ಯುವ ಜನಾಂಗ ಪಾಶ್ಚಾತ್ಯ ಸಂಸ್ಕೃತಿಗೆ ಮಾರುಹೋಗುತ್ತಿರುವುದು ಖೇದಕರ
ಸಾರಾಂಶ
ಇಂದಿನ ಯುವ ಜನಾಂಗದ ಹೆಚ್ಚು ಜನರು ಪಾಶ್ಚಾತ್ಯ ಸಂಸ್ಕೃತಿಗೆ ಮಾರುಹೋಗುತ್ತಿದ್ದು, ನಮ್ಮ ಕಲೆ-ಸಂಗೀತದಿಂದ ವಿಮುಖರಾಗುತ್ತಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ.
ಸವಣೂರು: ಸಿನಿಮಾ ಎಂಬುದು ಒಳ್ಳೆಯ ಸದಭಿರುಚಿಯ ಜೊತೆಗೆ ಮೌಲ್ಯಗಳನ್ನು ಎತ್ತಿಹಿಡಿಯುವ ಮೂಲಕ ಸಮಾಜಕ್ಕೆ ಉತ್ತಮ ಸಂದೇಶವನ್ನು ರವಾನಿಸುವಂತಹುದಾಗಿರಬೇಕು ಎಂದು ಜೂನಿಯರ್ ರಾಜಕುಮಾರ ಖ್ಯಾತಿಯ ರಂಗ ಕಲಾವಿದ ಅಶೋಕ ಬಸ್ತಿ ಅಭಿಪ್ರಾಯಪಟ್ಟರು.
ಇಂದಿನ ಯುವ ಜನಾಂಗದ ಹೆಚ್ಚು ಜನರು ಪಾಶ್ಚಾತ್ಯ ಸಂಸ್ಕೃತಿಗೆ ಮಾರುಹೋಗುತ್ತಿದ್ದು, ನಮ್ಮ ಕಲೆ-ಸಂಗೀತದಿಂದ ವಿಮುಖರಾಗುತ್ತಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ. ನಮ್ಮ ಕನ್ನಡ ಚಲನಚಿತ್ರಗಳ ಹಳೆಯ ಹಾಡುಗಳಲ್ಲಿನ ರಾಗ ಸಂಯೋಜನೆ ಮತ್ತು ಸಾಹಿತ್ಯ ನಿಜಕ್ಕೂ ಅದ್ಭುತವಾಗಿದೆ. ಕನ್ನಡಿಗರಾದ ನಾವೆಲ್ಲ ಕನ್ನಡ ಸಿನೆಮಾಗಳನ್ನು ನೋಡುವ ಮೂಲಕ ಚಿತ್ರೋದ್ಯಮವನ್ನು ಪ್ರೋತ್ಸಾಯಿಸುವುದು ಇಂದಿನ ಅಗತ್ಯತೆಯಲ್ಲೊಂದಾಗಿದೆ ಎಂದರು.
ಧಾರ್ಮಿಕ ಆಚರಣೆಗಳಲ್ಲಿ ನಮ್ಮ ಕಲಾಪ್ರಕಾರಗಳ ಪ್ರದರ್ಶನ ಅವಶ್ಯವಾಗಿದೆ ಎಂದರು.ಜಲ ಯೋಗಪಟು ರಾಜೂ ಪೇಟಕರ ಮಾತನಾಡಿ, ಚಲನಚಿತ್ರವೂ ಸೇರಿದಂತೆ ಸಾಮಾಜಿಕ ಜಾಲ ತಾಣ ಮಾಧ್ಯಮ ಎಂಬುದು ಮನುಷ್ಯನ ಬದುಕಿನ ಸರ್ವ ಸ್ಥರಗಳ ಮೇಲೆ ಬಹುತೇಕ ಪ್ರಭಾವ ಬೀರುವಂತಹ ಒಂದು ಕ್ಷೇತ್ರವಾಗಿದ್ದು, ಮಾನವೀಯತೆಯುಕ್ತ ಆರೋಗ್ಯಕರ ಮಾಹಿತಿ, ಸಂದೇಶಗಳು ಇಲ್ಲಿ ಪ್ರಚುರಗೊಳ್ಳಬೇಕು ವಿನಹ ಅನಗತ್ಯ ಕ್ರೌರ್ಯ- ಹಿಂಸೆಗಳಲ್ಲ. ಈ ನಿಟ್ಟಿನಲ್ಲಿ ಸಾಹಿತಿಗಳು, ಬರಹಗಾರರು, ನಿರ್ದೇಶಕರು, ರೀಲ್ಸ್ ನಿರ್ವಾಹಕರು ಗಮನ ಹರಿಸುವ ಅವಶ್ಯಕತೆ ಇದೆ ಎಂದರು.