ಮಾಮ್ಕೋಸ್: ಸಹಕಾರ ಭಾರತಿಗೆ ಭರ್ಜರಿ ಗೆಲುವು
ಸಾರಾಂಶ
ಶಿವಮೊಗ್ಗ: ಮಲೆನಾಡಿನ ಪ್ರತಿಷ್ಠಿತ ಸಹಕಾರಿ ಸಂಸ್ಥೆಯಾದ ಒಂದಾದ ಮಾಮ್ಕೋಸ್ (ಮಲೆನಾಡು ಅಡಕೆ ಮಾರಾಟ ಸಹಕಾರ ಸಂಘ)ನ ಮುಂದಿನ ಐದು ವರ್ಷಗಳ ಆಡಳಿತ ಮಂಡಳಿ ಆಯ್ಕೆಯ ಚುನಾವಣೆಯಲ್ಲಿ ಸಹಕಾರ ಭಾರತಿಯ ಎಲ್ಲ ಅಭ್ಯರ್ಥಿಗಳು ಗೆಲುವಿನ ಮತ ಪಡೆದಿದ್ದು, ಈ ಸಂಸ್ಥೆಯಲ್ಲಿ ಸಹಕಾರ ಭಾರತಿ ಸಂಘಟನೆ ಸತತವಾಗಿ ಐದನೇ ಬಾರಿಗೆ ಭರ್ಜರಿ ಜಯ ಸಾಧಿಸಿದೆ.
ಶಿವಮೊಗ್ಗ: ಮಲೆನಾಡಿನ ಪ್ರತಿಷ್ಠಿತ ಸಹಕಾರಿ ಸಂಸ್ಥೆಯಾದ ಒಂದಾದ ಮಾಮ್ಕೋಸ್ (ಮಲೆನಾಡು ಅಡಕೆ ಮಾರಾಟ ಸಹಕಾರ ಸಂಘ)ನ ಮುಂದಿನ ಐದು ವರ್ಷಗಳ ಆಡಳಿತ ಮಂಡಳಿ ಆಯ್ಕೆಯ ಚುನಾವಣೆಯಲ್ಲಿ ಸಹಕಾರ ಭಾರತಿಯ ಎಲ್ಲ ಅಭ್ಯರ್ಥಿಗಳು ಗೆಲುವಿನ ಮತ ಪಡೆದಿದ್ದು, ಈ ಸಂಸ್ಥೆಯಲ್ಲಿ ಸಹಕಾರ ಭಾರತಿ ಸಂಘಟನೆ ಸತತವಾಗಿ ಐದನೇ ಬಾರಿಗೆ ಭರ್ಜರಿ ಜಯ ಸಾಧಿಸಿದೆ.
ರಾತ್ರಿ ಎಂಟು ಗಂಟೆಗೆ ಮತ ಎಣಿಕೆಯ ಪ್ರಕ್ರಿಯೆ ಶುರುವಾದರೂ, ರಾತ್ರಿ 10 ಗಂಟೆ ಸುಮಾರಿಗೆ ಮತ ಎಣಿಕೆಯು ಆರಂಭಗೊಂಡಿತು. ಮೊದಲ ಎಣಿಕೆಯಿಂದ ಹಿಡಿದು ಕೊನೆಯವರೆಗೂ ಸಹಕಾರ ಭಾರತಿ ಸಂಘಟನೆಯ ಎಲ್ಲ 19 ಅಭ್ಯರ್ಥಿಗಳು ಹೆಚ್ಚಿನ ಮತ ಪಡೆದು ಮುನ್ನಡೆ ಕಾಯ್ದುಕೊಳ್ಳುತ್ತಲೇ ಸಾಗಿದರು. ರಾತ್ರಿ ಒಂದು ಗಂಟೆಯ ಹೊತ್ತಿಗೆ ಬಹುತೇಕ ಫಲಿತಾಂಶ ನಿಚ್ಚಳವಾಗಿತ್ತು. ಬೆಳಗ್ಗೆ 6.30 ರ ಸುಮಾರಿಗೆ ಮತ ಎಣಿಕೆ ಪೂರ್ಣಗೊಂಡಾಗ ಸಹಕಾರ ಭಾರತಿ ಅಭ್ಯರ್ಥಿ ಸಂಘಟನೆಯ ಎಲ್ಲ 19 ಅಭ್ಯರ್ಥಿಗಳು ಹೆಚ್ಚಿನ ಲೀಡ್ ನೊಂದಿಗೆ ಮತ ಪಡೆದಿದ್ದರು.ಸಂಸ್ಥೆಯಲ್ಲಿನ ಒಟ್ಟು 31 ಸಾವಿರ ಮತಗಳ ಪೈಕಿ ಅರ್ಹತೆ ಪಡೆದ ಮತದಾರರು ಇದ್ದುದು ಕೇವಲ 11,511 ಮಾತ್ರ. ಉಳಿದ ಅನರ್ಹ ಮತದಾರರ ಪೈಕಿ 6644 ಮಂದಿ ಹೈಕೋರ್ಟ್ ಮೂಲಕ ಮತದಾನಕ್ಕೆ ಅರ್ಹತೆ ಪಡೆದುಕೊಂಡರು. ಇದರಿಂದಾಗಿ ಮತದಾನದ ಹಕ್ಕು 18150 ಮಂದಿಗೆ ಲಭಿಸಿತ್ತು. ಇದರಲ್ಲಿ 12,180 ಮತದಾರರು ಮತ ಚಲಾಯಿಸಿದ್ದು, ಶೇ.67ರಷ್ಟು ಮತದಾನವಾಗಿತ್ತು.ಅತಿ ಹೆಚ್ಚು ಮತ ಪಡೆದ ಸಹಕಾರ ಭಾರತಿ ಅಭ್ಯರ್ಥಿಗಳ ವಿವರ:ಕೀತಿರಾಜ್-8046, ಎಂ.ಕುಬೇಂದ್ರಪ್ಪ-7652, ಕೆ.ವಿ.ಕೃಷ್ಣಮೂರ್ತಿ-7615, ಜಯಶ್ರೀ ಕಡಗೋಡು-7918, ತಿಮ್ಮಪ್ಪ ಶ್ರೀಧರಪುರ- 7354, ಎಚ್.ಧರ್ಮೇಂದ್ರ-7477, ಬಿ.ಸಿ.ನರೇಂದ್ರ-7783, ನಂದನ್ ಹಸಿರುಮನೆ-8009, ಜಿ.ಎಸ್.ಪ್ರಸನ್ನ ಹೆಬ್ಬಾರ್-7430, ಭರಮಪ್ಪ-7037, ಎಚ್.ಎಸ್.ಮಹೇಶ್-7871, ಕೆ.ರತ್ನಾಕರ ಯಾನೆ ಧರ್ಮಣ್ಣ-7454, ಟಿ.ಎನ್.ರಮೇಶ್-6952, ಜಿ.ಇ.ವಿರೂಪಾಕ್ಷಪ್ಪ-7331, ಯು.ವಿ.ವೀರೇಶ್- 6848, ಕಚ್ಚೋಡಿ ಶ್ರೀನಿವಾಸ್- 7642, ಎನ್.ಸತೀಶ್- 6415, ಸಹನಾ ಸುಭಾಷ್- 7041, ಸುರೇಶ್ಚಂದ್ರ-6675.ರಾಷ್ಟ್ರೀಯ ಸಹಕಾರಿ ಪ್ರತಿಷ್ಠಾನದ ಅಭ್ಯರ್ಥಿಗಳ ವಿವರ:
ಕಡ್ತೂರು ದಿನೇಶ್- 3800, ಪದ್ಮನಾಭ ಹಾರೊಗೊಳಿಗೆ-3564, ಅಜಿತ್.ಎ.ಕೆ -3474, ಅರವಿಂದ ಎಂ.ಡಿ. -3374, ಅನ್ನಪೂರ್ಣ ಮೋಹನ್-3348, ಬಿ.ಎಂ.ಪವಿತ್ರಾ ಮುಕುಂದ-3160, ಗಜೇಂದ್ರ ಗೌಡ ಕಮರೂರು-3108, ಎನ್.ಎಂ.ದಯಾನಂದ- 3008, ನಾಗಭೂಷಣ.ಎಂ.ಎಸ್. -2941, ಧೀರರಾಜ್ ಹೊನ್ನವಿಲೆ- 2870, ಕೆ.ಎಚ್.ಶ್ರೀಪಾಲ- 2838, ಕಾಳಮ್ಮನ ಗುಡಿ ಶಾಮಣ್ಣ- 2799, ಕೆ.ಆರ್.ಶ್ರೀನಿವಾಸ- 2773, ಜಿ.ಎಂ.ರಘು-2731, ರಮೇಶ್ ಬಳ್ಳಿಗಾವೆ-2689, ಮಂಜಪ್ಪ.ಕೆ.ಎಚ್ -2686, ಎಚ್.ಎಂ.ಕೊರ್ತೇಶ-2685, ಪಿ.ಎನ್.ಸುಬ್ಬರಾವ್-2631, ಕೆ.ಬಿ.ಭದ್ರಪ್ಪ-2396.ಈ ಎರಡು ಸಂಘಟನೆಗಳ ಹೊರತಾಗಿ ಸ್ಪರ್ಧಿಸಿದ್ದ ರುದ್ರೇಶಪ್ಪ-868 ಮತ ಗಳಿಸಿದರು.