7 ಬಾರಿ ಚಾಂಪಿಯನ್ ಭಾರತದ ಪುರುಷರ ತಂಡ ಮತ್ತೆ ಕಬಡ್ಡಿಯಲ್ಲಿ ಪ್ರಾಬಲ್ಯ ಸಾಧಿಸಿದ್ದು, ಅಜೇಯವಾಗಿಯೇ ಸೆಮಿಫೈನಲ್ಗೆ ಲಗ್ಗೆ ಇಟ್ಟಿದೆ. ಗುರುವಾರ ಗುಂಪು ಹಂತದ ಕೊನೆ 2 ಪಂದ್ಯಗಳಲ್ಲೂ ಭಾರತ ಜಯಗಳಿಸಿತು. ಚೈನೀಸ್ ತೈಪೆ ವಿರುದ್ಧ 50-27 ಹಾಗೂ ಜಪಾನ್ ವಿರುದ್ಧ 56-30 ಅಂಕಗಳಿಂದ ಗೆಲುವು ತನ್ನದಾಗಿಸಿಕೊಂಡಿತು. ಇದರೊಂದಿಗೆ ‘ಎ’ ಗುಂಪಿನಿಂದ ಅಗ್ರಸ್ಥಾನಿಯಾದ 2018ರ ಕಂಚು ವಿಜೇತ ಭಾರತ, ಶುಕ್ರವಾರ ಸೆಮಿಫೈನಲ್ನಲ್ಲಿ ಬದ್ಧವೈರಿ ಪಾಕಿಸ್ತಾನ ವಿರುದ್ಧ ಸೆಣಸಾಡಲಿದೆ. ಮಹಿಳೆಯರ ವಿಭಾಗದ ಸೆಮೀಸ್ ಕೂಡಾ ಶುಕ್ರವಾರ ನಡೆಯಲಿದ್ದು, 2 ಬಾರಿ ಚಾಂಪಿಯನ್ ಭಾರತಕ್ಕೆ ನೇಪಾಳದ ಸವಾಲು ಎದುರಾಗಲಿದೆ.
Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.