ಪ್ರಪಂಚ ಭಗವಂತ ನಿರ್ಮಿಸಿದ ಚಿತ್ರಕಲಾ ಶಾಲೆ
ಸಾರಾಂಶ
ಕನ್ನಡಪ್ರಭ ವಾರ್ತೆ ಇಳಕಲ್ಲನಮ್ಮ ಸುತ್ತಮುತ್ತಲಿನ ಗಿಡ-ಮರ, ಗುಡ್ಡ-ಬೆಟ್ಟ, ಜಲಪಾತದಂತ ನಿಸರ್ಗ ವೀಕ್ಷಿಸಿದಾಗ ಈ ಪ್ರಪಂಚ ಭಗವಂತನು ನಿರ್ಮಿಸಿದ ಚಿತ್ರಕಲಾ ಶಾಲೆ ಎಂದು ಕರ್ನಾಟಕ ಉಚ್ಚ ನ್ಯಾಯಾಲಯದ ನ್ಯಾಯಾದೀಶ ಸಂಜೀವಕುಮಾರ ಹಂಚಾಟೆ ಅಭಿಪ್ರಾಯಪಟ್ಟರು.
ಕನ್ನಡಪ್ರಭ ವಾರ್ತೆ ಇಳಕಲ್ಲ
ನಗರದ ಶಂಕರಿ ರಾಮಲಿಂಗ ದೇವಸ್ಥಾನದಲ್ಲಿ ಕರ್ನಾಟಕ ಸರ್ಕಾರ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರ ಇವರ ಧನಸಹಾಯದಲ್ಲಿ ಅಹಮದ್ ಕನಸಾವಿ ಅವರ ಏಕವ್ಯಕ್ತಿ ಶಿಲ್ಪಕಲಾ ಪ್ರದರ್ಶನ ಸಮಾರಂಭವನ್ನು ಸಸಿಗೆ ನೀರು ಹಾಕುವ ಮೂಲಕ ಉದ್ಘಾಟಿಸಿ ಅವರು ಮಾತನಾಡಿದರು.
ಶಿಲಾಯುಗ ಕಾಲದ ಇತಿಹಾಸ ನಾವು ಅವರು ಚಿತ್ರಿಸಿದ ಚಿತ್ರಕಲೆಯ ಮೂಲಕವೇ ಅವರ ಬದುಕಿನ ಬಗ್ಗೆ ತಿಳಿದುಕೊಳ್ಳುತ್ತೇವೆ. ಅಂದರೇ ಭಾಷೆಗೂ ಮೊದಲು ಒಬ್ಬರನ್ನೊಬ್ಬರನ್ನು ಸಂಪರ್ಕಿಸಲು ಚಿತ್ರಕಲೆಯು ಒಂದು ಸಾಧನವಾಗಿತ್ತು. ಚಿತ್ರಕಲೆ ಮನುಷ್ಯನನ್ನು ಏಕಾಗ್ರಚಿತ್ರಗೊಳಿಸುವುದಲ್ಲದೇ ಮನುಷ್ಯನ ಮನಸ್ಸನ್ನು ಅರಳಿಸುವುದು. ಅದಕ್ಕಾಗಿ ನಾವು ಚಿಕ್ಕ ಮಕ್ಕಳಿರುವಾಗಲೇ ಚಿತ್ರಕಲೆಯ ಬಗ್ಗೆ ಅರಿವು ಮೂಡಿಸುವುದು ಅತ್ಯಗತ್ಯ ಎಂದರು.ಕರ್ನಾಟಕ ಚಿತ್ರಕಲಾ ಅಕಾಡಮಿ ಸದಸ್ಯ ವೆಂಕಟೇಶ ಬಡಿಗೇರ ಮಾತನಾಡಿ, ಅಹಮದ್ ಕನಸಾವಿ ಅವರು ಒಬ್ಬ ಅಪರೂಪದ ಚಿತ್ರಕಲಾವಿದರು ಎಂದರೇ ತಪ್ಪಾಗದು. ಅವರ ಉಬ್ಬು(ಮೆಟಲ್) ಕೆತ್ತನೆ ಚಿತ್ರ ಪ್ರದರ್ಶನ ಉತ್ತರ ಕರ್ನಾಟಕದಲ್ಲೆ ಮೊಟ್ಟಮೊದಲ ಪ್ರದರ್ಶನವಾಗಿದೆ ಎಂದರು.
ಮುರ್ತುಜಾ ಬೇಗಂ ಕೊಡಗಲಿ ತಾಯಿಯವರ ಮನದಾಳದ ಅಳಿವು ನಮಗೆ ಅರಿವಾಗಿದ್ದು, ಇನ್ನು ಮುಂದೆ ನಗರದ ಸಾಹಿತಿಗಳು ತಾವು ಬರೆದ ಉತ್ತಮ ಸಾಹಿತ್ಯವಾಗಲಿ ರಚಿಸಿದ ಕವನ ಸಂಕಲನವಾಗಲಿ ಅದರ ಬಿಡುಗಡೆಗೆ ನಮ್ಮ ಶ್ರೀಮಠದಲ್ಲಾಗಲಿ, ದಾಸೋಹ ಭವನದಲ್ಲಾಗಲಿ ಅಥವಾ ಅನುಭವ ಮಂಟಪದಲ್ಲಾಗಲಿ ಉಚಿತವಾಗಿ ಸ್ಥಳಾವಕಾಶವನ್ನು ನೀಡುವುದಾಗಿ ಆಶ್ವಾಸನೆ ನೀಡಿದರು.
ಬಾಲಕೋಟೆ ಜಿಲ್ಲಾ ದುತ್ತರಗಿ ಟ್ರಸ್ಟ್ ನ ಸದಸ್ಯ ಇಬ್ಬಾಹಿಂ ಕನಸಾವಿ ಇದ್ದರು.