಾಯಿತು. ಇದೇ ಸಂದರ್ಭದಲ್ಲಿ ನೇತ್ರವೈದ್ಯಕೀಯ ಶಿಕ್ಷಣ, ಶಸ್ತ್ರಚಿಕಿತ್ಸಾ ತರಬೇತಿ ಹಾಗೂ ಜ್ಞಾನ ವಿನಿಮಯವನ್ನು ಉತ್ತೇಜಿಸುವ ಉದ್ದೇಶದಿಂದ Angle Alpha Patwardhan App ಮತ್ತು PhacoTips.com ಡಿಜಿಟಲ್ ವೇದಿಕೆಗಳನ್ನು ಅನಾವರಣಗೊಳಿಸಲಾಯಿತು.ಈ ಮಹತ್ವದ ಯೋಜನೆಗಳನ್ನು ಸಂಸ್ಥಾಪಕರಾದ ಹಾಗೂ ಖ್ಯಾತ ಕಣ್ಣಿನ ಪೊರೆ ಶಸ್ತ್ರಚಿಕಿತ್ಸಕರಾದ ಡಾ. ದಿಲೀಪ್ ಪಾಟವರ್ಧನ್, ಸಹ-ಸಂಸ್ಥಾಪಕರಾದ ಡಾ. ಮಾಧವಿ ಪಾಟವರ್ಧನ್, ಮೆಡಿಕಲ್ ಡೈರೆಕ್ಟರ್ ಡಾ. ಸೌರಭ್ ಪಾಟವರ್ಧನ್ ಹಾಗೂ ಸಹ-ಮೆಡಿಕಲ್ ಡೈರೆಕ್ಟರ್ ಡಾ. ನಿಧಿ ಪಾಟವರ್ಧನ್ ಅವರು ಉದ್ಘಾಟಿಸಿದರು. ಈ ನೂತನ ಡಿಜಿಟಲ್ ಶೈಕ್ಷಣಿಕ ಉಪಕ್ರಮಗಳ ಪರಿಕಲ್ಪನೆ, ಅಭಿವೃದ್ಧಿ ಮತ್ತು ಅನುಷ್ಠಾನದಲ್ಲಿ ಮಹತ್ವದ ಪಾತ್ರವಹಿಸಿದ ಶ್ರೀ ಕುಶಲ್ ಪಾಟವರ್ಧನ್ ಅವರಿಗೆ ವಿಶೇಷ ಗೌರವ ಸಲ್ಲಿಸಲಾಯಿತು.
ಈ ಕಾರ್ಯಕ್ರಮವು ಮಹಾರಾಷ್ಟ್ರವನ್ನು ಅತ್ಯಾಧುನಿಕ ನೇತ್ರವೈದ್ಯಕೀಯ ಶಿಕ್ಷಣ ಮತ್ತು ಕ್ಯಾಟರಾಕ್ಟ್ ಶಸ್ತ್ರಚಿಕಿತ್ಸೆಯ ಪ್ರಮುಖ ಕೇಂದ್ರವಾಗಿ ಮತ್ತಷ್ಟು ಬಲಪಡಿಸಿದ್ದು, ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ತಜ್ಞರ ನಡುವೆ ಜ್ಞಾನ ವಿನಿಮಯಕ್ಕೆ ಉತ್ತಮ ವೇದಿಕೆಯನ್ನು ಒದಗಿಸಿತು. ಇದರ ಮೂಲಕ ರೋಗಿಗಳ ಚಿಕಿತ್ಸಾ ಫಲಿತಾಂಶಗಳನ್ನು ಇನ್ನಷ್ಟು ಉತ್ತಮಗೊಳಿಸುವ ದಿಸೆಯಲ್ಲಿ ಮಹತ್ವದ ಹೆಜ್ಜೆ ಇಡಲಾಯಿತು.