ಮಹಿಳಾ ಏಷ್ಯಾಕಪ್ ಟಿ 20: ಇಂದು ಭಾರತ vs ಲಂಕಾ ಫೈನಲ್ : 5 ಬಾರಿ ಶ್ರೀಲಂಕಾ ಸೋಲಿಸಿರುವ ಭಾರತ
ಸಾರಾಂಶ
ದಾಖಲೆಯ 8ನೇ ಟ್ರೋಫಿ ಮೇಲೆ ಭಾರತದ ಕಣ್ಣು. ಫೈನಲ್ನಲ್ಲೇ 5 ಬಾರಿ ಶ್ರೀಲಂಕಾವನ್ನು ಸೋಲಿಸಿರುವ ಭಾರತ ತಂಡ. 6ನೇ ಬಾರಿಯಾದರೂ ಟ್ರೋಫಿ ಗೆಲ್ಲುತ್ತಾ ಶ್ರೀಲಂಕಾ?
ದಾಂಬುಲಾ: ಮಹಿಳಾ ಏಷ್ಯಾಕಪ್ನಲ್ಲಿ ದಾಖಲೆಯ 8ನೇ ಟ್ರೋಫಿ ಮೇಲೆ ಕಣ್ಣಿಟ್ಟಿರುವ ಟೀಂ ಇಂಡಿಯಾ, ಭಾನುವಾರ 9ನೇ ಆವೃತ್ತಿ ಫೈನಲ್ನಲ್ಲಿ ಆತಿಥೇಯ ಶ್ರೀಲಂಕಾ ವಿರುದ್ಧ ಸೆಣಸಾಡಲಿದೆ. ಲಂಕಾ ತಂಡ ಚೊಚ್ಚಲ ಬಾರಿ ಚಾಂಪಿಯನ್ ಎನಿಸಿಕೊಳ್ಳುವ ಕಾತರದಲ್ಲಿದೆ.
ಟೂರ್ನಿಯುದ್ದಕ್ಕೂ ಎದುರಾಳಿ ತಂಡಗಳ ಮೇಲೆ ಪ್ರಾಬಲ್ಯ ಸಾಧಿಸಿರುವ ಭಾರತ ‘ಎ’ ಗುಂಪಿನಲ್ಲಿ ಅಗ್ರಸ್ಥಾನಿಯಾಗಿ ನಾಕೌಟ್ಗೇರಿತ್ತು. ಸೆಮಿಫೈನಲ್ನಲ್ಲಿ 2018ರ ಚಾಂಪಿಯನ್ ಬಾಂಗ್ಲಾದೇಶವನ್ನು ಸೋಲಿಸಿ ಫೈನಲ್ಗೇರಿದೆ.
ಅತ್ತ ಲಂಕಾ ಕೂಡಾ ‘ಬಿ’ ಗುಂಪಿನ ಎಲ್ಲಾ 3 ಪಂದ್ಯಗಳಲ್ಲಿ ಗೆದ್ದು, ಸೆಮಿಫೈನಲ್ನಲ್ಲಿ ಪಾಕಿಸ್ತಾನಕ್ಕೆ ಸೋಲುಣಿಸಿತ್ತು.ಭಾರತ 2004ರಿಂದ ಈ ವರೆಗೂ ಎಲ್ಲಾ 9 ಆವೃತ್ತಿಗಳಲ್ಲೂ ಫೈನಲ್ಗೇರಿದೆ. ಈ ಹಿಂದಿನ 8 ಆವೃತ್ತಿಗಳ ಪೈಕಿ 7ರಲ್ಲಿ ಚಾಂಪಿಯನ್ ಆಗಿದೆ.
2004, 2005, 2006, 2008 ಹಾಗೂ 2022ರಲ್ಲಿ ಶ್ರೀಲಂಕಾ ವಿರುದ್ಧವೇ ಫೈನಲ್ನಲ್ಲಿ ಗೆದ್ದು ಟ್ರೋಫಿ ತನ್ನದಾಗಿಸಿಕೊಂಡಿದೆ. ಹೀಗಾಗಿ ಈ ಬಾರಿಯೂ ಟ್ರೋಫಿ ಗೆಲ್ಲುವ ಫೇವರಿಟ್ ಎನಿಸಿಕೊಂಡಿದೆ. ಅತ್ತ ಲಂಕಾ ತಂಡ 6ನೇ ಪ್ರಯತ್ನದಲ್ಲಾದರೂ ಭಾರತವನ್ನು ಫೈನಲ್ನಲ್ಲಿ ಸೋಲಿಸಿ ಚೊಚ್ಚಲ ಪ್ರಶಸ್ತಿ ಎತ್ತಿ ಹಿಡಿಯುವ ಕಾತರದಲ್ಲಿದೆ.ಪಂದ್ಯ: ಮಧ್ಯಾಹ್ನ 3 ಗಂಟೆಗೆ
ನೇರಪ್ರಸಾರ: ಸ್ಟಾರ್ಸ್ಪೋರ್ಟ್ಸ್, ಹಾಟ್ಸ್ಟಾರ್
09ನೇ ಬಾರಿ: ಭಾರತ 9ನೇ ಬಾರಿ ಏಷ್ಯಾಕಪ್ ಫೈನಲ್ನಲ್ಲಿ ಆಡುತ್ತಿದೆ. ಈ ಪೈಕಿ 2018ರಲ್ಲಿ ಮಾತ್ರ ಫೈನಲ್ನಲ್ಲಿ ಸೋತಿತ್ತು.