ಅವರನ್ನು ನಾನು, ಕಟೀಲ್ ಹಿಡಿದೆವು: ಮುನಿಸ್ವಾಮಿ
ಸಾರಾಂಶ
ಲೋಕಸಭೆಯಲ್ಲಿ ಅಶ್ವಿನಿ ವೈಷ್ಣವ್ ಮಾತನಾಡುತ್ತಿದ್ದಾಗ ಇಬ್ಬರು ದುಷ್ಕರ್ಮಿಗಳು ಕೆಳಗೆ ಜಿಗಿದು ಓಡಿಬಂದರು: ಕೋಲಾರ ಸಂಸದ. ದಾಳಿಕೋರರು ವಿಷಾನಿಲ ಸಿಡಿಸುತ್ತಿದ್ದಾರೆಂದು ಅನೇಕ ಸಂಸದರು ಹೊರಗೋಡಿದರು. ನಾವು ಧೈರ್ಯವಾಗಿದ್ದೆವು.
ಸರ್ವಾಧಿಕಾರಿ ಎಂದು ಘೋಷಣೆ ಕೂಗಿದರುಪ್ರೇಕ್ಷಕರ ಗ್ಯಾಲರಿಯಿಂದ ಲೋಕಸಭೆ ಸಭಾಂಗಣಕ್ಕೆ ಜಿಗಿದ ಯುವಕರು ನಿರಂತರವಾಗಿ ಘೋಷಣೆ ಕೂಗುತ್ತಲೇ ಇದ್ದರು. ಅವರು ಏನು ಕೂಗುತ್ತಿದ್ದಾರೆ ಎಂದು ತಿಳಿಯಲಿಲ್ಲ. ಕೊನೆಗೆ ಸರ್ವಾಧಿಕಾರಿ ಎಂಬ ಒಂದು ಪದ ಮಾತ್ರ ನನಗೆ ಕೇಳಿಸಿತು.
‘ಪ್ರೇಕ್ಷಕರ ಗ್ಯಾಲರಿಯಿಂದ ಲೋಕಸಭೆ ಸಭಾಂಗಣಕ್ಕೆ ಜಿಗಿದ ಯುವಕರು ನಿರಂತರವಾಗಿ ಘೋಷಣೆ ಕೂಗುತ್ತಲೇ ಇದ್ದರು. ಆದರೆ ಘಟನೆಯಿಂದ ನನಗೂ ಶಾಕ್ ಆಗಿತ್ತು. ಅಲ್ಲದೆ, ಅವರನ್ನು ಹಿಡಿಯಲು ಮುಂದಾಗಿದ್ದೆ. ಆದರೆ, ಅವರು ಏನು ಕೂಗುತ್ತಿದ್ದಾರೆ ಎಂದು ತಿಳಿಯಲಿಲ್ಲ. ಕೊನೆಗೆ ಸರ್ವಾಧಿಕಾರಿ ಎಂಬ ಒಂದು ಪದ ಮಾತ್ರ ನನಗೆ ಕೇಳಿಸಿತು’ ಎಂದು ಮುನಿಸ್ವಾಮಿ ಹೇಳಿದರು.ಭದ್ರತಾ ಲೋಪ, ತನಿಖೆ ನಡೆಯಬೇಕು:ಯುವಕರು ತಮ್ಮ ಶೂನಲ್ಲಿಟ್ಟಿದ್ದ ಸ್ಮೋಕ್ ಬಾಂಬ್ಗೆ ಹಲವು ಸುತ್ತು ಪೇಪರ್ ಸುತ್ತಿದ್ದರು. ಅದು ಪಟಾಕಿ ರೀತಿಯಲ್ಲಿತ್ತು ಹಾಗೂ ಅದನ್ನು ಓಪನ್ ಮಾಡಿದಾಗಲೂ ಪಟಾಕಿ ಸಿಡಿದಾಗ ಬರುವ ವಾಸನೆಯಂತಿತ್ತು. ಆದರೆ, ಅವರನ್ನು ಸಂಸತ್ ಭವನ ಪ್ರವೇಶಿಸುವಾಗಲೇ ಸರಿಯಾಗಿ ಪರೀಕ್ಷಿಸಿದ್ದರೆ ಈ ರೀತಿಯ ದುರ್ಘಟನೆ ಆಗುತ್ತಿರಲಿಲ್ಲ. ಇದು ಸಂಪೂರ್ಣ ಭದ್ರತಾ ವೈಫಲ್ಯವಾಗಿದ್ದು, ಸಂಪೂರ್ಣ ತನಿಖೆ ನಡೆಯಬೇಕು. ಹೀಗೆ ಸಂಸತ್ ಭವನದಲ್ಲಿ ಸ್ಮೋಕ್ ಬಾಂಬ್ ಹಾಕುತ್ತಾರೆ ಎಂದಾದರೆ, ಅವರಿಗೆ ತರಬೇತಿ ದೊರೆತಿರುತ್ತದೆ ಹಾಗೂ ಅವರು ಯಾವುದಾದರೂ ಉಗ್ರಗಾಮಿ ಸಂಘಟನೆಯವರಿರಬಹುದು ಎಂದು ಮುನಿಸ್ವಾಮಿ ಅನುಮಾನ ವ್ಯಕ್ತಪಡಿಸಿದ್ದಾರೆ.ಪಾಸ್ ನೀಡುವುದು ದೊಡ್ಡ ವಿಷಯವಲ್ಲಯಾರೇ ಸಂಸದರಾದರೂ ತಮ್ಮ ಕ್ಷೇತ್ರ ವ್ಯಾಪ್ತಿಯವರು, ಪರಿಚಯದವರಿಗೆ ಪಾಸ್ ನೀಡುತ್ತಾರೆ. ಹಾಗೆಯೇ, ಸಂಸದ ಪ್ರತಾಪ್ ಸಿಂಹ ಅವರ ಆಪ್ತ ಸಹಾಯಕರು ಸಂಸತ್ ಭವನ ವೀಕ್ಷಿಸಬೇಕೆಂದು ಮನವಿ ಮಾಡಿದ್ದ ಮೈಸೂರು ಮೂಲದ ಯುವಕನಿಗೆ ಪಾಸ್ ನೀಡಿದ್ದಾರೆ. ನಾವ್ಯಾರೂ ಪಾಸ್ ನೀಡುವಾಗ ಪೊಲೀಸ್ ರೀತಿ ತನಿಖೆ ಮಾಡುವುದಿಲ್ಲ. ಇನ್ನು ಮುಂದೆ ತನಿಖೆಗೊಳಪಡಿಸಿಯೇ ಪಾಸ್ ನೀಡಬೇಕಾದ ಪರಿಸ್ಥಿತಿ ಬಂದೊದಗಿದೆ ಎಂದು ಮುನಿಸ್ವಾಮಿ ಹೇಳಿದ್ದಾರೆ.