ಭಾರತ ಆಧ್ಯಾತ್ಮಿಕ ಶ್ರೀಮಂತಿಕೆಯ ದೇಶ: ಮಾಜಿ ಡಿಸಿಎಂ ಕೆ.ಎಸ್. ಈಶ್ವರಪ್ಪ
ಸಾರಾಂಶ
ಜಾತಿ, ಮತ, ಪಂಥ, ಪಕ್ಷ ಯಾವ ಭಾವನೆ ಇಲ್ಲದೇ ದೇವಿಯರ ಭಕ್ತರಾಗಿ ಇಲ್ಲಿ ಸೇರಿದ್ದು ನಮ್ಮ ಪುಣ್ಯ. ಇಂದು ರಾಜ್ಯದಲ್ಲಿ ಕೆಲವೆಡೆ ಅತಿವೃಷ್ಟಿ, ಕೆಲವೆಡೆ ಅನಾವೃಷ್ಟಿ ಉಂಟಾಗಿದೆ. ಎಲ್ಲ ಕಡೆ ಮಳೆ ಬೆಳೆ ಸರಿಯಾಗಿ ಆಗಲೆಂದು ಜಾತ್ರೆಯಲ್ಲಿ ಸೇರಿದ ನಾವೆಲ್ಲ ಭಕ್ತಿಯಿಂದ ಆ ತಾಯಿಯರಲ್ಲಿ ಬೇಡಿಕೊಳ್ಳೋಣ.
ಗದಗ: ಜಗತ್ತಿನಲ್ಲಿ ಒಂದೇ ಧರ್ಮ ಒಂದೇ ದೇಶದವರು ತಮ್ಮ ತಮ್ಮಲ್ಲೇ ಬಡಿದಾಡಿ ಸಾಯುತ್ತಿದ್ದಾರೆ. ಆದರೆ ಭಾರತದಲ್ಲಿ ಮಾತ್ರ ನಾವೆಲ್ಲರೂ ನೆಮ್ಮದಿಯಿಂದ ಇದ್ದೇವೆ. ಅದಕ್ಕೆ ಕಾರಣ ದೇಶದ ಧರ್ಮ, ಸಂಸ್ಕೃತಿ, ಆಧ್ಯಾತ್ಮಿಕ ಪರಂಪರೆ ಎಂದು ಮಾಜಿ ಉಪ ಮುಖ್ಯಮಂತ್ರಿ ಕೆ.ಎಸ್. ಈಶ್ವರಪ್ಪ ಹೇಳಿದರು.
ಜಾತಿ, ಮತ, ಪಂಥ, ಪಕ್ಷ ಯಾವ ಭಾವನೆ ಇಲ್ಲದೇ ದೇವಿಯರ ಭಕ್ತರಾಗಿ ಇಲ್ಲಿ ಸೇರಿದ್ದು ನಮ್ಮ ಪುಣ್ಯ. ಇಂದು ರಾಜ್ಯದಲ್ಲಿ ಕೆಲವೆಡೆ ಅತಿವೃಷ್ಟಿ, ಕೆಲವೆಡೆ ಅನಾವೃಷ್ಟಿ ಉಂಟಾಗಿದೆ. ಎಲ್ಲ ಕಡೆ ಮಳೆ ಬೆಳೆ ಸರಿಯಾಗಿ ಆಗಲೆಂದು ಜಾತ್ರೆಯಲ್ಲಿ ಸೇರಿದ ನಾವೆಲ್ಲ ಭಕ್ತಿಯಿಂದ ಆ ತಾಯಿಯರಲ್ಲಿ ಬೇಡಿಕೊಳ್ಳೋಣ ಎಂದರು.
ಮಾಜಿ ಸಚಿವ ಎಸ್.ಎಸ್. ಪಾಟೀಲ ಮಾತನಾಡಿ, ಇಂದು ದೇಶದಲ್ಲಿ ಭ್ರಷ್ಟಾಚಾರ, ಅನಾಚಾರ, ದುರಾಚಾರ ಮಿತಿ ಮೀರಿದ್ದು, ದೇವಿ ರಕ್ತಬೀಜಾಸುರನನ್ನು ಸಂಹರಿಸಿದಂತೆ ನಾವು ದುರಾಚಾರಗಳನ್ನು ಮೆಟ್ಟಬೇಕು ಎಂದರು.ಯುವ ಮುಖಂಡ ಅನಿಲ ಮೆಣಸಿನಕಾಯಿ ಮಾತನಾಡಿ, ಸಮಾನತೆ, ಜಾತ್ಯತೀತತೆ, ಪಕ್ಷಾತೀತವಾಗಿ ನಮ್ಮ ಗ್ರಾಮದೇವಿಯರಾದ ದ್ಯಾಮವ್ವ, ದುರಗಮ್ಮರ ಜಾತ್ರೆ ನಡೆಯುತ್ತಿದ್ದು, ಈ ಜಾತ್ರೆಯ ಆಚರಣೆಯನ್ನು ನಮ್ಮ ಹಿರಿಯರು ಹೇಗೆ ಭಕ್ತಿಭಾವದಿಂದ ಮಾಡಿದರೆಂದು ನೋಡಿದ ನಮ್ಮ ತಲೆಮಾರಿನವರು ಮುಂಬರುವ ದಿನಗಳಲ್ಲಿ ಬರುವ ಜಾತ್ರೆಗಳಲ್ಲಿ ಅದನ್ನು ಪಾಲಿಸಬೇಕು. ಗದಗ ನಗರದಲ್ಲಿ ನಡೆದ ಜಾತ್ರೆ ಇಂದು ರಾಜ್ಯ ಮಟ್ಟದಲ್ಲಿ ಇತಿಹಾಸ ನಿರ್ಮಿಸಿದೆ ಎಂದರು.