ಐಪಿಎಲ್‌ ಸರ್ವಕಾಲಿಕ ಶ್ರೇಷ್ಠ ತಂಡಕ್ಕೆ ಧೋನಿ ನಾಯಕ

ನವದೆಹಲಿ: 17ನೇ ಆವೃತ್ತಿಯ ಐಪಿಎಲ್‌ ಮುಂದಿನ ತಿಂಗಳು ಆರಂಭಗೊಳ್ಳಲಿದ್ದು, ಈ ಹಿನ್ನೆಲೆಯಲ್ಲಿ ಈ ಹಿಂದಿನ 16 ಆವೃತ್ತಿಗಳನ್ನು ನೆನಪಿಸಿಕೊಳ್ಳುವ ಸಲುವಾಗಿ ಸ್ಟಾರ್‌ ಸ್ಪೋರ್ಟ್ಸ್‌ ವಾಹಿನಿಯು ಸಾರ್ವಕಾಲಿಕ ಶ್ರೇಷ್ಠ ತಂಡವೊಂದನ್ನು ಪ್ರಕಟಿಸಿದೆ. ಈ ತಂಡಕ್ಕೆ 5 ಬಾರಿ ಪ್ರಶಸ್ತಿ ಗೆದ್ದಿರುವ ಚೆನ್ನೈ ಸೂಪರ್‌ ಕಿಂಗ್ಸ್‌ನ ಎಂ.ಎಸ್‌.ಧೋನಿ ನಾಯಕರಾಗಿ ಆಯ್ಕೆಯಾಗಿದ್ದಾರೆ. ಸಾರ್ವಕಾಲಿಕ ಶ್ರೇಷ್ಠ ತಂಡವನ್ನು ಆಯ್ಕೆ ಮಾಡಲು ಮಾಜಿ ಕ್ರಿಕೆಟಿಗರಾದ ಪಾಕಿಸ್ತಾನದ ವಾಸೀಂ ಅಕ್ರಂ, ದಕ್ಷಿಣ ಆಫ್ರಿಕಾದ ಡೇಲ್‌ ಸ್ಟೇಯ್ನ್‌, ಆಸ್ಟ್ರೇಲಿಯಾದ ಮ್ಯಾಥ್ಯೂ ಹೇಡನ್‌ ಮತ್ತು ಟಾಮ್‌ ಮೂಡಿ ನೇತೃತ್ವದಲ್ಲಿ 70 ಮಂದಿ ಕ್ರೀಡಾ ಪತ್ರಕರ್ತರನ್ನು ಒಳಗೊಂಡಂತೆ ಸಮಿತಿಯೊಂದನ್ನು ರಚಿಸಿತ್ತು. ಆನ್‌ಲೈನ್‌ನಲ್ಲಿ ವೋಟಿಂಗ್‌ ನಡೆಯಿತು.ತಂಡ: ಧೋನಿ (ನಾಯಕ), ಗೇಲ್‌, ವಾರ್ನರ್‌, ರೈನಾ, ವಿಲಿಯರ್ಸ್‌, ಸೂರ್ಯ, ಹಾರ್ದಿಕ್‌, ಜಡೇಜಾ, ಪೊಲ್ಲಾರ್ಡ್‌, ರಶೀದ್‌ ಖಾನ್‌, ನರೈನ್‌, ಚಹಲ್‌, ಮಾಲಿಂಗ, ಬೂಮ್ರಾ. ಶ್ರೇಷ್ಠ ಕೋಚ್‌: ಫ್ಲೆಮಿಂಗ್‌.