ಕೆ.ರಾಜು ಅವರದ್ದು ಬಕೆಟ್ ರಾಜಕಾರಣ: ಎ.ಮಂಜುನಾಥ್ ವಾಗ್ದಾಳಿ
ಸಾರಾಂಶ
ರಾಮನಗರ: ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿರವರು ಅಧಿಕಾರದಲ್ಲಿದ್ದಾಗ ಮಾಜಿ ಶಾಸಕ ಕೆ.ರಾಜು ಫಲಾನುಭವಿ ಆಗಿದ್ದವರು. ಈಗ ಅಧಿಕಾರದ ಆಸೆಗೆ ಕಾಂಗ್ರೆಸ್ ಸೇರಿ ಬಕೆಟ್ ರಾಜಕಾರಣ ಮಾಡುತ್ತಿದ್ದಾರೆ ಎಂದು ಜೆಡಿಎಸ್ ಕೋರ್ ಕಮಿಟಿ ಸದಸ್ಯರಾದ ಮಾಜಿ ಶಾಸಕ ಎ.ಮಂಜುನಾಥ್ ವಾಗ್ದಾಳಿ ನಡೆಸಿದರು
ರಾಮನಗರ: ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿರವರು ಅಧಿಕಾರದಲ್ಲಿದ್ದಾಗ ಮಾಜಿ ಶಾಸಕ ಕೆ.ರಾಜು ಫಲಾನುಭವಿ ಆಗಿದ್ದವರು. ಈಗ ಅಧಿಕಾರದ ಆಸೆಗೆ ಕಾಂಗ್ರೆಸ್ ಸೇರಿ ಬಕೆಟ್ ರಾಜಕಾರಣ ಮಾಡುತ್ತಿದ್ದಾರೆ ಎಂದು ಜೆಡಿಎಸ್ ಕೋರ್ ಕಮಿಟಿ ಸದಸ್ಯರಾದ ಮಾಜಿ ಶಾಸಕ ಎ.ಮಂಜುನಾಥ್ ವಾಗ್ದಾಳಿ ನಡೆಸಿದರು.
ರಾಮನಗರ ಕ್ಷೇತ್ರದಲ್ಲಿ ಶಾಸಕರಾಗುವ ಶಕ್ತಿ ಕೆ.ರಾಜುಗೆ ಇರಲಿಲ್ಲ. ಅವರು ಮೂಲತಃ ಬಿಜೆಪಿ ಯಲ್ಲಿದ್ದವರು. ಕೈಲಾಂಚ ಜಿಲ್ಲಾ ಪಂಚಾಯಿತಿಯಲ್ಲಿ ಮೇಷ್ಟ್ರು ವಿರುದ್ಧ ಸೋಲು ಅನುಭವಿಸಿದ್ದವರು. ಸೋತ ನಿಮ್ಮನ್ನು ಕುಮಾರಸ್ವಾಮಿ ಅವರು ರಾಮನಗರ ಕ್ಷೇತ್ರದ ಶಾಸಕರನ್ನಾಗಿ ಮಾಡಿದರು. ಆಪರೇಷನ್ ಕಮಲ ಸಮಯದಲ್ಲಿ ಬಿಜೆಪಿಗೆ ಹೋಗಲು ನೀವು ತುದಿಗಾಲಿನಲ್ಲಿ ನಿಂತಿದ್ದವರು. ಕುಮಾರಸ್ವಾಮಿರವರ ಕಾರಣದಿಂದಾಗಿ ಬಿಜೆಪಿಯವರೇ ನಿಮ್ಮನ್ನು ಕೈ ಬಿಟ್ಟರು. ಇಲ್ಲದಿದ್ದರೆ ಮೊದಲೇ ನೀವು ಸೇಲ್ ಆಗುತ್ತಿದ್ದಿರಿ. ಈಗ ಕಾಂಗ್ರೆಸ್ ಸೇರಿ ಡಿಕೆ ಬ್ರದರ್ಸ್ ಮೆಚ್ಚಿಸಲು ನೀತಿ ಪಾಠ ಮಾಡಲು ಹೊರಟಿದ್ದೀರಿ ಎಂದು ಕಿಡಿಕಾರಿದರು.
ಕೆ.ರಾಜುರವರ ಇತ್ತೀಚೆಗಷ್ಟೇ ಕಾಂಗ್ರೆಸ್ ಸೇರಿದ್ದಾರೆ. ಅವರಿಗೆ ಆ ಪಕ್ಷದ ಸಿದ್ದಾಂತಗಳ ಬಗ್ಗೆ ಏನು ಗೊತ್ತಿಲ್ಲ. ದೇವೇಗೌಡರ ಕುಟುಂಬ ಏನು ಮಾಡಿದ್ದಾರೆ ಎಂಬುದಕ್ಕೆ ಸಿ.ಬೋರಯ್ಯ ಅವರನ್ನು ಎಂಎಲ್ ಸಿ, ನಿಮ್ಮನ್ನು ಶಾಸಕರಾಗಿ ಮಾಡಿದ್ದು, ಅರೇಹಳ್ಳಿ ತಿಮ್ಮಯ್ಯ ಅವರನ್ನು ರೈಲ್ವೆ ಬೋರ್ಡ್ ಛೇರ್ಮನ್, ಜಿಪಂ ಅಧ್ಯಕ್ಷರನ್ನಾಗಿ ಎನ್.ರಾಮಯ್ಯ , ಭೂ ನ್ಯಾಯ ಮಂಡಳಿ ಅಧ್ಯಕ್ಷರನ್ನಾಗಿ ಬ್ಯಾಟಪ್ಪ, ಪುರಸಭೆ ಅಧ್ಯಕ್ಷರನ್ನಾಗಿ ನಾಗಣ್ಣ ಅವರನ್ನು ಮಾಡಿದವರು. ಇದೆಲ್ಲ ನಿಮಗೆ ಗೊತ್ತಿಲ್ಲವೇ ಎಂದು ಟೀಕಿಸಿದರು.ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿ ಅಧಿಕಾರದಲ್ಲಿದ್ದಾಗ ಜಿಲ್ಲೆಯಲ್ಲಿ ಮಾಡಿರುವ ಅಭಿವೃದ್ಧಿ ಕೆಲಸಗಳು ಜನರ ಕಣ್ಮುಂದಿವೆ. ಈಗ ನಿಮಗೆ ಅಧಿಕಾರವಿದೆ ಅಭಿವೃದ್ಧಿ ಮಾಡಿ ತೋರಿಸಿ. ಅದನ್ನು ಬಿಟ್ಟು ವೈಯಕ್ತಿಕ ವಿಚಾರಗಳನ್ನು ಮುಂದಿಟ್ಟುಕೊಂಡು ತೇಜೋವಧೆ ಮಾಡುವುದು ಸರಿಯಲ್ಲ. ಜಿಲ್ಲಾ ಕಾಂಗ್ರೆಸ್ ನಾಯಕರೊಬ್ಬರ ಕಾರಣದಿಂದಾಗಿ ಕಾಂಗ್ರೆಸ್ ಮಹಿಳಾ ಕಾರ್ಯಕರ್ತೆ ಕಾಣೆಯಾಗಿರುವ ಬಗ್ಗೆ ಕಾಂಗ್ರೆಸ್ ವಲಯದಲ್ಲಿಯೇ ಚರ್ಚೆ ನಡೆಯುತ್ತಿದೆ. ಈ ವಿಚಾರ ಕೆ.ರಾಜು ಅವರಿಗೆ ಗೊತ್ತಿದ್ದು, ಧೈರ್ಯವಿದ್ದರೆ ಆ ನಾಯಕನ ಹೆಸರನ್ನು ಬಹಿರಂಗ ಪಡಿಸಲಿ ಎಂದು ಎ.ಮಂಜುನಾಥ್ ಸವಾಲು ಹಾಕಿದರು.
ಕೋಟ್...........
-ಎ.ಮಂಜುನಾಥ್, ಮಾಜಿ ಶಾಸಕರು.
ಮಾಜಿ ಶಾಸಕ ಎ.ಮಂಜುನಾಥ್ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.