ನಾಪೋಕ್ಲು: ಗುಡುಗು ಸಹಿತ ಭಾರಿ ಮಳೆ

ನಾಪೋಕ್ಲು ; ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಹಲವು ಭಾಗಗಳಲ್ಲಿ ಮಂಗಳವಾರ ಸಂಜೆ ಗುಡುಗು ಸಹಿತ ಭಾರಿ ಬಿರುಸಿನ ಮಳೆ ಸುರಿದಿದೆ.ಈ ಭಾಗದ ಜನತೆಗೆ ಸಂಜೆ ದಿಢೀರನೆ ಸುರಿದ ಮಳೆ ತಂಪೆರೆದಿದೆ. ಅರ್ಧ ಗಂಟೆಗೂ ಹೆಚ್ಚು ಕಾಲ ಆರ್ಭಟಿಸಿದ ಮಳೆಗೆ ರಸ್ತೆಗಳೆಲ್ಲ ಜಲಾವೃತಗೊಂಡು ಕೆರೆಯಂತಾಗಿದ್ದವು. ಒಣ ಹವೆಯಿಂದ ಕಂಗಾಲಾಗಿದ್ದ ಕಾಫಿ ಮತ್ತು ಕರಿಮೆಣಸು ಬೆಳೆಗಾರರಿಗೆ ಸುರಿದ ಭಾರಿ ಮಳೆಯಿಂದಾಗಿ ಬೆಳೆಗಾರರು ಸಂತಸ ವ್ಯಕ್ತಪಡಿಸಿದ್ದಾರೆ.