ಟ್ರ್ಯಾಕ್ಟರ್‌ಗಳಲ್ಲಿ ಹಾಡುಗಳ ಅಬ್ಬರ, ಕ್ರಮಕ್ಕೆ ಆಗ್ರಹಿಸಿ ಪ್ರತಿಭಟನೆ

KannadaprabhaNewsNetwork |  
Published : Nov 20, 2026, 02:00 AM IST
ರಾಣಿಬೆನ್ನೂರು ತಾಲೂಕಿನ ತುಮ್ಮಿನಕಟ್ಟಿ ಬಳಿ ಅಬ್ಬರದ ಸಂಗೀತ ಹಾಕಿಕೊಂಡು ಚಲಿಸುವ ವಾಹನಗಳಿಗೆ ಕಡಿವಾಣ ಹಾಕಲು ಆಗ್ರಹಿಸಿ ರೈತರು ವಾಹನಗಳನ್ನು ತಡೆದು ಪ್ರತಿಭಟನೆ ನಡೆಸಿದರು.  | Kannada Prabha

ಸಾರಾಂಶ

ಕಬ್ಬು ಸಾಗಣೆ ಮಾಡುವ ಡಬಲ್ ಟ್ರೈಲರ್ ಟ್ರ್ಯಾcಕ್ಟರ್‌ಗಳಲ್ಲಿ ಅಳವಡಿಸಿರುವ ಟೇಪ್‌ರೆಕಾರ್ಡರ್ ಹಾಗೂ ಸೌಂಡ್‌ಬಾಕ್ಸಗಳಿಂದ ಹೊರಹೊಮ್ಮುವ ಅಬ್ಬರದ ಶಬ್ದದಿಂದ ರಸ್ತೆ ಅಪಘಾತಗಳು ಹೆಚ್ಚಾಗುತ್ತಿದ್ದು, ಇವುಗಳನ್ನು ತಕ್ಷಣ ವಶಪಡಿಸಿಕೊಂಡು ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿ ರೈತರು ಗುರುವಾರ ತಾಲೂಕಿನ ತುಮ್ಮಿನಕಟ್ಟಿ ಬಳಿ ರಸ್ತೆ ತಡೆದು ಪ್ರತಿಭಟನೆ ನಡೆಸಿದರು.

ರಾಣಿಬೆನ್ನೂರು: ಕಬ್ಬು ಸಾಗಣೆ ಮಾಡುವ ಡಬಲ್ ಟ್ರೈಲರ್ ಟ್ರ‍್ಯಾಕ್ಟರ್‌ಗಳಲ್ಲಿ ಅಳವಡಿಸಿರುವ ಟೇಪ್‌ರೆಕಾರ್ಡರ್ ಹಾಗೂ ಸೌಂಡ್‌ಬಾಕ್ಸಗಳಿಂದ ಹೊರಹೊಮ್ಮುವ ಅಬ್ಬರದ ಶಬ್ದದಿಂದ ರಸ್ತೆ ಅಪಘಾತಗಳು ಹೆಚ್ಚಾಗುತ್ತಿದ್ದು, ಇವುಗಳನ್ನು ತಕ್ಷಣ ವಶಪಡಿಸಿಕೊಂಡು ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿ ರೈತರು ಗುರುವಾರ ತಾಲೂಕಿನ ತುಮ್ಮಿನಕಟ್ಟಿ ಬಳಿ ರಸ್ತೆ ತಡೆದು ಪ್ರತಿಭಟನೆ ನಡೆಸಿದರು.

ರೈತ ಮುಖಂಡ ಹಾಗೂ ಪ್ರಗತಿಪರ ಚಿಂತಕ ರವೀಂದ್ರಗೌಡ ಪಾಟೀಲ ಮಾತನಾಡಿ, ಕಬ್ಬು ಸಾಗಣೆ ಮಾಡುವ ಡಬಲ್ ಟ್ರೈಲರ್ ಮತ್ತು ಸಿಂಗಲ್ ಟ್ರೈಲರ್ ಟ್ರ‍್ಯಾಕ್ಟರ್‌ಗಳಲ್ಲಿ ಅತಿಯಾದ ಶಬ್ದದ ಟೇಪ್‌ರೆಕಾರ್ಡರ್ ಹಾಗೂ ಸೌಂಡ್‌ಬಾಕ್ಸ್ ಅಳವಡಿಸಿಕೊಂಡು ಹಾಡುಗಳನ್ನು ಹಾಕಿಕೊಂಡು ಸಂಚರಿಸಲಾಗುತ್ತಿದೆ. ಇದರಿಂದ ಚಾಲಕರಿಗೆ ಹಿಂದಿನಿಂದ ಬರುವ ವಾಹನಗಳ ಹಾರ್ನ್ ಕೇಳಿಸುವುದಿಲ್ಲ. ಪಕ್ಕದಲ್ಲಿ ಸಂಚರಿಸುವ ವಾಹನಗಳ ಬಗ್ಗೆಯೂ ಗಮನ ಇರುವುದಿಲ್ಲ. ಪರಿಣಾಮ ಅಮಾಯಕ ಬೈಕ್ ಸವಾರರು ಅಪಘಾತಕ್ಕೆ ಬಲಿಯಾಗುತ್ತಿದ್ದಾರೆ ಎಂದು ಆರೋಪಿಸಿದರು.

ಸಂಚಾರ ನಿಯಮಗಳನ್ನು ಗಾಳಿಗೆ ತೂರಿ ಬೇಕಾಬಿಟ್ಟಿಯಾಗಿ ವಾಹನ ಚಲಾಯಿಸುವ ಚಾಲಕರ ವಿರುದ್ಧ ಪೊಲೀಸ್ ಇಲಾಖೆ ಕಠಿಣ ಕ್ರಮ ಕೈಗೊಳ್ಳಬೇಕು. ಅತಿಯಾದ ಶಬ್ದ ಹೊರಸೂಸುವ ಟೇಪ್‌ರೆಕಾರ್ಡರ್ ಹಾಗೂ ಸೌಂಡ್‌ಬಾಕ್ಸಗಳನ್ನು ಸೀಜ್ ಮಾಡಬೇಕು. ಗುಜರಾತ್ ಮಾದರಿಯಲ್ಲಿ ನಿಯಮ ಉಲ್ಲಂಘಿಸುವ ಟ್ರ‍್ಯಾಕ್ಟರ್‌ಗಳನ್ನು ವಶಕ್ಕೆ ಪಡೆದು ಕಾನೂನು ಕ್ರಮ ಜರುಗಿಸಬೇಕು ಎಂದು ಒತ್ತಾಯಿಸಿದರು.

ಮಲ್ಲಪ್ಪರಡ್ಡಿ ರಡ್ಡೇರ, ಚಂದ್ರಣ್ಣ ಬೇಡರ, ಹನುಮಪ್ಪ ಬ್ಯಾಲದಹಳ್ಳಿ, ಶಶಿಧರ ಬಸವನಾಯಕ, ಕರಬಸಪ್ಪ ಕೂಲೇರ, ಶೇಖಣ್ಣ ಬಣಕಾರ, ರಾಜು ಮಾದಮ್ಮನವರ, ಕುಬೇರಗೌಡ ಕರೇಕಟ್ಟಿ, ಸುರೇಶ ಸಾಂತನವರ, ಬಸವರಾಜ ಪಾಳೇದ, ಶಿವಪ್ಪ ಸಾಂತನವರ, ಹನುಮಗೌಡ ಮೂಡಬಾಗಿಲ ಮತ್ತಿತರರಿದ್ದರು.

ಇತ್ತೀಚಿಗೆ ಗ್ರಾಮದ ಬಳಿ ಡಬಲ್ ಟ್ರೈಲರ್ ಟ್ರ‍್ಯಾಕ್ಟರ್ ಬೈಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ಇಬ್ಬರು ಮೃತಪಟ್ಟ ಹಿನ್ನೆಲೆಯಲ್ಲಿ ರೈತರು ಪ್ರತಿಭಟನೆ ನಡೆಸಿದರು.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಅನುದಾನ ನೆಚ್ಚದೇ ಊರ ಕೆರೆ ಸ್ಚಚ್ಛ ಮಾಡಿಕೊಂಡ ಗ್ರಾಮಸ್ಥರು
ಪಂಚತಂತ್ರ ಕಥೆಗಳ ಮೌಲ್ಯ ಮಕ್ಕಳ ಮನಃಪರಿವರ್ತನೆಗೆ ಸಹಕಾರಿ: ವಿವೇಕಾನಂದಗೌಡ ಪಾಟೀಲ