ಡಬ್ಲ್ಯುಪಿಎಲ್‌ 2ನೇ ಆವೃತ್ತಿಗೆ ಗುಜರಾತ್‌ ಜೈಂಟ್ಸ್‌ ಸಜ್ಜು: ಹೊಸ ಜೆರ್ಸಿ ಅನಾವರಣ
ಸಾರಾಂಶ
ಬೆಂಗಳೂರಿನಲ್ಲಿ ಗುಜರಾತ್‌ ಆಟಗಾರು ಈಗಾಗಲೇ ಅಭ್ಯಾಸ ಆರಂಭಿಸಿದ್ದಾರೆ. ಫೆ.25ರಂದು ನಗರದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್‌ ವಿರುದ್ಧ ಗುಜರಾತ್‌ ಜೈಂಟ್ಸ್‌ ತನ್ನ ಅಭಿಯಾನ ಆರಂಭಿಸಲಿದೆ.
ಬೆಂಗಳೂರು: ಬೆಂಗಳೂರಿನಲ್ಲಿ ಆರಂಭವಾಗಲಿರುವ ಡಬ್ಲ್ಯುಪಿಎಲ್‌ ಎರಡನೇ ಆವೃತ್ತಿಗೆ ಮುಂಚಿತವಾಗಿ, ಅದಾನಿ ಸ್ಪೋರ್ಟ್ಸ್ ಲೈನ್‌ ಮಾಲೀಕತ್ವದ ಗುಜರಾತ್‌ ಜೈಂಟ್ಸ್‌ ತಂಡ ಪಂದ್ಯಾವಳಿಗೆ ತನ್ನ ಜರ್ಸಿಯನ್ನು ಅನಾವರಣಗೊಳಿಸುವ ಮೂಲಕ ಸಿದ್ಧತೆ ಪ್ರಾರಂಭಿಸಿದೆ.ಗುಜರಾತ್‌ ಜೈಂಟ್ಸ್‌ ತಂಡದ ಮುಖ್ಯ ಕೋಚ್‌ ಮೈಕೆಲ್‌ ಕ್ಲಿಂಗರ್‌ ಮತ್ತು ಮಿಥಾಲಿ ರಾಜ್‌ ಅವರು ಶುಕ್ರವಾರ ಸಂಜೆ ತರಬೇತಿಗೆ ಮುಂಚಿತವಾಗಿ ತಂಡಕ್ಕೆ ಜರ್ಸಿಯನ್ನು ಉಡುಗೊರೆಯಾಗಿ ನೀಡಿದರು. ಜೈಂಟ್ಸ್‌ ತಂಡವನ್ನು ಆಸ್ಪ್ರೇಲಿಯಾದ ರನ್‌ ಮಷಿನ್‌ ಬೆತ್‌ ಮೂನಿ ಮುನ್ನಡೆಸಲಿದ್ದು, ಭಾರತದ ಆಲ್‌ ರೌಂಡರ್‌ ಸ್ನೇಹ್‌ ರಾಣಾ ಉಪನಾಯಕಿಯಾಗಿದ್ದಾರೆ.ಈ ಋುತುವಿನ ಡಬ್ಲ್ಯುಪಿಎಲ್‌ಗೆ ತಯಾರಿಯಾಗಿ, ಆರೆಂಜ್‌ ಕಿಕ್‌ ಧರಿಸಿದ ತಂಡವು ಉದ್ಯಾನ ನಗರಿ ಬೆಂಗಳೂರಿನಲ್ಲಿ ತಮ್ಮ ತರಬೇತಿಯನ್ನು ಬಹಳ ಉತ್ಸಾಹದಿಂದ ಪ್ರಾರಂಭಿಸಿತು ಮತ್ತು ತಮ್ಮ ಮೊದಲ ಪಂದ್ಯ ಸಮೀಪಿಸುತ್ತಿದ್ದಂತೆ ಕಠಿಣ ಪರಿಶ್ರಮವನ್ನು ಹಾಕುತ್ತಿದೆ. ಫೆಬ್ರವರಿ 25ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್‌ ವಿರುದ್ಧ ಗುಜರಾತ್‌ ಜೈಂಟ್ಸ್‌ ತನ್ನ ಅಭಿಯಾನ ಆರಂಭಿಸಲಿದೆ.ಮೈಕೆಲ್‌ ಕ್ಲಿಂಗರ್‌ ಮುಖ್ಯ ಕೋಚ್‌ ಮತ್ತು ಮಿಥಾಲಿ ರಾಜ್‌ ಮೆಂಟರ್‌ ಮತ್ತು ಸಲಹೆಗಾರರಾಗಿದ್ದರೆ, ಭಾರತದ ಅತ್ಯಂತ ಪ್ರಸಿದ್ಧ ಸ್ಪಿನ್ನರ್‌ಗಳಲ್ಲಿ ಒಬ್ಬರಾದ ನೂಶಿನ್‌ ಅಲ್‌ ಖದೀರ್‌ ಈ ಋುತುವಿನಲ್ಲಿ ತಂಡದ ಬೌಲಿಂಗ್‌ ತರಬೇತುದಾರರಾಗಿದ್ದಾರೆ.ಸಮಾರಂಭದ ಹೊರತಾಗಿ ಮಾತನಾಡಿದ ಮುಖ್ಯ ಕೋಚ್‌ ಮೈಕೆಲ್‌ ಕ್ಲಿಂಗರ್‌, ‘‘ಇದು ಡಬ್ಲ್ಯುಪಿಎಲ್‌ನಲ್ಲಿಹೊಸ ಋುತುವಾಗಿದೆ ಮತ್ತು ನಾವು ಅದರ ಬಗ್ಗೆ ನಿಜವಾಗಿಯೂ ಉತ್ಸುಕರಾಗಿದ್ದೇವೆ. ಆದರೆ ನಮ್ಮ ಅಭಿಮಾನಿಗಳಿಗೆ ಉತ್ತಮ ಪ್ರದರ್ಶನ ನೀಡಲು ನಾವು ತುಂಬಾ ಶ್ರಮಿಸಬೇಕು. ನಮ್ಮ ಆಟಗಾರ್ತಿಯರಿಗಾಗಿ ನಾವು ಕೆಲವು ಯೋಜನೆಗಳನ್ನು ಹೊಂದಿದ್ದೇವೆ ಮತ್ತು ಪ್ರತಿಯೊಬ್ಬರ ಪಾತ್ರಗಳನ್ನು ಸಹ ಚೆನ್ನಾಗಿ ವ್ಯಾಖ್ಯಾನಿಸಲಾಗಿದೆ ಎಂದರು.ಡಬ್ಲ್ಯುಪಿಎಲ್‌ ಮಹಿಳಾ ಕ್ರಿಕೆಟ್‌ಗೆ ಉತ್ತಮ ವೇದಿಕೆಯಾಗಿದೆ ಮತ್ತು ಅದಾನಿ ಸ್ಪೋರ್ಟ್ಸ್ಮನ್‌ ತಂಡವು ನಮ್ಮ ಆರಂಭಿಕ ಪಂದ್ಯಕ್ಕೆ ನಾವು ನಿರ್ಮಿಸುವ ಅಗತ್ಯವಿರುವುದನ್ನು ಬೆಂಬಲಿಸುವ ವಿಷಯದಲ್ಲಿ ಅದ್ಭುತವಾಗಿದೆ. ನಾವು ಸಾಕಷ್ಟು ಯುವ ಮತ್ತು ಹಿರಿಯ ಆಟಗಾರ್ತಿಯರ ಸಾಕಷ್ಟು ಅನುಭವವನ್ನು ಹೊಂದಿರುವ ಸಮತೋಲಿತ ತಂಡವನ್ನು ಹೊಂದಿದ್ದೇವೆ. ನಾವು ಯಾವಾಗಲೂ ನಮ್ಮ ಅತ್ಯುತ್ತಮ ಹೆಜ್ಜೆಯನ್ನು ಮುಂದಿಡಲು ನೋಡುತ್ತಿದ್ದೇವೆ ಎಂದರು.ಗುಜರಾತ್‌ ಜೈಂಟ್ಸ್‌ ತಂಡದ ಸಲಹೆಗಾರ್ತಿ ಮಿಥಾಲಿ ರಾಜ್‌ ಮಾತನಾಡಿ, ಗುಜರಾತ್‌ ಜೈಂಟ್ಸ್‌ಗೆ ಇದು ಒಂದು ಪ್ರಮುಖ ಋುತುವಾಗಿದೆ. ನಮ್ಮ ಎಲ್ಲಾ ಆಟಗಾರರು ಪ್ರತಿ ತರಬೇತಿ ವೇಳೆ ಮತ್ತು ಪ್ರತಿಯೊಂದು ಪಂದ್ಯದಲ್ಲೂ ತಮ್ಮ ಅತ್ಯುತ್ತಮ ಪ್ರದರ್ಶನವನ್ನು ನೀಡಬೇಕು ಮತ್ತು ಅವರಿಗೆ ಅಗತ್ಯವಿರುವ ಎಲ್ಲಾ ಪ್ರಶ್ನೆಗಳನ್ನು ಕೇಳಬೇಕು ಎಂದು ನಾನು ಬಯಸುತ್ತೇನೆ. ಏಕೆಂದರೆ ಸಿದ್ಧತೆಯು ಸರಿಯಾಗ ಮಾರ್ಗದಲ್ಲಿದೆ ಎಂದು ಖಚಿತಪಡಿಸಿಕೊಳ್ಳಲು ಇದು ಉತ್ತಮ ಮಾರ್ಗವಾಗಿದೆ’’ ಎಂದರು.