ಟಿ20 ವಿಶ್ವಕಪ್: ನಿಕೋಲಸ್ ಪೂರನ್ ಅಬ್ಬರಕ್ಕೆ ಆಫ್ಘನ್ ಥಂಡಾ, ವಿಂಡೀಸ್ಗೆ 104 ರನ್ ಜಯ
KannadaprabhaNewsNetwork |
Published : Jun 19, 2024, 01:01 AM IST
ಸಾರಾಂಶ
ಟಿ20 ವಿಶ್ವಕಪ್ನಲ್ಲಿ ಮುಂದುವರಿದ ವೆಸ್ಟ್ಇಂಡೀಸ್ನ ಗೆಲುವಿನ ನಾಗಾಲೋಟ. ನಿಕೋಲಸ್ ಪೂರನ್ ಆರ್ಭಟಕ್ಕೆ ಅಫ್ಘಾನಿಸ್ತಾನ ಕಕ್ಕಾಬಿಕ್ಕಿ. ಅಜೇಯವಾಗಿ ಸೂಪರ್-8ಗೆ ಕಾಲಿಟ್ಟ ವಿಂಡೀಸ್.
ಗ್ರಾಸ್ ಐಲೆಟ್: ನಿಕೋಲಸ್ ಪೂರನ್ರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ದಕ್ಷಿಣ ಆಫ್ರಿಕಾ, ‘ಸಿ’ ಗುಂಪಿನ ಅಂತಿಮ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 104 ರನ್ಗಳ ಬೃಹತ್ ಗೆಲುವು ಸಾಧಿಸಿ, ಗುಂಪು ಹಂತವನ್ನು ಅಜೇಯವಾಗಿ ಮುಕ್ತಾಯಗೊಳಿಸಿದೆ.ಈ ಪಂದ್ಯಕ್ಕೂ ಮೊದಲೇ ಎರಡೂ ತಂಡಗಳು ಸೂಪರ್-8 ಹಂತಕ್ಕೆ ಪ್ರವೇಶಿಸಿದ್ದರಿಂದ ಈ ಪಂದ್ಯ ಹೆಚ್ಚಾಗಿ ಮಹತ್ವ ಪಡೆದಿರಲಿಲ್ಲ. ಆದರೂ, ಸೂಪರ್-8ಗೆ ಕಾಲಿಡುವ ಮುನ್ನ ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಲು ಎರಡೂ ತಂಡಗಳು ಉತ್ಸುಕಗೊಂಡಿದ್ದವು.
ಸ್ಕೋರ್: ವಿಂಡೀಸ್ 20 ಓವರಲ್ಲಿ 218/5 (ಪೂರನ್ 98, ಚಾರ್ಲ್ಸ್ 43, ನೈಬ್ 2-14), ಆಫ್ಘನ್ 16.2 ಓವರಲ್ಲಿ 114/10 (ಇಬ್ರಾಹಿಂ 38, ಅಜ್ಮತುಲ್ಲಾ 23, ಮೆಕಾಯ್ 3-14) ಪಂದ್ಯಶ್ರೇಷ್ಠ: ಪೂರನ್ಒಂದೇ ಓವರಲ್ಲಿ 36 ರನ್!
ವಿಂಡೀಸ್ನ ಇನ್ನಿಂಗ್ಸ್ನ 4ನೇ ಓವರಲ್ಲಿ ಅಜ್ಮತುಲ್ಲಾ ಒಮರ್ಝಾಯ್ 36 ರನ್ ಬಿಟ್ಟುಕೊಟ್ಟರು. ಇದು ಅಂ.ರಾ.ಟಿ20 ಕ್ರಿಕೆಟ್ನ ಓವರ್ವೊಂದರಲ್ಲಿ ದಾಖಲಾದ ಜಂಟಿ ಗರಿಷ್ಠ ಮೊತ್ತ. ಒಮರ್ಝಾಯ್ ಆ ಓವರಲ್ಲಿ ಕ್ರಮವಾಗಿ 6, 5 ನೋಬಾಲ್, 5 ವೈಡ್, 0, 4 ಲೆಗ್ಬೈ, 4, 6, 6 ರನ್ ಬಿಟ್ಟುಕೊಟ್ಟರು. 2007ರ ಟಿ20 ವಿಶ್ವಕಪ್ನಲ್ಲಿ ಇಂಗ್ಲೆಂಡ್ನ ಸ್ಟುವರ್ಟ್ ಬ್ರಾಡ್ರ ಓವರಲ್ಲಿ ಯುವರಾಜ್ ಸಿಂಗ್ 6 ಸಿಕ್ಸರ್ ಸಿಡಿಸಿ 36 ರನ್ ಚಚ್ಚಿದ್ದರು.92 ರನ್ವಿಂಡೀಸ್ ಪವರ್-ಪ್ಲೇನಲ್ಲಿ 92 ರನ್ ಕಲೆಹಾಕಿತು. ಇದು ಟಿ20 ವಿಶ್ವಕಪ್ ಇತಿಹಾಸದಲ್ಲೇ ಮೊದಲ 6 ಓವರಲ್ಲಿ ದಾಖಲಾದ ಗರಿಷ್ಠ ರನ್.
Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.