ನಾಳೆ ರಾಮಾಂಜನೇಯ ದೇವಸ್ಥಾನ ಉದ್ಘಾಟನೆ

ಕಲಾದಗಿ: ಸಮೀಪದ ಸಂಶಿ ಕ್ರಾಸ್ ಬಳಿ ನೂತನವಾಗಿ ನಿರ್ಮಾಣವಾಗಿರುವ ಶ್ರಿ ರಾಮಾಂಜನೇಯ ದೇವಸ್ಥಾನ ಉದ್ಘಾಟನೆ ಹಾಗೂ ಮೂರ್ತಿ ಪ್ರತಿಷ್ಠಾಪನಾ ಕಾರ್ಯಕ್ರಮ ಜ.೨೧ ಮತ್ತು ೨೨ ರಂದು ವಿವಿಧ ಧಾರ್ಮಿಕ ಪೂಜಾ ಕಾರ್ಯಕ್ರಮಗಳೊಂದಿಗೆ ಜರುಗಲಿದೆ.

ಜ.೨೧ರಂದು ಕಲಾದಗಿ ಗ್ರಾಮದ ಹೊಸೂರ್ ಚೌಕ್ ಬಳಿಯ ಶ್ರೀ ಸಿದ್ದಿ ವಿನಾಯಕ ಮಂದಿರದ ಹತ್ತಿರ ಶ್ರೀ ಹನುಮಾನ ಮಾಲಾಧಾರಣೆ, ಶ್ರೀರಾಮಾಂಜನೇಯ ಮೂರ್ತಿಯ ಶೋಭಾಯಾತ್ರೆ ನಡೆಯಲಿದೆ. ಜ.22 ರಂದು ಶ್ರೀ ರಾಮಾಂಜನೇಯ ಮೂರ್ತಿ ಪ್ರತಿಷ್ಠಾಪನೆ, ಹೋಮ ಹವನ, ಮಧ್ಯಾಹ್ನ ಮಹಾಪ್ರಸಾದ, ಹನುಮಾನ ಮಾಲಾಧಾರಿಗಳಿಂದ ಮಾಲಾ ವಿಸರ್ಜನೆ ಕಾರ್ಯಕ್ರಮ ಜರುಗಲಿದೆ ಎಂದು ಶ್ರೀ ರಾಮಾಂಜನೇಯ ದೇವಸ್ಥಾನ ಸೇವಾ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.