ಸ್ನೂಕರ್ 900 ಕ್ವಾಲಿಫೈಯರ್‌: ಭಾರತೀಯ ಸ್ನೂಕರ್‌ ಪ್ರತಿಭೆಗಳಿಗೆ ವೇದಿಕೆ ಕಲ್ಪಿಸಿದ ಹೇಬಾಲ್‌ ಅಕಾಡೆಮಿ

ಬೆಂಗಳೂರು: ಭಾರತದ ಅಧಿಕೃತವಾಗಿ ಮಾನ್ಯತೆ ಪಡೆದ ಮೊದಲ ಸ್ನೂಕರ್ 900 ಕ್ವಾಲಿಫೈಯರ್‌ಗೆ ಇತ್ತೀಚೆಗೆ ಬೆಂಗಳೂರು ಆತಿಥ್ಯ ವಹಿಸಿತ್ತು. ನಗರದ ಹೇಬಾಲ್‌ ಅಕಾಡೆಮಿಯಲ್ಲಿ ಸೆ.15ರಿಂದ 18ರ ವರೆಗೆ ಪಂದ್ಯಗಳು ನಡೆದವು.ಫೈನಲ್‌ನಲ್ಲಿ ಆರವ್ ಸಂಚೇತಿ ಅವರನ್ನು ಸೋಲಿಸಿದ ಬೆಂಗಳೂರಿನ 30 ವರ್ಷದ ಶೇಖ್ ನಜೀಬ್ ಅಹ್ಮದ್, ಉದ್ಘಾಟನಾ ಆವೃತ್ತಿಯ ವಿಜೇತರಾಗಿ ಹೊರಹೊಮ್ಮಿದರು. ಈ ಕ್ವಾಲಿಫೈಯರ್‌ನಲ್ಲಿ ಅನುಭವಿ ಸ್ಪರ್ಧಿಗಳು ಮತ್ತು ಉದಯೋನ್ಮುಖ ಸ್ನೂಕರ್‌ಗಳು ಸೇರಿದಂತೆ 32 ಭಾರತೀಯ ಆಟಗಾರರು ಭಾಗವಹಿಸಿದರು. ಈ ಗೆಲುವಿನೊಂದಿಗೆ ನಜೀಬ್‌ ಅಹ್ಮದ್ ನವೆಂಬರ್ 16-18ಕ್ಕೆ ಯುಕೆಯ ಕ್ರೂಸಿಬಲ್ ರೀಡಿಂಗ್‌ನಲ್ಲಿ ಸ್ಪರ್ಧಿಸಲು ಅರ್ಹತೆ ಪಡೆದರು. ಯುಕೆಯಲ್ಲಿ ನಡೆಯುವ ಅವರ ಪಂದ್ಯಗಳು ಯುಕೆಯ ಪ್ಲುಟೊ ಟಿವಿ (Pluto TV)ಯಲ್ಲಿ ನೇರ ಪ್ರಸಾರವಾಗಲಿದ್ದು, ಭಾರತೀಯ ಸ್ನೂಕರ್ ಪ್ರತಿಭೆಗೆ ಅಂತಾರಾಷ್ಟ್ರೀಯ ವೇದಿಕೆಯನ್ನು ಒದಗಿಸುತ್ತದೆ.ಭಾರತೀಯ ಆಟಗಾರರಿಗೆ ಅಕಾಡೆಮಿ ಮಟ್ಟದ ತರಬೇತಿ ಮತ್ತು ದೇಶೀಯ ಸ್ಪರ್ಧೆಯಿಂದ ಅಂತಾರಾಷ್ಟ್ರೀಯ ಮಾನ್ಯತೆಯವರೆಗೆ ಬಲವಾದ ಹಾದಿಯನ್ನು ಸೃಷ್ಟಿಸುವ ಗುರಿಯನ್ನು ಈ ಉಪಕ್ರಮವು ಹೊಂದಿದೆ.