ಮಾಜಿ ಎಂಎಲ್ಸಿ, ಶಾಸಕ ಬೈರತಿ ಮಧ್ಯೆ ಮಾತಿನ ಚಕಮಕಿ
ಸಾರಾಂಶ
ಬೆಂಗಳೂರು ನಗರಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಅವರು ಕೆ.ಆರ್.ಪುರದಲ್ಲಿ ಕಾಮಗಾರಿ ಪರಿಶೀಲನೆ ವೇಳೆ ಅಭಿವೃದ್ಧಿ ವಿಚಾರವಾಗಿ ಶಾಸಕ ಬೈರತಿ ಬಸವರಾಜ್‌ ಹಾಗೂ ವಿಧಾನ ಪರಿಷತ್ ಮಾಜಿ ಸದಸ್ಯ ನಾರಾಯಣಸ್ವಾಮಿ ನಡುವೆ ತೀವ್ರ ವಾಗ್ವಾದ, ಕೆಟ್ಟ ಪದಗಳಿಂದ ಪರಸ್ಪರ ನಿಂದನೆಯ ನಂತರ ಪರಿಸ್ಥಿತಿ ವಿಕೋಪಕ್ಕೆ ತಿರುಗಿ ಕೈ ಕೈ ಮಿಲಾಯಿಸುವ ಹಂತಕ್ಕೆ ತಲುಪಿತ್ತು.
ಕನ್ನಡಪ್ರಭ ವಾರ್ತೆ ಬೆಂಗಳೂರು
ಸ್ಥಳ ಪರಿಶೀಲನೆ ವೇಳೆ ಕೆ.ಆರ್.ಪುರ ಕ್ಷೇತ್ರದಲ್ಲಿ ಸರ್ಕಾರದಿಂದ ಅಭಿವೃದ್ಧಿ ಕೆಲಸಗಳಿಗೆ ಆಗುತ್ತಿಲ್ಲ ಎಂದು ಶಾಸಕ ಬೈರತಿ ಬಸವರಾಜ್‌ ಬೆಂಬಲಿಗರೊಬ್ಬರು ಪದೇ ಪದೇ ಸಚಿವ ಕೃಷ್ಣ ಬೈರೇಗೌಡ ಬಳಿ ಪ್ರಸ್ತಾಪಿಸಿದ್ದಾರೆ.
ಆಗ ಸಚಿವರು ಏರಿದ ಧ್ವನಿಯಲ್ಲಿ ‘ನಾನು ಅದನ್ನು ನೋಡಲೆಂದೇ ಬಂದಿರುವುದು. ಇಲ್ಲಿ ರಾಜಕೀಯ ಮಾಡಬೇಡ ನಡಿಯಯ್ಯ’ ಎಂದು ಸಚಿವರು ಉತ್ತರಿಸಿದ್ದಾರೆ. ಆಗ, ರಾಜಕೀಯವಲ್ಲ ಸರ್, ನಿಮಗಲ್ಲದೇ ಇನ್ಯಾರಿಗೆ ಹೇಳಬೇಕು ಎಂದು ಶಾಸಕರ ಬೆಂಬಲಿಗ ಹೇಳಿದ್ದಾನೆ.ಈ ಮಧ್ಯೆ ಶಾಸಕರ ಬೆಂಬಲಿಗನ ಕಡೆ ನುಗ್ಗಿದ ವಿಧಾನ ಪರಿಷತ್ ಮಾಜಿ ಸದಸ್ಯ ನಾರಾಯಣಸ್ವಾಮಿ, ಏನೋ ನಿಂದು? ನಮ್ಮ ಮಿನಿಸ್ಟರ್ ಮೇಲೆ ರೋಪ್ ಹಾಕಲು ಬರುತ್ತೀಯಾ? ಕೆಲಸಗಳ ಪರಿಶೀಲನೆ ಮಾಡಲೆಂದೆ ಅವರು ಇಲ್ಲಿಗೆ ಬಂದಿದ್ದಾರೆ. ಸಾಕು ನಡಿ ಇಲ್ಲಿಂದ ಎಂದು ಏರಿದ ಧ್ವನಿಯಲ್ಲಿ ಮಾತನಾಡಿದ್ದಾರೆ.
ಅದಕ್ಕೆ ಪ್ರತಿಕ್ರಿಯಿಸಿದ ನಾರಾಯಣಸ್ವಾಮಿ, ನನ್ನನ್ನು ಎಂಎಲ್ಸಿ ಮಾಡಿದ್ದು ನೀನಲ್ಲ. ನಿನ್ನನ್ನು ಎಂಎಲ್‌ಎ ಮಾಡಿದ್ದು ನಾವು ಈ ಕ್ಷೇತ್ರದ ಜನ. ಇಷ್ಟು ವರ್ಷಗಳಿಂದ ಶಾಸಕನಾಗಿ ಏನು ಕೆಲಸ ಮಾಡಿದ್ದಿಯಾ ಎಂಬುದು ಎಲ್ಲರಿಗೂ ಗೊತ್ತಿದೆ. ಏನಾದರೂ ಜವಾಬ್ದಾರಿ ಇದೆಯಾ ನಿನಗೆ? ನಿನ್ನ ಎಲ್ಲಾ ಕತೆ ನನಗೆ ಗೊತ್ತಿದೆ ನಡಿಯಲೇ ಎಂದು ಏಕವಚನದಲ್ಲಿ ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ.
-ಬಾಕ್ಸ್‌-
ಆಗಬೇಕು: ಸಚಿವ ಕೃಷ್ಣ ಬೈರೇಗೌಡ