ರೈತರು ಒಗ್ಗಟ್ಟಾಗಿದ್ದರೆ ಜಗತ್ತಿನ ಯಾವ ಶಕ್ತಿಯೂ ತಡೆಯಲಾಗದು: ಕುಲರತ್ನಭೂಷಣ ಮುನಿಗಳು
ಸಾರಾಂಶ
ರೈತರ ಏಳ್ಗೆಗಾಗಿ ಒಂದು ತಿಂಗಳಿನಿಂತ ಬೀದಿಯಲ್ಲಿ ನಿಂತು ಹೋರಾಟ ಮಾಡಿ ಕಬ್ಬಿಗೆ ₹೩೬೦೦ ಬೆಲೆ ನಿಗದಿಗೊಳಿಸುವಲ್ಲಿ ಯಶಸ್ವಿಯಾದ ಶಶಿಕಾಂತ ಗುರೂಜಿ ಹಾಗೂ ಚುನಪ್ಪ ಪೂಜೇರಿಯವರ ಕಾರ್ಯ ಶ್ಲಾಘನೀಯ ಎಂದು ಆಚಾರ್ಯರತ್ನ ೧೦೮ ಕುಲರತ್ನಭೂಷಣ ಮುನಿ ಮಹಾರಾಜರು ಹೇಳಿದರು.
ಕನ್ನಡಪ್ರಭ ವಾರ್ತೆ ರಬಕವಿ-ಬನಹಟ್ಟಿ
ಶಶಿಕಾಂತ ಗುರೂಜಿ ಮಾತನಾಡಿ, ಹರ ಮುನಿದರೆ ಗುರು ಕಾಯಬಹುದು. ಆದರೆ ರೈತ ಮುನಿದರೆ ಈ ಜಗತ್ತನ್ನು ಯಾರಿಂದಲೂ ಕಾಯಲು ಅಸಾಧ್ಯ. ಅನ್ನದಾತರ ಬಗ್ಗೆ ಅಸಡ್ಡೆತನ ತೋರಿದವರಿಗೆ ತಕ್ಕ ಪಾಠವನ್ನು ಕಲಿಸಲು ಗುರ್ಲಾಪೂರ ವೇದಿಕೆ ಮುಖ್ಯ ಭೂಮಿಕೆಯಾಗಿ ಇಂದು ಕಬ್ಬಿಗೆ ೩೬೦೦ ಬೆಲೆ ಸಿಕ್ಕಿರುವುದು ನಮ್ಮೆಲ್ಲರ ಒಗ್ಗಟ್ಟಿನ ಪ್ರತಿಫಲವಾಗಿದೆ. ನಾವೆಲ್ಲ ಒಂದಾಗಿದ್ದರೆ ಜಗತ್ತಿನ ಯಾವ ಶಕ್ತಿಯೂ ನಮ್ಮನ್ನು ಅಲುಗಾಡಿಸಲು ಸಾಧ್ಯವಿಲ್ಲ. ಮುಂಬರುವ ದಿನಗಳಲ್ಲಿ ಕಬ್ಬಿಗೆ ರು.೬ ರಿಂದ ₹೭ ಸಾವಿರ ಬೆಲೆ ನಿಗದಿಯಾಗುವುದು ಶತಸಿದ್ಧ. ಈ ನಿಟ್ಟಿನಲ್ಲಿ ನಮ್ಮ ಹೋರಾಟ ನಿರಂತರವಾಗಿರುತ್ತದೆಂದು ಘೋಷಿಸಿದ ಅವರು, ಕೃಷಿ ಕಾಯಕದೆಡೆಗೆ ಯುವ ಪೀಳಿಗೆ ಆಕರ್ಷಿತರಾಗುವಂತೆ ಕರೆ ನೀಡಿದರು.
ಮುನಿಗಳನ್ನು ವೇದಿಕೆಗೆ ಹೊತ್ತು ತಂದ ಶಶಿಕಾಂತ ಗುರೂಜಿ :೧೮ ದಿನಗಳಿಂದ ಉಪವಾಸ ನಿರತ ಆಚಾರ್ಯ ಶ್ರೀಗಳ ದರ್ಶನ ಪಡೆದ ಶಶಿಕಾಂತ ಗುರೂಜಿ ಅವರನ್ನು ಹೊತ್ತು ವೇದಿಕೆಗೆ ಕರೆತಂದು ಭಕ್ತಿ ಸಮರ್ಪಿಸಿದರು.ಇದೇ ವೇಳೆ ಶಶಿಕಾಂತ ಗುರೂಜಿ ಮತನಾಡಿ, ರೈತರಿಗೆ ಹೆಣ್ಣು ಕೊಡಲು ರೈತರೇ ಹಿಂದೇಟು ಹಾಕುವ ಮನಸ್ಥಿತಿಯಿಂದ ಹೊರಬಂದು ರೈತರಿಗೆ ಹೆಣ್ಣು ಕೊಟ್ಟು ಈ ಮಣ್ಣಿನ ಋಣ ತೀರಿಸಬೇಕೆಂದು ನಿವೇದಿಸಿಕೊಂಡರು.
ನನ್ನ ಬದುಕಿನಲ್ಲಿ ನಾನು ಕಂಡ ಶ್ರೇಷ್ಠ ಸಂತರಲ್ಲಿ ಆಚಾರ್ಯ ಕುಲರತ್ನಭೂಷಣರು ಪರಮ ಶ್ರೇಷ್ಠರಾಗಿದ್ದು, ನಾವು ಕೈಗೊಂಡ ಎಲ್ಲ ಹೋರಾಟಗಳಿಗೆ ಅವರ ಆಶೀರ್ವಾದ ಶ್ರೀರಕ್ಷೆಯಾಗಿದೆ. ಅನ್ನದಾತರಿಗಾಗಿ ೧೮ ದಿನಗಳ ಕಾಲ ಆಹಾರ ತ್ಯಜಿಸಿದ ಈ ನಾಡಿನ ಏಕೈಕ ಸಂತ ನಮ್ಮ ಕುಲರತ್ನಭೂಷಣರು ನಮ್ಮ ರೈತ ಕುಲದ ಕಿರೀಟ.