ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್: ಸಾತ್ವಿಕ್-ಚಿರಾಗ್ ಫೈನಲ್ಗೆ
KannadaprabhaNewsNetwork |
Published : May 19, 2024, 01:53 AM ISTUpdated : May 19, 2024, 04:14 AM IST
ಸಾರಾಂಶ
ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಡಬಲ್ಸ್ ಫೈನಲ್ಗೆ ಲಗ್ಗೆಯಿಟ್ಟ ಸಾತ್ವಿಕ್ ಸಾಯಿರಾಜ್-ಚಿರಾಗ್ ಶೆಟ್ಟಿ. ಈ ವರ್ಷದ 2ನೇ ಪ್ರಶಸ್ತಿ ನಿರೀಕ್ಷೆಯಲ್ಲಿ ಭಾರತದ ತಾರಾ ಜೋಡಿ.
ಬ್ಯಾಂಕಾಕ್: ಭಾರತದ ತಾರಾ ಪುರುಷ ಡಬಲ್ಸ್ ಜೋಡಿ ಸಾತ್ವಿಕ್-ಚಿರಾಗ್ ಶೆಟ್ಟಿ ಥಾಯ್ಲೆಂಡ್ ಓಪನ್ ಸೂಪರ್ 500 ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದೆ.
ಏಷ್ಯನ್ ಗೇಮ್ಸ್ ಚಿನ್ನ ವಿಜೇತ ಭಾರತೀಯ ಜೋಡಿ, ಶನಿವಾರ ನಡೆದ ಸೆಮಿಫೈನಲ್ನಲ್ಲಿ ಚೈನೀಸ್ ತೈಪೆಯ ಲು ಮಿಂಗ್ ಚೆ ಹಾಗೂ ಟಾಂಗ್ ಕಾಯ್ ವೀ ವಿರುದ್ಧ 21-11, 21-12ರಲ್ಲಿ ಗೆಲುವು ಸಾಧಿಸಿತು.
ಫೈನಲ್ನಲ್ಲಿ ವಿಶ್ವ ನಂ.3 ಸಾತ್ವಿಕ್-ಚಿರಾಗ್ಗೆ ಚೀನಾದ ಚೆನ್ ಯಾಂಗ್-ಲು ಯಿ ಸವಾಲು ಎದುರಾಗಲಿದೆ. ಈ ವರ್ಷ ಫ್ರೆಂಚ್ ಓಪನ್ ಚಾಂಪಿಯನ್ ಆಗಿರುವ ಭಾರತೀಯ ಜೋಡಿ 2ನೇ ಪ್ರಶಸ್ತಿ ಗೆಲ್ಲುವ ನಿರೀಕ್ಷೆಯಲ್ಲಿದೆ.ಇದೇ ವೇಳೆ ಮಹಿಳಾ ಡಬಲ್ಸ್ನಲ್ಲಿ ಅಶ್ವಿನಿ ಪೊನ್ನಪ್ಪ-ತನಿಶಾ ಕ್ರಾಸ್ಟೊಜೋಡಿ ಥಾಯ್ಲೆಂಡ್ನ ಜೊಂಗ್ಕೊಲ್ಫನ್-ರವಿಂಡಾ ಪ್ರಜೊಂಗ್ಜಯ್ ವಿರುದ್ಧ 12-20 20-22ರಲ್ಲಿ ಸೋಲುಂಡಿತು.
Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.