ಪಂಚತಂತ್ರ ಕಥೆಗಳ ಮೌಲ್ಯ ಮಕ್ಕಳ ಮನಃಪರಿವರ್ತನೆಗೆ ಸಹಕಾರಿ: ವಿವೇಕಾನಂದಗೌಡ ಪಾಟೀಲ

KannadaprabhaNewsNetwork |  
Published : Nov 20, 2026, 02:15 AM IST
18ಜಿಡಿಜಿ6 | Kannada Prabha

ಸಾರಾಂಶ

ರಾಜರ ಮಕ್ಕಳನ್ನು ಬುದ್ಧಿವಂತರನ್ನಾಗಿ ರೂಪಿಸಲು ಮಹಾಕವಿ ದುರ್ಗಸಿಂಹನ ಕಥೆಗಳು ಸಹಕಾರಿಯಾದಂತೆ, ಇಂದಿನ ಮೌಲ್ಯಗಳು ಮರೆಯಾಗುತ್ತಿರುವ ಕಾಲಘಟ್ಟದಲ್ಲಿ ಮೌಲ್ಯಶಿಕ್ಷಣದ ಕಥೆಗಳಿಂದ ಮಕ್ಕಳ ಮನಸ್ಸನ್ನು ಪರಿವರ್ತಿಸಲು ಸಾಧ್ಯವಿದೆ.

ಕನ್ನಡಪ್ರಭ ವಾರ್ತೆ ಗದಗ

ರಾಜರ ಮಕ್ಕಳನ್ನು ಬುದ್ಧಿವಂತರನ್ನಾಗಿ ರೂಪಿಸಲು ಮಹಾಕವಿ ದುರ್ಗಸಿಂಹನ ಕಥೆಗಳು ಸಹಕಾರಿಯಾದಂತೆ, ಇಂದಿನ ಮೌಲ್ಯಗಳು ಮರೆಯಾಗುತ್ತಿರುವ ಕಾಲಘಟ್ಟದಲ್ಲಿ ಮೌಲ್ಯಶಿಕ್ಷಣದ ಕಥೆಗಳಿಂದ ಮಕ್ಕಳ ಮನಸ್ಸನ್ನು ಪರಿವರ್ತಿಸಲು ಸಾಧ್ಯವಿದೆ ಎಂದು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ವಿವೇಕಾನಂದಗೌಡ ಪಾಟೀಲ ಹೇಳಿದರು.

ಗದಗ ನಗರದ ಪಿಎಂಶ್ರೀ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ನಂ. 12ರಲ್ಲಿ ಇಂಡಿಯಾ ಫೌಂಡೇಶನ್ ಫಾರ್ ದಿ ಆರ್ಟ್ಸ್ ಶಾಲಾ ಶಿಕ್ಷಣ ಇಲಾಖೆ ಗದಗ ಹಾಗೂ ಪಿಎಂಶ್ರೀ ಶಾಲೆಯ ಸಹಯೋಗದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಕಲಾ ಅಂತರ್ಗತ ಪ್ರಯೋಗ ದುರ್ಗಸಿಂಹನ ಪಂಚತಂತ್ರ ಕಥೆಗಳ ಕಲಿ-ಕಲಿಸು ಯೋಜನೆ ಉದ್ಘಾಟನೆ ಹಾಗೂ ಮಕ್ಕಳ ದಿನಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ಪಂಡಿತ ಜವಾಹರಲಾಲ್ ನೆಹರು ದೇಶದ ಅಪ್ರತಿಮ ನಾಯಕ, ಜನಸೇವಕ ಹಾಗೂ ಶ್ರೇಷ್ಠ ಸಾಹಿತಿಯಾಗಿ ಸ್ವಾತಂತ್ರ್ಯ ಹೋರಾಟದ ರೂವಾರಿಯಾಗಿ ಶ್ರಮಿಸಿ ಸದಾ ಜನಮಾನಸದಲ್ಲಿ ಚಿರಾಯುವಾಗಿದ್ದಾರೆ. ಅಂತೆಯೇ, ಪಂಚತಂತ್ರ ಕಥೆಗಳು ನಮ್ಮ ಮನಃಪರಿವರ್ತನೆಗೆ ಪ್ರೇರಕವಾಗಿದ್ದು, ಈ ಕಥಾ ಯೋಜನೆಯ ಮೂಲಕ ಮಕ್ಕಳು ಮಹಾಕವಿ ದುರ್ಗಸಿಂಹನನ್ನು ಅರಿಯಲು ಸಾಧ್ಯವಾಗುತ್ತದೆ ಎಂದರು.

ಕಾರ್ಯಕ್ರಮದಲ್ಲಿ ಅತಿಥಿಗಳಾಗಿ ಭಾಗವಹಿಸಿದ್ದ ಎಸ್.ಡಿ.ಎಂ.ಸಿ ಅಧ್ಯಕ್ಷ ಬಸವರಾಜ ಕಡೇಮನಿ ಮಾತನಾಡಿ, ದೇಶದ ಮೊದಲ ಪ್ರಧಾನಿ ಪಂಡಿತ ಜವಾಹರಲಾಲ್ ನೆಹರು ಅವರ ಚಿಂತನೆಯಂತೆ ನಮ್ಮ ದೇಶ ಭವ್ಯ ಭಾರತವಾಗಿ ನಿರ್ಮಾಣವಾಗಿದೆ. ದುರ್ಗಸಿಂಹನಂತಹ ಮಹಾಕವಿಯನ್ನು ಮಕ್ಕಳಿಗೆ ಪರಿಚಯಿಸಿ, ಕಥೆಗಳ ಮೂಲಕ ಸೃಜನಶೀಲತೆಯನ್ನು ಬೆಳೆಸಲು ಐ.ಎಫ್.ಎ ಸಂಯೋಜಕ ಬಸವರಾಜ ನೆಲಜೇರಿ ಉತ್ತಮ ಬೋಧನೆ ಮಾಡಲಿದ್ದು, ವಿದ್ಯಾರ್ಥಿಗಳು ಇದರ ಸದುಪಯೋಗ ಪಡೆದುಕೊಳ್ಳಬೇಕು. ಶಾಲೆಯ ಅಭಿವೃದ್ಧಿಗೆ ನಮ್ಮ ಸಂಪೂರ್ಣ ಸಹಕಾರವಿದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಅನಿಲಕುಮಾರ ಸಿದ್ದಮ್ಮನಹಳ್ಳಿ ಮಾತನಾಡಿದರು.

ನಗರಸಭೆ ಸದಸ್ಯೆ ಲಕ್ಷ್ಮೀ ಸಿದ್ದಮ್ಮನಹಳ್ಳಿ, ಮುಖ್ಯೋಪಾಧ್ಯಾಯ ಕೆ.ಡಿ. ತಳವಾರ, ಹಿರಿಯ ಶಿಕ್ಷಕ ಎಚ್.ಆರ್. ಕೋಣಿಮನಿ, ಸರ್ಕಾರಿ ಪ್ರೌಢಶಾಲೆ ಮುಖ್ಯೋಪಾಧ್ಯಾಯ ಎಸ್.ಸಿ. ನಾಗರಹಳ್ಳಿ, ವಸಂತ ಸಿದ್ದಮ್ಮನಹಳ್ಳಿ, ಎಂ.ಎಸ್. ಮುಲ್ಲಾನವರ, ದುದ್ದುಗೌಡ ಪಾಟೀಲ, ಸಿದ್ದಲಿಂಗಯ್ಯ ನಮಸ್ತೆಮಠ, ಎಸ್.ಆರ್. ಕಂಪ್ಲಿ, ವೆಂಕಪ್ಪ ತಾಳದವರ ಹಾಗೂ ಪವಿತ್ರಾ ಕಾತರಕಿ ಮುಲ್ಲಾನವರ ಉಪಸ್ಥಿತರಿದ್ದರು.

ಮಂಜಪ್ಪ ಹುಯಿಲಗೋಳ ಹಾಗೂ ವಿದ್ಯಾರ್ಥಿಗಳು ಕಾರ್ಯಕ್ರಮ ನಿರೂಪಿಸಿದರು. ಐ.ಎಫ್.ಎ ಕಲಿ-ಕಲಿಸು ಯೋಜನೆಯ ಸಂಯೋಜಕ ಬಸವರಾಜ ನೆಲಜೇರಿ ವಂದಿಸಿದರು.ಇಂದಿನ ಕಾಲಘಟ್ಟದಲ್ಲಿ ಮೌಲ್ಯಗಳು ಮರೆಯಾಗುತ್ತಿದ್ದು, ದುರ್ಗಸಿಂಹನ ಪಂಚತಂತ್ರದಂತಹ ಮೌಲ್ಯಶಿಕ್ಷಣದ ಕಥೆಗಳ ಮೂಲಕ ಮಕ್ಕಳ ಮನಸ್ಸನ್ನು ಪರಿವರ್ತಿಸಲು ಹಾಗೂ ಅವರಲ್ಲಿ ಸೃಜನಶೀಲತೆ ಬೆಳೆಸಲು ಸಾಧ್ಯವಿದೆ.

ವಿವೇಕಾನಂದಗೌಡ ಪಾಟೀಲ, ಅಧ್ಯಕ್ಷ, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು, ಗದಗ

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಮುರಳಿ ಕಡೆಕಾರ್‌ಗೆ ಶಾರದಾಕೃಷ್ಣ ಪ್ರಶಸ್ತಿ - 2027
ಸಾಂಸ್ಕೃತಿಕ ಕಲಾ ವೇದಿಕೆ 13ನೇ ವರ್ಷದ ಕಾರ್ಯಕ್ರಮ