ಲೋಕ ಚುನಾವಣೆ: ಹಿರಿಯ ನಾಗರಿಕರು, ಅಂಗವಿಕಲರಿಗೆ ರ್‍ಯಾಪಿಡೋ ಫ್ರೀ ರೈಡ್‌

ನವದೆಹಲಿ: ಕರ್ನಾಟಕದಲ್ಲಿ ಶುಕ್ರವಾರ ಲೋಕಸಭೆ ಚುನಾವಣೆಯ ಎರಡನೇ ಹಂತದ ಮತದಾನ ನಡೆಯಲಿದ್ದು, ಹೆಚ್ಚೆಚ್ಚು ಮತದಾರರನ್ನು ಮತಗಟ್ಟೆಗೆ ಆಕರ್ಷಿಸುವ ನಿಟ್ಟಿನಲ್ಲಿ ರ್‍ಯಾಪಿಡೋ ಟ್ಯಾಕ್ಸಿ ಹಿರಿಯ ನಾಗರಿಕರಿಗೆ ಹಾಗೂ ಅಂಗವಿಕಲರಿಗೆ ಉಚಿತ ರೈಡ್‌ ಸೇವೆ ಘೋಷಿಸಿದೆ. ಕರ್ನಾಟಕದ ಮಂಗಳೂರು, ಬೆಂಗಳೂರು ಹಾಗೂ ಮೈಸೂರಿನಲ್ಲಿ ಈ ಸೇವೆ ಲಭ್ಯ ಇರಲಿದೆ.

ಹಿರಿಯ ನಾಗರಿಕ ಮತದಾರರು ಹಾಗೂ ಅಂಗವಿಕಲರು ಮನೆಯಿಂದ ಮತಗಟ್ಟೆಗೆ ಹಾಗೂ ಮತಗಟ್ಟೆಯಿಂದ ಮನೆಗೆ ಈ ಉಚಿತ ರೈಡ್‌ ಸೇವೆ ಪಡೆದುಕೊಳ್ಳಬಹುದಾಗಿದೆ. ರ್‍ಯಾಪಿಡೋ ಬುಕ್‌ ಮಾಡುವಾಗ ‘ವೋಟ್‌ ನೌ’ (VOTENOW) ಕೋಡ್‌ ಬಳಸಿದರೆ ಉಚಿತ ಕ್ಯಾಬ್‌ ಹಾಗೂ ಆಟೋ ರಿಕ್ಷಾ ಸೇವೆ ಲಭಿಸಲಿದೆ ಎಂದು ರ್‍ಯಾಪಿಡೋ ತಿಳಿಸಿದೆ.