ಎಸ್ಐಆರ್ ವಿರೋಧಿಸಿ ಜೂ.೨೦ರಂದು ಬೆಂಗಳೂರಿನಲ್ಲಿ ಭಾರಿ ಪ್ರತಿಭಟನೆ
ಸಾರಾಂಶ
ಜೂ.೨೦ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್ನಲ್ಲಿ ನಡೆಯುವ ಬೃಹತ್ ಪ್ರತಿಭಟನೆಯಲ್ಲಿ ನಾವು ಸರ್ಕಾರವನ್ನು ಯಾವುದೇ ಅರ್ಹ ಮತದಾರರು ಕೈಬಿಟ್ಟು ಹೋಗದಂತೆ , ಸೂಕ್ತ ಸಮಯದಲ್ಲಿ ದಾಖಲಾತಿಗಳನ್ನು ನೀಡಲು ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸುವುದಾಗಿ ತಿಳಿಸಿದರು.
ನಾಳೆ ನಗರಕ್ಕೆ ಅರಿವು ಜಾಥಾ
ಎಸ್ಐಆರ್ ವಿರುದ್ಧ ಕರ್ನಾಟಕವಿದೆ ಎಂದು ತೋರಿಸಲು ಜೂ.೨೦ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್ನಲ್ಲಿ ದೊಡ್ಡಮಟ್ಟದಲ್ಲಿ ಪ್ರತಿಭಟನೆ ಹಮ್ಮಿ ಕೊಳ್ಳಲಾಗಿದೆ ಎಂದು ಎಸ್ಐಆರ್ ವಿರೋಧಿ ಜಾತ್ಯತೀತ ಪಕ್ಷಗಳು ಹಾಗೂ ಜನಪರ ಸಂಘಟನೆಗಳ ಒಕ್ಕೂಟದ ಸಂಚಾಲಕ ಕೆ. ವೆಂಕಟರಾಜು ಹೇಳಿದರು.
ನಗರದ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಭವನದಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಾವು ಸಂಪೂರ್ಣ ಮತದಾರರ ವಿಶೇಷ ತೀವ್ರ ಪರಿಷ್ಕರಣೆಯನ್ನು ವಿರೋಧಿಸುತ್ತೇವೆ. ಅದರೆ ಚುನಾವಣಾ ಆಯೋಗ ಸಂವಿಧಾನ ಬದ್ಧವಾಗಿದ್ದರಿಂದ ಪರಿಷ್ಕರಣೆ ಬಹಿಷ್ಕರಿಸದೇ, ಯಾವ ಅರ್ಹ ಮತದಾರರೂ ಕೈಬಿಟ್ಟು ಹೋಗದಂತೆ ಜಾಗೃತಿ ಮೂಡಿಸಲು ಪ್ರತಿಭಟನೆ ಮಾಡುತ್ತೇವೆ ಎಂದರು.ಜೂ.೨೦ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್ನಲ್ಲಿ ನಡೆಯುವ ಬೃಹತ್ ಪ್ರತಿಭಟನೆಯಲ್ಲಿ ನಾವು ಸರ್ಕಾರವನ್ನು ಯಾವುದೇ ಅರ್ಹ ಮತದಾರರು ಕೈಬಿಟ್ಟು ಹೋಗದಂತೆ , ಸೂಕ್ತ ಸಮಯದಲ್ಲಿ ದಾಖಲಾತಿಗಳನ್ನು ನೀಡಲು ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸುವುದಾಗಿ ತಿಳಿಸಿದರು.
ನಾಳೆ ನಗರಕ್ಕೆ ಅರಿವು ಜಾಥಾ:
ಮೈಸೂರಿನಲ್ಲಿ ಜೂ.೧೬ ರಂದು ಜಾಥಾ ನಡೆದ ಬಳಿಕ ನಂಜನಗೂಡು ಮಾರ್ಗ ಜೂ.೧೭ರಂದು ಚಾಮರಾಜನಗರಕ್ಕೆ ಬರಲಿದೆ. ಇಲ್ಲಿಂದ ಕೊಳ್ಳೇಗಾಲ, ಮಳವಳ್ಳಿ ಮಾರ್ಗವಾಗಿ ಮಂಡ್ಯದಲ್ಲಿ ಕೊನೆಗೊಳ್ಳಲಿದ್ದು ರಾಜ್ಯಾದ್ಯಂತ ೫ ಜಾಥಾ ವಾಹನಗಳು ಹೊರಡಲಿವೆ ಎಂದು ತಿಳಿಸಿದರು.
ಮುಖಂಡರಾದ ಸಂಘಸೇನಾ, ಅಬ್ರಹಾರ್ ಅಹಮ್ಮದ್ ಮಾತನಾಡಿ, ನುಸುಳುಕೋರರ ಹೆಸರಿನಲ್ಲಿ ಅಲ್ಪಸಂಖ್ಯಾತರನ್ನು ಮತದಾರರ ಪಟ್ಟಿಯಿಂದ ಕೈಬಿಡಲು ಹುನ್ನಾರ ನಡೆಸಿದ್ದು, ನಿಜವಾದ ನುಸುಳುಕೋರರು ಆರ್ಯರು ಎಂದರು.
ಪತ್ರಿಕಾಗೋಷ್ಠಿಯಲ್ಲಿ, ಕೆ.ಎಂ.ರೂಪೇಶ್, ಕುಮಾರ್, ಭೈರಲಿಂಗಸ್ವಾಮಿ ಇದ್ದರು.
೧೫ಸಿಎಚ್ಎನ್೧