ಗೋಣಿಬೀಡು ಗಣಪತಿಗೆ ಜೇಸಿಐನಿಂದ ವಿಶೇಷ ಪೂಜೆ

ಚಿಕ್ಕಮಗಳೂರು: ಗೋಣಿಬೀಡು ಪಟ್ಟಣದಲ್ಲಿ ಶ್ರೀ ವಿನಾಯಕ ಗೆಳೆಯರ ಬಳಗದ ವತಿಯಿಂದ ಪ್ರತಿಷ್ಠಾಪಿಸಿರುವ ಸಾರ್ವಜನಿಕ ಗಣೇಶೋತ್ಸವದ ಅಂಗವಾಗಿ ಬುಧವಾರ ಜೇಸಿಐ ಗೋಣಿಬೀಡು ಹೊಯ್ಸಳ ವತಿಯಿಂದ ವಿಶೇಷ ಪೂಜೆ ಸಲ್ಲಿಸಲಾಯಿತು. ಈ ವೇಳೆ ಸಮಸ್ತ ಜನತೆಗೆ ಹಾಗೂ ವಿದ್ಯಾರ್ಥಿಗಳಿಗೆ ಆರೋಗ್ಯ, ಆಯುಸ್ಸು, ಸಮೃದ್ಧಿ ಕರುಣಿಸುವಂತೆ ಹಾಗೂ ಉತ್ತಮ ಮಳೆ-ಬೆಳೆ ಆಗುವಂತೆ ಗಣಪತಿಯಲ್ಲಿ ಪ್ರಾರ್ಥಿಸಲಾಯಿತು.ಜೇಸಿಐ ಅಧ್ಯಕ್ಷ ಸಂತೋಷ ಹೊಸಳ್ಳಿ, ಕಾರ್ಯದರ್ಶಿ ದಯಾನಂದ್, ವಕೀಲ ಆದರ್ಶ, ವಲಯ ಉಪಾಧ್ಯಕ್ಷ ಬಿ.ಎಂ. ಜಗತ್, ಬಿ.ಕೆ. ಚಂದ್ರಶೇಖರ, ರಘು, ಮಹೇಶ್ ಸಾಲುಮರ, ಕೆಂಚೇಗೌಡ, ಹಿರೇಸಿಗರ ಚಂದ್ರಶೇಖರ ಸೇರಿದಂತೆ ಜೇಸಿಐ ಪದಾಧಿಕಾರಿಗಳು, ಸದಸ್ಯರು ಹಾಗೂ ಭಕ್ತರು ಉಪಸ್ಥಿತರಿದ್ದರು.