ಕೆ.ಆರ್. ನಗರದಲ್ಲಿ ಬಿಜೆಪಿಯಿಂದ ಅಭಿಯಾನ
ಸಾರಾಂಶ
ರಾಜ್ಯ ಬಿಜೆಪಿ ಅಧ್ಯಕ್ಷ ಬಿ.ವೈ. ವಿಜಯೇಂದ್ರ ಯಡಿಯೂರಪ್ಪ ಅವರ ಕರೆಯ ಮೇರೆಗೆ ಈ ಕಾರ್ಯಕ್ರಮವು ರಾಜ್ಯಾದ್ಯಂತ ಈ ದಿನ ನಡೆಯುತ್ತಿದ್ದು,
ಫೋಟೋ- 3ಎಂವೈಎಸ್ 47
ಬಿಜೆಪಿ ವತಿಯಿಂದ ರಾಷ್ಟ್ರೀಯ ಮತ್ತು ರಾಜ್ಯ ಬಿಜೆಪಿ ಘಟಕದ ಕರೆಯ ಮೇರೆಗೆ ಬುಧವಾರ ಕೆ.ಆರ್. ನಗರ ಮಂಡಲದ ಬೂತ್ ಸಂಖ್ಯೆ - 16 ರಲ್ಲಿ ಏಕ್ ಪೇಯ್ಡ್ ಏಕ್ ಮಾಕ ನಾಮ್ ಪೇ ಅಭಿಯಾನ ಹಮ್ಮಿಕೊಳ್ಳಲಾಗಿತ್ತು.
ಜಿಲ್ಲಾಧ್ಯಕ್ಷ ಎಲ್.ಆರ್. ಮಹದೇವಸ್ವಾಮಿ ಹತ್ತು ಗಿಡಗಳನ್ನು ನೆಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಅಂತೆಯೇ ಕೆ.ಆರ್. ತಾಲೂಕಿನಲ್ಲಿ 252 ಬೂತ್ ಗಳಲ್ಲಿಯೂ ಕೂಡ ಬೂತ್ ಅಧ್ಯಕ್ಷರು ಈ ಕಾರ್ಯಕ್ರಮವನ್ನು ತಮ್ಮ ತಮ್ಮ ಮಾತೃ ಹೇಗೋ ಪರಿಸರವೂ ಹಾಗೆಯೇ ಎಂಬ ದೃಷ್ಟಿಕೋನದಿಂದ ಈ ಕಾರ್ಯಗಾರ ಮಾಡಬೇಕು ಎಂದು ತಿಳಿಸಿದರು.ಈಗಾಗಲೇ 154 ಬೂತ್ ಗಳಲ್ಲಿ ಈ ಕಾರ್ಯಕ್ರಮ ನೆರವೇರಿದ್ದು ಉಳಿದ ಎಲ್ಲಾ ಬೂತ್ ಗಳಲ್ಲಿಯೂ ಆಯಾ ಬೂತ್ ಅಧ್ಯಕ್ಷರುಗಳು ಜವಾಬ್ದಾರಿಯುತವಾಗಿ ನೆರವೇರಿಸಿಕೊಡಬೇಕು ಎಂದರು.
ಜಿಲ್ಲೆಯ ಪ್ರತೀ ತಾಲೂಕಿನ ಮಂಡಲ ಹಾಗೂ ಬೂತ್ ಗಳಲ್ಲಿ ಜು.6 ರವರೆಗೆ ನಡೆಸಬೇಕು ಎಂದು ಅವರು ಕರೆ ನೀಡಿದರು.
ದಿನನಿತ್ಯ ಬಳಸುವ ತರಕಾರಿ ಬೆಲೆಗಳು ಗಗನಕ್ಕೆ ಜಿಗಿಯುತ್ತಿದ್ದು ಹಾಲಿನ ದರದ ಏರಿಕೆಯೂ ರಾಜ್ಯದ ಜನತೆಗೆ ದೊಡ್ಡ ಹೊಡೆತವಾಗಿ ಪರಿಣಮಿಸಿದೆ. ಕಾಂಗ್ರೆಸ್ ಸರ್ಕಾರ ಹಗಲು ದರೋಡೆ ಮಾಡುತ್ತಿರುವುದನ್ನು ಜನ ನೋಡಿ ಶಪಿಸಿದ್ದಾರೆ ಎಂದರು.
ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಮ್ಮ ತವರು ಜಿಲ್ಲೆಯಲ್ಲಿ ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದಲ್ಲಿ ನಡೆದಿರುವ ಭ್ರಷ್ಟಾಚಾರದಲ್ಲಿ ಭಾಗಿಯಾಗಿದ್ದು ಅದರಿಂದ ತಪ್ಪಿಸುಕೊಳ್ಳಲು ಹರಸಾಹಸ ಪಡುತ್ತಿದ್ದು ಈಗಾಗಲೇ ಇದು ಜಗಜ್ಜಾಯಿರಾಗಿದೆ ಎಂದು ಅವರು ಆರೋಪಿಸಿದರು.