ಆಟೋಟದಲ್ಲಿ ಪಾಲ್ಗೊಂಡು ಸಂಭ್ರಮಿಸಿದ ಮಹಿಳಾ ಮಣಿಗಳು

ಹಾವೇರಿ: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ನಗರದ ಹೊಸಮನಿ ಸಿದ್ದಪ್ಪ ಜಿಲ್ಲಾ ಕ್ರೀಡಾಂಗಣದಲ್ಲಿ ಮಹಿಳೆಯರಿಗಾಗಿಯೇ ಆಯೋಜಿಸಿದ್ದ ವಿವಿಧ ಮನರಂಜನಾ ಕ್ರೀಡೆಗಳು, ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ಮಹಿಳಾ ಮಣಿಗಳು ಪಾಲ್ಗೊಂಡು ಸಂಭ್ರಮಿಸಿದರು.

ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ಯುವ ಸಬಲೀಕರಣ ಹಾಗೂ ಕ್ರೀಡಾ ಇಲಾಖೆಗಳ ಸಹಯೋಗದೊಂದಿಗೆ 12 ವರ್ಷ ಮೇಲ್ಪಟ್ಟ ಮಹಿಳೆಯರಿಗಾಗಿ ಮುಕ್ತ ರಸ್ತೆ ಓಟ, ವಿವಿಧ ಮನೋರಂಜನಾ ಕ್ರೀಡೆಗಳು ಹಾಗೂ ಸಾಂಸ್ಕೃತಿಕ ಸ್ಪರ್ಧೆಗಳು ಜರುಗಿದವು. ಕಾರ್ಯಕ್ರಮಕ್ಕೆ ಜಿಲ್ಲಾಧಿಕಾರಿ ಡಾ.ವಿಜಯಮಹಾಂತೇಶ ದಾನಮ್ಮನವರ ಚಾಲನೆ ನೀಡಿದರು. ಜಿಪಂ ಸಿಇಒ ರುಚಿ ಬಿಂದಲ್, ಎಸ್‌ಪಿ ಯಶೋಧಾ ವಂಟಗೋಡಿ, ಜಿಪಂ ಉಪಕಾರ್ಯದರ್ಶಿ ಪುನೀತ್, ಕ್ರೀಡಾ ಇಲಾಖೆ ಸಹಾಯಕ ನಿರ್ದೇಶಕ ಲತಾ ಬಿ.ಎಚ್ ಸೇರಿದಂತೆ ಮೊದಲಾದವರು ಉಪಸ್ಥಿತರಿದ್ದರು. ಉತ್ಸಾಹ ಮೆರೆದ ಮಹಿಳೆಯರು: ಮಹಿಳಾ ದಿನಾಚರಣೆ ನಿಮಿತ್ತ ಮಹಿಳೆಯರಿಗಾಗಿಯೇ ಮೀಸಲಿಟ್ಟಿದ್ದ ಕ್ರೀಡಾಕೂಟಗಳಲ್ಲಿ ನಗರ, ಜಿಲ್ಲೆ ಸೇರಿದಂತೆ ಹೊರ ಜಿಲ್ಲೆಗಳಿಂದಲೂ ಆಗಮಿಸಿದ್ದ ಮಹಿಳೆಯರು, ಯುವತಿಯರು ಉತ್ಸಾಹದಿಂದ ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಗಮನಸೆಳೆದರು. ಸ್ಪರ್ಧೆಯಲ್ಲಿ ಸೋಲು ಗೆಲುವನ್ನು ಲೆಕ್ಕಿಸದೇ ಭಾಗವಹಿಸುವುದೇ ಮುಖ್ಯವೆಂದು ತಿಳಿದು ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರು ಆಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದರು. ಕ್ರೀಡಾಕೂಟಗಳ ಕೊನೆಯಲ್ಲಿ ವಿಜೇತರಿಗೆ ಬಹುಮಾನ ಹಾಗೂ ಪ್ರಶಸ್ತಿ ಪತ್ರಗಳನ್ನು ವಿತರಿಸಲಾಯಿತು.ಓಟದ ಸ್ಪರ್ಧೆ

5 ಕಿಮೀ ರಸ್ತೆ ಓಟದ ಸ್ಪರ್ಧೆಯಲ್ಲಿ ಧಾರವಾಡದ ಶಿಲ್ಪಾ ಹೊಸಮನಿ, ಸುಪ್ರಿತಾ ಸಿದ್ದಿ, ಕಾರವಾರದ ಸುಪ್ರಿತಾ ಚನ್ನಯ್ಯ, ಹಾವೇರಿಯ ಸಾಕ್ಷಿ ಗುಡಿಹಿಂದ್ಲರ, ಬ್ಯಾಡಗಿಯ ಅರ್ಪಿತಾ ಮಡಿವಾಳರ, ಸೃಷ್ಟಿ ತಿಳವಳ್ಳಿ, ಐಶ್ವರ್ಯ ಬೆನ್ನೂರ, ಅರ್ಚನಾ ಲಮಾಣಿ, ಸಂಜನಾ ರೊಟ್ಟಿ, ಈರಮ್ಮ ಗೌರಕ್ಕನವರ ಕ್ರಮವಾಗಿ ಬಹುಮಾನಗಳನ್ನು ಪಡೆದುಕೊಂಡರು. ಅದೇರೀತಿ 3 ಕಿಮೀ ಓಟದ ಸ್ಪರ್ಧೆಯಲ್ಲಿ ಧಾರವಾಡದ ಶ್ರೇಯಾ ಘಂಟಿ, ರಾಜಶ್ರೀ ಮರೇದ, ಸವಣೂರಿನ ಲಕ್ಷ್ಮಿ ಹಡಪದ, ಸಾವಿತ್ರಿ ಮಿರಾಶಿ, ಪ್ರೀಯಾ ವಾರ, ವೈದೇಹಿ, ಅನನ್ಯಾ ಕಮಾಟಿ, ನೇತ್ರಾ ಮಲ್ಲೂರ, ಚಂದನಾ ಮರಡೇರ, ನಿವೇದಿತಾ ಕೊಪ್ಪದ ಕ್ರಮವಾಗಿ ಪ್ರಥಮ, ದ್ವಿತೀಯ, ತೃತೀಯ ಹೀಗೆ ಬಹುಮಾನ ಪಡೆದುಕೊಂಡರು.ಗೋಣಿ ಚೀಲ ಸ್ಪರ್ಧೆ: 30 ವರ್ಷದೊಳಗಿನ ಮಹಿಳೆಯರ 100 ಮೀ ಓಟದ ಸ್ಪರ್ಧೆಯಲ್ಲಿ ಚಂದ್ರಕಲಾ ಹೊಸಮನಿ, ನೀಲಮ್ಮ, ರೇಖಾ ಜಾಡರ, ಗೋಣಿಚೀಲ ಓಟದ ಸ್ಪರ್ಧೆಯಲ್ಲಿ ಲಕ್ಷ್ಮಿ ಜಾಡರ, ಶ್ರೇಯಾ ಪಿ.ಜೆ., ನೀಲಮ್ಮ ಕ್ರಮವಾಗಿ ಪ್ರಥಮ, ದ್ವಿತೀಯ, ತೃತೀಯ ಸ್ಥಾನ ಪಡೆದುಕೊಂಡರು. 30 ವರ್ಷ ಮೇಲ್ಪಟ್ಟ ಮಹಿಳೆಯರ ವಿಭಾಗದಲ್ಲಿ 100 ಮೀ ಓಟದ ಸ್ಪರ್ಧೆಯಲ್ಲಿ ಶೋಭಾ ಲಮಾಣಿ, ಚೇತನಾ ಕಾರಗಿ, ರೇಣುಕಾ ನಾಯಕ, ಗೋಣಿಚೀಲ ಓಟದ ಸ್ಪರ್ಧೆಯಲ್ಲಿ ಶಾರದಾ ಲಮಾಣಿ, ವಿಶಾಲಾಕ್ಷಿ ಕಮತದ, ಭಾರತಿ ಕುರುವತ್ತಿಮಠ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.ಮನೋರಂಜನಾ ಸ್ಪರ್ಧೆ: 18 ವರ್ಷ ಮೇಲ್ಪಟ್ಟ ಮಹಿಳೆಯರ ಮನೋರಂಜನಾ ಸ್ಪರ್ಧೆಯ ಬಾಂಬ್ ಇನ್ ದ ಸಿಟಿ ಆಟದಲ್ಲಿ ಲಕ್ಷ್ಮೀ ಜಾಡರ, ನೀಲಮ್ಮ, ಭಾಗ್ಯಾ ಜನ್ನು ವಿಜೇತರಾಗಿದ್ದಾರೆ. ಹಗ್ಗ ಜಗ್ಗಾಟದ ಸ್ಪರ್ಧೆಯಲ್ಲಿ ಮಂಜುಳಾ ಬಿ., ಅರ್ಪಿತಾ ಪಿ.ಎಂ., ಶೋಭಾ ಲಮಾಣಿ, ಅಶ್ವಿನಿ ಎಂ.ಕೆ., ಶೋಭಾ ಸಿ., ರೇಖಾ ಎಂ.ಜೆ, ನೀಲಮ್ಮ, ಸಂಜನಾ ಎಂ.ಎಚ್, ರತ್ನಾ ಟಿ., ರಕ್ಷತಾ ಬಿ.ನೇತೃತ್ವದ ತಂಡ ಪ್ರಥಮ ಸ್ಥಾನ ಪಡೆದಿದೆ. ಅದೇ ರೀತಿ ಅನುರಾಧಾ ಪೂಜಾರ, ಕಮಲಮ್ಮ ಕೆ.ಎನ್., ಗಾನವಿ ಪಾಟೀಲ, ಪ್ರತಿಭಾ ಬೆಂಡಿಗೇರಿ, ಸಂಗೀತಾ ಪೂಜಾರ, ಪಲ್ಲವಿ ಪಾಟೀಲ, ಲಕ್ಷ್ಮೀ ಎಂ., ಎಸ್ಎಚ್‌. ಸೊರಟೂರ, ಸೌಜನ್ಯ, ಚೈತ್ರಾ ಬಾಯಿ ನೇತೃತ್ವದ ತಂಡ ದ್ವಿತೀಯ ಸ್ಥಾನ ಪಡೆದುಕೊಂಡಿತು.ಸಾಂಸ್ಕೃತಿಕ ಸ್ಪರ್ಧೆ: 18 ವರ್ಷ ಮೇಲ್ಪಟ್ಟ ಸಾಂಸ್ಕೃತಿಕ ವಿಭಾಗದ ಗುಂಪು ನೃತ್ಯ ಸ್ಪರ್ಧೆಯಲ್ಲಿ ರಾಣಿಬೆನ್ನೂರಿನ ವರ್ಷಿತಾ ತಂಡ ರೈತ ಗೀತೆ ಹಾಡಿ ಪ್ರಥಮ ಸ್ಥಾನ ಪಡೆದುಕೊಂಡರೆ, ಪೂರ್ವಿಕಾ ನೇತೃತ್ವದ ತಂಡ ದ್ವಿತೀಯ ಸ್ಥಾನವನ್ನು ಪಡೆದುಕೊಂಡಿತು.