ಸೆಂಟ್ ಫಿಲೋಮಿನಾ ಕಾಲೇಜಿನಲ್ಲಿ ದೀಕ್ಷಾರಂಭ ಕಾರ್ಯಕ್ರಮ

ಕನ್ನಡಪ್ರಭ ವಾರ್ತೆ ಮೈಸೂರು

ನಗರದ ಸಂತ ಫಿಲೋಮಿನಾ ಕಾಲೇಜಿನಲ್ಲಿ ಗುರುವಾರ ದೀಕ್ಷಾರಂಭ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ಕಾಲೇಜಿಗೆ ಹೊಸದಾಗಿ ಪ್ರವೇಶ ಪಡೆದ ವಿದ್ಯಾರ್ಥಿಗಳು, ಪೋಷಕರು ಹಾಗೂ ಸಂರಕ್ಷಣಾಧಿಕಾರಿಗಳಿಗೆ ನಡೆದ ಈ ಕಾರ್ಯಕ್ರಮವನ್ನು ಕಾಲೇಜಿನ ರೆಕ್ಟರ್ ಡಾ. ಲೊರ್ದು ಪ್ರಸಾದ್ ಜೋಸೆಫ್ ಉದ್ಘಾಟಿಸಿದರು.

ಕಾಲೇಜಿನ ಪ್ರಾಂಶುಪಾಲ ಡಾ. ರವಿ ಜೆ.ಡಿ. ಸಲ್ಡಾನ್ಹಾ ಅವರು ಹೊಸದಾಗಿ ಪ್ರವೇಶ ಪಡೆದ ವಿದ್ಯಾರ್ಥಿಗಳು ಮತ್ತು ಅವರ ಪೋಷಕರನ್ನು ಉದ್ದೇಶಿಸಿ ಮಾತನಾಡಿ, ಉನ್ನತ ಶಿಕ್ಷಣಕ್ಕಾಗಿ ಸೆಂಟ್ ಫಿಲೊಮಿನಾ ಕಾಲೇಜನ್ನು ಆಯ್ಕೆ ಮಾಡಿರುವುದು ಒಳ್ಳೆಯ ನಿರ್ಧಾರ. ತಮ್ಮ ಅಕಾಡೆಮಿಕ್ ಆಯ್ಕೆಗಳ ಮಹತ್ವ ತಿಳಿಯಬೇಕು. ಕಾಲೇಜಿನ ವಿವಿಧ ಕಾರ್ಯಕ್ರಮಗಳು ಮತ್ತು ಅನುಭವಸಂಪನ್ನ ಅಧ್ಯಾಪಕ ಸಿಬ್ಬಂದಿ ಅಗತ್ಯ ಜ್ಞಾನ ಮತ್ತು ಕೌಶಲಗಳನ್ನು ನೀಡುವುದಾಗಿ ಭರವಸೆ ನೀಡಿದರು.

ಡಾ. ಲೊರ್ದು ಪ್ರಸಾದ್ ಜೋಸೆಫ್ ಮಾತನಾಡಿ, ತಮ್ಮ ಅನುಭವ ಹಂಚಿಕೊಳ್ಳುತ್ತಾ, ಕಲಿಕೆ ಎಂಬುದು ನಿರಂತರ ಪ್ರಕ್ರಿಯೆ. ಇದು ಶ್ರದ್ಧೆ ಮತ್ತು ಕ್ರಮೇಣ ಅರ್ಥೈಸಲು ತಾಳ್ಮೆಯ ಅಗತ್ಯವಿದೆ. ವಿದ್ಯಾರ್ಥಿಗಳ ಭವಿಷ್ಯ ರೂಪಿಸುವಲ್ಲಿ ಪೋಷಕರ ಪಾತ್ರ ಬಹಳ ಮುಖ್ಯ ಎಂದರು.

ವಿದ್ಯಾರ್ಥಿಗಳ ಯಶಸ್ಸಿಗೆ ಅವರ ಬೆಂಬಲ ಮತ್ತು ಭಾಗವಹಿಸುವಿಕೆ ಅವಶ್ಯಕವಿದೆ. ಪೋಷಕರು ಕಾಲೇಜು ಮತ್ತು ಅದರ ಶಿಕ್ಷಕರೊಂದಿಗೆ ಕೈಜೋಡಿಸಬೇಕು. ಅವರು ಒಟ್ಟಿಗೆ ಕೆಲಸ ಮಾಡಿದರೆ, ಅವರು ವಿದ್ಯಾರ್ಥಿಗಳ ಅಕಾಡೆಮಿಕ್ ಮತ್ತು ವೈಯಕ್ತಿಕ ಬೆಳವಣಿಗೆಯನ್ನು ರೂಪಿಸುವ ಜವಾಬ್ದಾರಿಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಬಹುದು ಎಂದು ಅವರು ಹೇಳಿದರು.

ಆಡಳಿತಾಧಿಕಾರಿ ಜ್ಞಾನಪ್ರಸಾಗಸಮ್, ಎಸ್. ಡೇವಿಡ್ ಸಾಗಾಯರಾಜ್, ಉಪ ಪ್ರಾಂಶುಪಾಲ ಎಮ್. ನಾಗರಾಜ್ ಉರ್ಸ್, ರೊನಾಲ್ಡ್ ಪ್ರಕಾಶ್ ಕುಟಿನ್ಹಾ, ಸಂಯೋಜಕ ಎ. ಥಾಮಸ್ ಗುನಸೆಲನ್, ಪರೀಕ್ಷಾ ನಿಯಂತ್ರಕ ಡಾ. ರೀನಾ ಫ್ರಾನ್ಸಿಸ್, ಡಾ.ಸಿ.ಎ. ನೂರು ಮುಬಾಶೀರ್, ಸಂಯೋಜಕ ಡಾ. ಅಲ್ಫಾನ್ಸಸ್ ಡಿ''''''''ಸೊಜಾ, ಡೀನ್ಪ್ರೊ.ಎ.ಟಿ. ಸದೇಬೋಸ್, ಪ್ರೊ. ಅಗ್ರಿ ಸಿಲ್ವಿಯಾ ಡಿ''''''''ಸೊಜಾ, ವಿಜ್ಞಾನ ಡೀನ್, ಪ್ರೊ. ಪ್ರವೀನ್ ಸಲ್ದಾನ್ಹಾ, ಕಲಾ ಮತ್ತು ವಿದ್ಯಾರ್ಥಿ ಕಲ್ಯಾಣಾಧಿಕಾರಿ ಇದ್ದರು.