ಹೆಚ್ಚಿನ ಲಾಭದಾಸೆಗೆ 71 ಲಕ್ಷ ರು. ಕಳಕೊಂಡ ಅಕೌಂಟೆಂಟ್‌ !

ಉಡುಪಿ: ಷೇರ್ ಮಾರ್ಕೆಟ್‌ನಲ್ಲಿ ಹಣ ಹೂಡಿಕೆ ಮಾಡಿದರೆ ಅಧಿಕ ಲಾಭಾಂಶ ನೀಡುವುದಾಗಿ ಆಮಿಷವೊಡ್ಡಿ, ಅಕೌಂಟೆಂಟ್ ಒಬ್ಬರಿಗೆ ಬರೋಬ್ಬರಿ 71.74 ರು. ಲಕ್ಷ ವಂಚಿಸಿರುವ ಬಗ್ಗೆ ಉಡುಪಿ ಸೈಬರ್ ಅಪರಾಧ ಠಾಣೆಯಲ್ಲಿ ದಾಖಲಾಗಿದೆ. ಸಿಂಗಾಪುರದಲ್ಲಿ ಅಕೌಂಟೆಂಟ್ ಆಗಿರುವ ಉಡುಪಿ ಮೂಲದ ಮಹೇಶ್ ಶೆಟ್ಟಿಗಾರ್‌ಗೆ ಜ.3ರಂದು ಒಮ್ಮಿಫಿಕ್ಸ್ ಎಂಬ ಹೆಸರಿನಿಂದ ವಾಟ್ಸಪ್ ಮೂಲಕ ಸಂದೇಶ ಬಂದಿದ್ದು ಷೇರ್ ಮಾರ್ಕೆಟ್ ಹೂಡಿಕೆಯಲ್ಲಿ ಹೆಚ್ಚಿನ ಲಾಭಾಂಶ ಕೊಡಿಸುವುದಾಗಿ ನಂಬಿಸಲಾಗಿದೆ. ಅದರಂತೆ ಮಹೇಶ್ ಅವರು ಜ.4ರಿಂದ 18ರವರೆಗೆ ವಿವಿಧ ಬ್ಯಾಂಕ್ ಖಾತೆಗಳಿಗೆ ಬ್ಯಾಂಕ್ ಆಫ್ ಇಂಡಿಯಾದ ಉಡುಪಿ ಶಾಖೆಯ ಖಾತೆ ಮೂಲಕ ಒಟ್ಟು 71.74 ಲಕ್ಷ ರು. ಹಣ ವರ್ಗಾಯಿಸಿದ್ದಾರೆ.