ಗಣಪತಿ ವಿಸರ್ಜನಾ ಮಹೋತ್ಸವದಂದು ರಂಗೋಲಿ ಸ್ಪರ್ಧೆ

ಚನ್ನರಾಯಪಟ್ಟಣ: ಶ್ರೀ ಸತ್ಯ ಗಣಪತಿ ಸೇವಾ ಸಮಿತಿ ಹೊಯ್ಸಳ ಯುವಕ ಸಂಘ ವತಿಯಿಂದ ನುಗ್ಗೆಹಳ್ಳಿಯಲ್ಲಿ ೩೫ ನೇ ವರ್ಷದ ಗಣಪತಿ ವಿಸರ್ಜನ ಮಹೋತ್ಸವದ ಅಂಗವಾಗಿ ಪ್ರತಿ ವರ್ಷದಂತೆ ಈ ವರ್ಷವೂ ರಂಗೋಲಿ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು.

ಈ ರಂಗೋಲಿ ಸ್ಪರ್ಧೆಯ ಪ್ರಯೋಜಕರಾದ ಮಂಜು (ಗೌಡಕಿ )ಮಾಜಿ ಗ್ರಾಮ ಪಂಚಾಯತಿ ಅಧ್ಯಕ್ಷರು ಇವರು ೧೫ ವರ್ಷಗಳಿಂದ ಈ ಸ್ಪರ್ಧೆಯನ್ನು ನಡೆಸಿಕೊಂಡು ಬರುತ್ತಿರುತ್ತಾರೆ. ಇವರಿಗೆ ಹೊಯ್ಸಳ ಸಂಘದ ವತಿಯಿಂದ ಅಭಿನಂದಿಸಲಾಯಿತು. ಈ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ನೀಡಲಾಯಿತು. ಭಾಗವಹಿಸಿದ ಎಲ್ಲಾ ಸ್ಪರ್ಧಾಳುಗಳಿಗೆ ಸಮಾಧಾನಕರ ಬಹುಮಾನವನ್ನು ನೀಡಲಾಯಿತು. ಕಾರ್ಯಕ್ರಮದಲ್ಲಿ ಸಂಘದ ಪದಾಧಿಕಾರಿಗಳಾದ. ಎನ್ ಆರ್‌ ಅಶೋಕ್, ಬಾಲ ಕುಮಾರ್‌, ಜಯಕೀರ್ತಿ, ರಾಮ್ ಪ್ರಸಾದ್, ಜಿತೇಂದ್ರ ಕುಮಾರ್,ರಾಜು, ಶಿಕ್ಷಕರಾದ ಕಲನಾಥ್ ಪ್ರದೀಪ್ ಇನ್ನು ಹಲವಾರು ಪದಾಧಿಕಾರಿಗಳು ಭಾಗವಹಿಸಿದ್ದರು.