ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಂ: ಜೋಕೋವಿಚ್ ಶುಭಾರಂಭ
KannadaprabhaNewsNetwork |
Published : Aug 28, 2024, 12:51 AM IST
ಸಾರಾಂಶ
ಹಾಲಿ ಚಾಂಪಿಯನ್ ಜೋಕೋಗೆ ಸುಲಭ ಜಯ. 25ನೇ ಗ್ರ್ಯಾನ್ ಸ್ಲಾಂ ಪ್ರಶಸ್ತಿ ಗೆಲ್ಲುವ ನಿರೀಕ್ಷೆಯಲ್ಲಿರುವ ಜೋಕೋವಿಚ್. ಮಹಿಳಾ ಸಿಂಗಲ್ಸ್ನ ಹಾಲಿ ಚಾಂಪಿಯನ್ ಕೊಕೊ ಗಾಫ್ ಕೂಡ ಶುಭಾರಂಭ.
ನ್ಯೂಯಾರ್ಕ್: 25ನೇ ಗ್ರ್ಯಾನ್ ಸ್ಲಾಂ ಟ್ರೋಫಿ ಗೆಲ್ಲುವ ನಿರೀಕ್ಷೆಯಲ್ಲಿರುವ ಸರ್ಬಿಯಾದ ಟೆನಿಸ್ ದೊರೆ ನೋವಾಕ್ ಜೋಕೋವಿಚ್, ಯುಎಸ್ ಓಪನ್ನಲ್ಲಿ ಶುಭಾರಂಭ ಮಾಡಿದ್ದಾರೆ. ಹಾಲಿ ಚಾಂಪಿಯನ್ ಜೋಕೋವಿಚ್, ಪುರುಷರ ಸಿಂಗಲ್ಸ್ನ ಮೊದಲ ಸುತ್ತಿನ ಪಂದ್ಯದಲ್ಲಿ ಮಾಲ್ಡೋವಾದ ರಾಡು ಅಲ್ಬೊಟ್ ವಿರುದ್ಧ 6-2, 6-2, 6-2 ನೇರ ಸೆಟ್ಗಳಲ್ಲಿ ಸುಲಭ ಗೆಲುವು ಸಾಧಿಸಿದರು.
ಇದೇ ವೇಳೆ ಮಹಿಳಾ ಸಿಂಗಲ್ಸ್ನಲ್ಲಿ ಹಾಲಿ ಚಾಂಪಿಯನ್, ಅಮೆರಿಕದ ಕೊಕೊ ಗಾಫ್ ಸಹ ಮೊದಲ ಸುತ್ತಿನಲ್ಲಿ ಸುಲಭ ಗೆಲುವಿನೊಂದಿಗೆ 2ನೇ ಸುತ್ತಿಗೇರಿದ್ದಾರೆ. ಕೊಕೊಗೆ ಫ್ರಾನ್ಸ್ನ ವರ್ವಾರಾ ಗ್ರಚೆವಾ ವಿರುದ್ಧ 6-2, 6-0 ಸೆಟ್ಗಳಲ್ಲಿ ಜಯ ದೊರೆಯಿತು. ಸುಮಿತ್ ನಗಾಲ್ ಔಟ್
ಪುರುಷರ ಸಿಂಗಲ್ಸ್ನ ಪ್ರಧಾನ ಸುತ್ತಿಗೆ ನೇರ ಅರ್ಹತೆ ಪಡೆದಿದ್ದ ಭಾರತದ ಸುಮಿತ್ ನಗಾಲ್, ಮೊದಲ ಸುತ್ತಿನಲ್ಲೇ ಸೋತು ಹೊರಬಿದ್ದಿದ್ದಾರೆ. ನೆದರ್ಲೆಂಡ್ಸ್ನ ಟ್ಯಾಲೊನ್ ಗ್ರೀಕ್ಸ್ಪೂರ್ ವಿರುದ್ಧ 1-6, 3-6, 6-7 ಸೆಟ್ಗಳಲ್ಲಿ ಸೋಲುಂಡರು.Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.