ಪೊಲೀಸರು ನೊಂದವರಿಗೆ ನ್ಯಾಯ ಕೊಡಿಸಬೇಕು: ಡಾ.ಎಂ.ಎ. ಸಲೀಂ

ಕನ್ನಡಪ್ರಭ ವಾರ್ತೆ ಮೈಸೂರು

ಪೊಲೀಸ್ ಸೇವೆ ಮೂಲಕ ನೊಂದವರಿಗೆ ನ್ಯಾಯ ಕೊಡಿಸಲು ಪ್ರಾಮಾಣಿಕ ಕೆಲಸ ಮಾಡಬೇಕು ಎಂದು ರಾಜ್ಯ ಪೊಲೀಸ್ ಮಹಾ ನಿರ್ದೇಶಕ ಡಾ.ಎಂ.ಎ. ಸಲೀಂ ಹೇಳಿದರು.

ನಗರದ ಕರ್ನಾಟಕ ಪೊಲೀಸ್ ಅಕಾಡೆಮಿಗೆ ಭೇಟಿ ನೀಡಿ ತರಬೇತಿ ಪಡೆಯುತ್ತಿರುವ ಸಬ್ ಇನ್‌ಸ್ಪೆಕ್ಟರ್‌ಗಳು ಮತ್ತು ಇತರ ಅಧಿಕಾರಿಗಳೊಂದಿಗೆ ಸಂವಾದ ನಡೆಸಿ ಮಾತನಾಡಿದ ಅವರು, ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡುವವರಿಗೆ ಸಹಾನುಭೂತಿ, ತಾಳ್ಮೆ ಮತ್ತು ಪ್ರವೇಶ ಸಾಧ್ಯತೆ ಪ್ರತಿಬಿಂಬಿಸುವ ಅಭ್ಯಾಸ ಬೆಳೆಸಿಕೊಳ್ಳುವುದು ಅನಿವಾರ್ಯ. ಸಾರ್ವಜನಿಕ ಸೇವೆಯಲ್ಲಿ ದೃಢವಾಗಿ ಬೇರೂರಿರುವ ವೃತ್ತಿಪರ ದೃಷ್ಟಿಕೋನ ಬೆಳೆಸಿಕೊಳ್ಳಬೇಕು ಎಂದರು.

ಪೊಲೀಸ್ ಸಿಬ್ಬಂದಿ ತಮ್ಮ ಎಲ್ಲಾ ಕರ್ತವ್ಯ ಜನಸ್ನೇಹಿ ವಿಧಾನವನ್ನು ಅಳವಡಿಸಿಕೊಳ್ಳಬೇಕು. ನಿಯಮಿತ ದೂರು ನಿರ್ವಹಿಸುವುದು, ಕಾನೂನು ಮತ್ತು ಸುವ್ಯವಸ್ಥೆ ಕಾಪಾಡುವುದು, ತುರ್ತು ಪರಿಸ್ಥಿತಿಗೆ ಪ್ರತಿಕ್ರಿಯಿಸುವುದು ಮುಖ್ಯ. ಪೊಲೀಸ್ ಪಡೆಯ ವಿಶ್ವಾಸಾರ್ಹತೆಯನ್ನು ನಾಗರಿಕರು ಹೇಗೆ ಗ್ರಹಿಸುತ್ತಾರೆ ಎಂಬುದರ ಮೇಲೆ ಅವಲಂಬಿತವಾಗಿದೆ. ಅಧಿಕಾರಿಗಳು ಪ್ರಜ್ಞಾಪೂರ್ವಕವಾಗಿ ನ್ಯಾಯ ಮತ್ತು ಸೂಕ್ಷ್ಮತೆ ಪ್ರದರ್ಶಿಸಬೇಕು ಎಂದು ಅವರು ಸಲಹೆ ನೀಡಿದರು.

ಸಮಾಜದಲ್ಲಿ ನೊಂದವರ, ದೌರ್ಜನ್ಯಕ್ಕೊಳಗಾದವರ ಸಮಸ್ಯೆಗಳನ್ನು ಆಲಿಸುವುದರಲ್ಲಿ ಪೊಲೀಸರ ಪಾತ್ರ ಅನನ್ಯ. ಕಾನೂನು ಜಾರಿಗೊಳಿಸುವುದಕ್ಕೆ ಸೀಮಿತವಾಗಿಲ್ಲ, ಆದರೆ, ಸಾರ್ವಜನಿಕರ ಸೇವೆ ಮಾಡುವಾಗ ಜನರ ನಂಬಿಕೆ, ವಿಶ್ವಾಸ ಗಳಿಸುವುದು ಮುಖ್ಯ. ವಿಶೇಷವಾಗಿ ಮಹಿಳೆಯರು, ಮಕ್ಕಳು, ಹಿರಿಯ ನಾಗರಿಕರು, ಒಂಟಿಯಾಗಿ ವಾಸಿಸುವ ದುರ್ಬಲ ಗುಂಪುಗಳಿಗೆ ಯಾವ ರೀತಿ ಇರಬೇಕು ಎನ್ನುವುದಕ್ಕೆ ಸಂಬಂಧಿಸಿದಂತೆ ಕಲಿಕೆ ಮತ್ತು ವೃತ್ತಿಪರ ಅಭಿವೃದ್ಧಿಯ ಅಗತ್ಯಯನ್ನು ಒತ್ತಿ ಹೇಳಿದರು.

ಸೈಬರ್ ಅಪರಾಧದ ಹೆಚ್ಚಳ ಪ್ರಸ್ತಾಪಿಸಿ, ಅನೇಕ ತರಬೇತಿದಾರರು ವಿಜ್ಞಾನ ಮತ್ತು ತಂತ್ರಜ್ಞಾನ ಹಿನ್ನೆಲೆ ಹೊಂದಿದ್ದಾರೆ. ಇದು ಸೈಬರ್ ಸಂಬಂಧಿತ ಅಪರಾಧ ಪರಿಣಾಮಕಾರಿಯಾಗಿ ನಿಭಾಯಿಸಲು ಸಹಾಯ ಮಾಡುತ್ತದೆ. ಸೈಬರ್ ಅಪರಾಧಿಗಳನ್ನು ಎದುರಿಸಲು ಅಗತ್ಯವಿರುವ ಕೌಶಲ್ಯದೊಂದಿಗೆ ಅಕಾಡೆಮಿ ಅವರನ್ನು ಸಜ್ಜುಗೊಳಿಸುತ್ತದೆ ಎಂದು ಅವರು ತಿಳಿಸಿದರು.

ಕೆಪಿಎಯಲ್ಲಿನ ಸೌಲಭ್ಯ ಸಂಪೂರ್ಣವಾಗಿ ಬಳಸಿಕೊಳ್ಳಲು ಮುಂದಾಗಬೇಕು. ಶಿಸ್ತು, ಸಮಗ್ರತೆ ಮತ್ತು ಸಂವಹನ ಕೌಶಲ್ಯಗಳು ಕಾನೂನು ಮತ್ತು ಕಾರ್ಯವಿಧಾನ ತಾಂತ್ರಿಕ ಜ್ಞಾನದಷ್ಟೇ ಮುಖ್ಯ. ಅಕಾಡೆಮಿ ಕೇವಲ ತರಬೇತಿ ಕೇಂದ್ರವಲ್ಲ, ಆದರೆ ಅವರ ವೃತ್ತಿಜೀವನಕ್ಕೆ ಮಾರ್ಗದರ್ಶನ ನೀಡುವ ಮೌಲ್ಯ ಅಳವಡಿಸಿಕೊಳ್ಳಲು ಒಂದು ವೇದಿಕೆ ಎಂದು ಅವರು ಗಮನ ಸೆಳೆದರು.

ಸಾವಿರಾರು ಸಮರ್ಥ ಪುರುಷರು ಮತ್ತು ಮಹಿಳೆಯರು ನಿರುದ್ಯೋಗಿಗಳಾಗಿದ್ದರೂ, ಅವರಿಗೆ ಸಮಾಜಕ್ಕೆ ಸೇವೆ ಸಲ್ಲಿಸಲು ಅಮೂಲ್ಯ ಅವಕಾಶ ನೀಡಲಾಗಿದೆ. ಕಾನೂನು ಚೌಕಟ್ಟಿನೊಳಗೆ ಕಟ್ಟುನಿಟ್ಟಾಗಿ ಕಾರ್ಯ ನಿರ್ವಹಿಸಲು ಅವರು ಸಲಹೆ ನೀಡಿದರಲ್ಲದೆ, ಇದು ಪ್ರಗತಿಪರ ಮತ್ತು ಪ್ರತಿಫಲದಾಯಕ ವೃತ್ತಿಜೀವನಕ್ಕೆ ದಾರಿ ಮಾಡಿಕೊಡುತ್ತದೆ ಎಂದು ಅವರು ಹೇಳಿದರು.

90 ಮಹಿಳಾ ಸಬ್- ಇನ್‌ ಸ್ಪೆಕ್ಟರ್‌, 147 ಪುರುಷರು, ಅಬಕಾರಿ ಡಿವೈಎಸ್ಪಿಯಾಗಿ ತರಬೇತಿ ಪಡೆಯುತ್ತಿರುವ ಓರ್ವ ಮಹಿಳಾ ಅಧಿಕಾರಿಯನ್ನು ಒಳಗೊಂಡ 238 ಮಂದಿಯೊನ್ನೊಳಗೊಂಡ 46ನೇ ಬ್ಯಾಚ್‌ ನ ಪ್ರಶಿಕ್ಷಣಾರ್ಥಿಗಳ ತಂಡದೊಂದಿಗೆ ಅವರು ಸಂವಾದ ನಡೆಸಿದರು. ಕೆಪಿಎ ನಿರ್ದೇಶಕ ಎಸ್.ಎಲ್‌. ಚೆನ್ನಬಸವಣ್ಣ, ಸಹಾಯಕ ನಿರ್ದೇಶಕ ಸಂದೇಶ್ ಕುಮಾರ್, ಪಿ. ಕುಮಾರ್, ವೆಂಕಟೇಶ್ ಇದ್ದರು.