ರೈತ ಕುಟುಂಬ ಜೇನು ಸಾಕಾಣಿಕೆ ಹವ್ಯಾಸವಾಗಿಸಿಕೊಂಡರೆ ಅಧಿಕ ಲಾಭ: ಡಾ.ಕೆಂಚರೆಡ್ಡಿ
ಸಾರಾಂಶ
ಪರಿಶುದ್ಧ ಜೇನು ತುಪ್ಪ ಸೇವನೆಯಿಂದ ಆರೋಗ್ಯ ವೃದ್ಧಿ ಜೊತೆಗೆ ಪರಿಸರದಲ್ಲಿನ ಗಿಡ ಮರಗಳ ಪರಾಗ ಸ್ಪರ್ಶ ಕ್ರಿಯೆಗೆ ಜೇನು ಸಾಕಾಣಿಕೆ ನೆರವಾಗಲಿದೆ. ದೇಶದಲ್ಲಿ ಜೇನು ತುಪ್ಪಕ್ಕೆ ಅಧಿಕ ಬೇಡಿಕೆಯಿದೆ. ಆದರೆ, ಬೇಡಿಕೆಗೆ ತಕ್ಕಷ್ಟು ಜೇನು ತುಪ್ಪ ಪೂರೈಕೆಯಾಗುತ್ತಿಲ್ಲ. ಬಹುತೇಕ ಜನ ಅರಿವಿನ ಕೊರತೆಯಿಂದ ನಕಲಿ ಜೇನುತುಪ್ಪ ಬಳಕೆ ಮಾಡುತ್ತಿದ್ದಾರೆ.
ಕನ್ನಡಪ್ರಭ ವಾರ್ತೆ ಕೆ.ಆರ್.ಪೇಟೆ
ಪಟ್ಟಣದ ಐಸಿಬಿ ಸಮುದಾಯ ಭವನದಲ್ಲಿ ಮಾಜಿ ಸ್ಪೀಕರ್ ದಿ.ಕೃಷ್ಣ ಪ್ರತಿಷ್ಠಾನದಿಂದ ಆಯೋಜಿಸಿದ್ದ ಜೇನು ಕೃಷಿ ಕುರಿತ ಒಂದು ದಿನದ ವಿಚಾರ ಸಂಕಿರಣ ಉದ್ಘಾಟಿಸಿ ಜೇನು ಕೃಷಿಯ ಅಗತ್ಯತೆ, ಲಾಭ ಮತ್ತು ಸವಾಲುಗಳನ್ನು ಕುರಿತು ಮಾಹಿತಿ ನೀಡಿದರು.
ಪರಿಶುದ್ಧ ಜೇನು ತುಪ್ಪ ಸೇವನೆಯಿಂದ ಆರೋಗ್ಯ ವೃದ್ಧಿ ಜೊತೆಗೆ ಪರಿಸರದಲ್ಲಿನ ಗಿಡ ಮರಗಳ ಪರಾಗ ಸ್ಪರ್ಶ ಕ್ರಿಯೆಗೆ ಜೇನು ಸಾಕಾಣಿಕೆ ನೆರವಾಗಲಿದೆ. ದೇಶದಲ್ಲಿ ಜೇನು ತುಪ್ಪಕ್ಕೆ ಅಧಿಕ ಬೇಡಿಕೆಯಿದೆ. ಆದರೆ, ಬೇಡಿಕೆಗೆ ತಕ್ಕಷ್ಟು ಜೇನು ತುಪ್ಪ ಪೂರೈಕೆಯಾಗುತ್ತಿಲ್ಲ. ಬಹುತೇಕ ಜನ ಅರಿವಿನ ಕೊರತೆಯಿಂದ ನಕಲಿ ಜೇನುತುಪ್ಪ ಬಳಕೆ ಮಾಡುತ್ತಿದ್ದಾರೆ ಎಂದರು.ಜೇನಿನ ವಿಷ, ಮೇಣ, ಹೂವಿಂದ ಹೂವಿಗೆ ಹಾರಿ ಜೇನು ನೊಣ ಸಂಗ್ರಹಿಸುವ ರಾಜಶಾಹಿ ರಸ, ಜೇನಿನ ಅಂಟು, ಪರಾಗಗಳಿಗೆ ಮಾರುಕಟ್ಟೆಯಲ್ಲಿ ಅಧಿಕ ಬೆಲೆಯಿದೆ. ಜೇನು ಸಾಕಾಣಿಕ ಕೃಷಿಕರು ಜೇನು ತುಪ್ಪದ ಜೊತೆಗೆ ಜೇನಿನ ಉಪ ಉತ್ಪನ್ನಗಳಿಂದಲೂ ಲಾಭಗಳಿಸಬಹುದು ಎಂದರು.
ಸಾಕಾಣಿಕೆ ಮಾಡುವ ಜೇನು ಹುಳುಗಳು ಹೆಚ್ಚು ಸೌಮ್ಯ ಸ್ವಭಾವ ಹೊಂದಿವೆ. ಅಪ್ಪಿ ತಪ್ಪಿ ಒಂದೆರಡು ಜೇನುಹುಳುಗಳು ಕಚ್ಚಿದರೂ ಅದರಿಂದ ಯಾವುದೇ ಅಪಾಯವಿಲ್ಲ. ಬದಲಾಗಿ ಜೇನು ಕಚ್ಚಿದಾಗ ನಮ್ಮ ದೇಹ ಸೇರುವ ಒಂದೆರಡು ಮುಳ್ಳಿನ ವಿಷ್ ಕ್ಯಾನ್ಸರ್ ಕಣಗಳನ್ನು ನಾಶ ಪಡಿಸುವ, ಕೀಲು ನೋವನ್ನು ಗುಣಪಡಿಸುವ ಗುಣ ಹೊಂದಿದೆ ಎಂದರು.
ಅಧ್ಯಕ್ಷತೆ ವಹಿಸಿದ್ದ ಕೃಷ್ಣ ಪ್ರತಿಷ್ಠಾನದ ಅಧ್ಯಕ್ಷ ಗೂಡೇಹೊಸಹಳ್ಳಿ ಜವರಾಯಿಗೌಡ ಮಾತನಾಡಿ, ರೈತರ ಅಭಿವೃದ್ಧಿಗಾಗಿ ರಾಜ್ಯದಲ್ಲಿ ಕೃಷಿ, ರೇಷ್ಮೆ ಮತ್ತು ತೋಟಗಾರಿಕಾ ಇಲಾಖೆಗಳಿವೆ. ಅಧಿಕಾರಿಗಳು ಸರ್ಕಾರದ ಸವಲತ್ತುಗಳನ್ನು ರೈತರಿಗೆ ತಲುಪಿಸುವ ಕೆಲಸ ಮಾಡಬೇಕು ಎಂದರು.