ಪತ್ನಿಗೆ ಮುತ್ತಿಕ್ಕಲು ಭಾಷಣ ಅರ್ಧಕ್ಕೇ ನಿಲ್ಲಿಸಿದ ಟ್ರಂಪ್‌!

ವಾಷಿಂಗ್ಟನ್‌: ಡೊನಾಲ್ಡ್‌ ಟ್ರಂಪ್‌ ತಮ್ಮ ವಿಜಯ ಭಾಷಣ ಮಾಡುವ ವೇಳೆ, ಭಾಷಣವನ್ನು ಅರ್ಧದಲ್ಲೇ ನಿಲ್ಲಿಸಿ ತನ್ನ ಪತ್ನಿ ಮೆಲಾನಿಯಾ ಟ್ರಂಪ್‌ ಅವರಿಗೆ ಚುಂಬಿಸಿದ ಪ್ರಸಂಗ ನಡೆಯಿತು.

ಹೌದು..! ಟ್ರಂಪ್‌ ಗೆಲುವಿನ ಭಾಷಣ ಮಾಡುವ ವೇಳೆ ತಮಗೆ ಬೆಂಬಲಿಸಿದವರಿಗೆ ಕೃತಜ್ಞತೆ ತಿಳಿಸುವ ವೇಳೆ ತನ್ನ ಪತ್ನಿಯ ಬಗ್ಗೆ ಭಾಷಣ ಶುರು ಮಾಡಿದ್ದರು. ಈ ವೇಳೆ ಭಾಷಣವನ್ನು ಅರ್ಧದಲ್ಲೇ ನಿಲ್ಲಿಸಿ ವೇದಿಕೆ ಮೇಲೆ ನಿಂತಿದ್ದ ಮೆಲಾನಿಯಾ ಅವರ ಬಳಿ ಹೋಗಿ ಟ್ರಂಪ್‌ ಚುಂಬಿಸಿದರು. ನಂತರ ಬಂದು ತಮ್ಮ ಭಾಷಣವನ್ನು ಮುಂದುವರೆಸಿದರು.

==

4 ವರ್ಷ ‘ವನವಾಸ’ದಿಂದ ಟ್ರಂಪ್‌ ಪುಟಿದೇಳಲು ಕಾರಣ ಇವು..- ವಲಸೆ ವಿರೋಧಿ ನೀತಿ, ಬಲಪಂಥೀಯ ಧೋರಣೆ, ಇರಾನ್‌, ರಷ್ಯಾ ವಿರುದ್ಧ ಕಠಿಣ ನಿಲುವುವಾಷಿಂಗ್ಟನ್: 4 ವರ್ಷ ಹಿಂದೆ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್‌ ಟ್ರಂಪ್ ಸೋತಾಗ ಅವರು ಇನ್ನು ಮೇಲೇಳುವುದು ಅಸಾಧ್ಯ ಎಂದು ಹಲವರು ಅಂದುಕೊಂಡಿದ್ದುಂಟು. ಆದರೆ ಎಲ್ಲರ ನಿರೀಕ್ಷೆ ಮೀರಿ ಟ್ರಂಪ್ ಗೆದ್ದಿದ್ದಾರೆ. ಅದಕ್ಕೆ ಕಾರಣ ಇಲ್ಲಿವೆ.- ಡೊನಾಲ್ಡ್‌ ಟ್ರಂಪ್‌ ಅವರು ವಲಸೆ ವಿರೋಧಿ ನೀತಿ ಹೊಂದಿದ್ದು ಅಕ್ರಮ ವಲಸಿಗರನ್ನು ನಿಯಂತ್ರಿಸುವ ನೀತಿ ಪ್ರಕಟಿಸುವುದಾಗಿ ಹೇಳಿದ್ದರು. ಇದು ಅವರಿಗೆ ವರದಾನ ಆಗಿದ್ದು, ಅಮೆರಿಕನ್ನರು ಭಾರಿ ಸಂಖ್ಯೆಯಲ್ಲಿ ಅವರಿಗೆ ಮತ ಚಲಾಯಿಸಿದ್ದಾರೆ- ಅಮೆರಿಕದ ಆರ್ಥಿಕತೆ ಬೈಡೆನ್‌ ಅವಧಿಯಲ್ಲಿ ಹಾಳಾಗಿದೆ ಎಂದು ಟ್ರಂಪ್‌ ಪ್ರಚಾರ ಮಾಡಿ, ತಮ್ಮ ಅವಧಿಯ ಆರ್ಥಿಕತೆಯ ಅಂಕಿ ಅಂಶ ಉಲ್ಲೇಖಿಸಿದ್ದರು. ಇದು ಅವರಿಗೆ ಪ್ಲಸ್ ಪಾಯಿಂಟ್‌ ಆಗಿದೆ.- ಇಸ್ರೇಲ್‌-ಹಮಾಸ್‌-ಹಿಜ್ಬುಲ್ಲಾ ಯುದ್ಧ ಹಾಗೂ ರಷ್ಯಾ-ಉಕ್ರೇನ್‌ ಯುದ್ಧ ವಿಚಾರದಲ್ಲಿ ಅವರು ಇಸ್ರೇಲ್‌ ಹಾಗೂ ಉಕ್ರೇನ್‌ ಪರ ತಳೆದ ನಿಲುವು ಅವರಿಗೆ ವರವಾಗಿದೆ. ಕಮಲಾ ಹ್ಯಾರಿಸ್‌ ಇಸ್ರೇಲ್‌ ವಿರೋಧಿ ಎಂದೂ ಟ್ರಂಪ್‌ ಪ್ರಚಾರ ಮಾಡಿದ್ದುಂಟು. ಹೀಗಾಗಿ ಇಸ್ರೇಲ್‌ ಮೂಲದವರು ಟ್ರಂಪ್‌ಗೆ ಹೆಚ್ಚು ಮತ ಹಾಕಿದ್ದಾರೆ- ಟ್ರಂಪ್‌ ಅವರ ಹತ್ಯೆಗೆ ಚುನಾವಣೆ ವೇಳೆ 2 ಬಾರಿ ಯತ್ನ ನಡೆದವು. ಇವು ಅವರಿಗೆ ಅನುಕಂಪದ ಮತ ಬರಲು ಕಾರಣವಾಯಿತು.- ಟ್ರಂಪ್ ಅವರು ಬಲಪಂಥೀಯ ನಿಲುವು ತಳೆದು ಹಿಂದೂಗಳ ಪರ ಹೆಚ್ಚು ಮಾತನಾಡಿದರು ಹಾಗೂ ಕಮಲಾ ಎಡಪಂಥೀಯ ಮಹಿಳೆ ಎಂದು ಪ್ರಚಾರ ಮಾಡಿದರು. ಇದು ಕಮಲಾ ಭಾರತೀಯರಾದರೂ, ಭಾರತೀಯ ಮೂಲದವರು ಟ್ರಂಪ್‌ ಪರ ಹೆಚ್ಚು ಮತ ಹಾಕಲು ಕಾರಣವಾಯಿತು.- ಬೈಡೆನ್‌ ಅವರಿಗೆ ವಯಸ್ಸಾದ ಕಾರಣ ಅವರು ಕೊನೇ ಕ್ಷಣದಲ್ಲಿ ಸ್ಪರ್ಧೆಯಿಂದ ಹಿಂದೆ ಸರಿದರು ಹಾಗೂ ಕಮಲಾ ಹ್ಯಾರಿಸ್‌ ಕೊನೇ ಕ್ಷಣದಲ್ಲಿ ಟ್ರಂಪ್‌ ವಿರುದ್ಧ ಸ್ಪರ್ಧೆಗೆ ನಿಂತರು. ಕಮಲಾಗೆ ಸಿದ್ಧತೆಗೆ ಸಾಕಷ್ಟು ಸಮಯ ಸಿಗದೇ ಇದ್ದುದೂ ಟ್ರಂಪ್ ಜಯಕ್ಕೆ ಕಾರಣ.