ನಮ್ಮ ಪಕ್ಷ ಗೆದ್ರೆ 5000 ಡಾಲರ್ ದುಡ್ಡು: ಈಗ ಟ್ರಂಪ್ ಗ್ಯಾರಂಟಿ!
;Resize=(412,232))
ಸಾರಾಂಶ
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಇದೀಗ ಹೊಸ ‘ಗ್ಯಾರಂಟಿ’ಯೊಂದನ್ನು ಘೋಷಿಸಿದ್ದಾರೆ. ನವೆಂಬರ್ನಲ್ಲಿ ನಡೆಯಲಿರುವ ಅಮೆರಿಕ ಕಾಂಗ್ರೆಸ್ (ಸಂಸತ್) ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷವು ಮೇಲ್ಮನೆ ಮತ್ತು ಕೆಳಮನೆಯಲ್ಲಿ ಬಹುಮತಗಳಿಸಿದರೆ ಅಮೆರಿಕದ ಪ್ರತಿಯೊಬ್ಬ ವಯಸ್ಕರಿಗೂ 5 ಸಾವಿರ ಡಾಲರ್ (4.77 ಲಕ್ಷ ರು.) ನೀಡುವುದಾಗಿ ಪ್ರಕಟಿಸಿದ್ದಾರೆ.
ವಾಷಿಂಗ್ಟನ್: ಕರ್ನಾಟಕ ಸೇರಿದಂತೆ ಭಾರತದ ಚುನಾವಣೆಗಳ ಮಾದರಿಯಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಇದೀಗ ಹೊಸ ‘ಗ್ಯಾರಂಟಿ’ಯೊಂದನ್ನು ಘೋಷಿಸಿದ್ದಾರೆ. ನವೆಂಬರ್ನಲ್ಲಿ ನಡೆಯಲಿರುವ ಅಮೆರಿಕ ಕಾಂಗ್ರೆಸ್ (ಸಂಸತ್) ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷವು ಮೇಲ್ಮನೆ ಮತ್ತು ಕೆಳಮನೆಯಲ್ಲಿ ಬಹುಮತಗಳಿಸಿದರೆ ಅಮೆರಿಕದ ಪ್ರತಿಯೊಬ್ಬ ವಯಸ್ಕರಿಗೂ 5 ಸಾವಿರ ಡಾಲರ್ (4.77 ಲಕ್ಷ ರು.) ನೀಡುವುದಾಗಿ ಪ್ರಕಟಿಸಿದ್ದಾರೆ.
ಕಾರ್ಪೊರೇಟ್ ಕಂಪನಿಯೊಂದು ಷೇರುದಾರರಿಗೆ ನೀಡುವ ಲಾಭಾಂಶದ ರೂಪದಲ್ಲಿ ಈ ಹಣ ಪಾವತಿಸುವುದಾಗಿ ಟ್ರಂಪ್ ಗುರುವಾರ ಹೇಳಿಕೊಂಡಿದ್ದಾರೆ.
ಆದರೆ ಬಳಿಕ ಈ ಕುರಿತು ಸ್ಪಷ್ಟನೆ ನೀಡಿರುವ ಉಪಾಧ್ಯಕ್ಷ ಜೆ.ಡಿ.ವ್ಯಾನ್ಸ್ ಅವರು, ‘ಈ ಹಣ ಶ್ರೀಮಂತರಿಗೆ ನೀಡುವುದಿಲ್ಲ. ಜತೆಗೆ, ಅಮೆರಿಕವು ವಿಧಿಸುವ ಸುಂಕದ ಮೂಲಕ ಸಂಗ್ರಹಿಸಿದ ಆದಾಯದಿಂದ ಪಾವತಿಸಲಾಗುವುದು’ ಎಂದಿದ್ದಾರೆ. ಆದರೆ, ಟ್ರಂಪ್ ಘೋಷಿಸಿರುವ 5 ಸಾವಿರ ಡಾಲರ್ ಕೊಡುಗೆಯ ಒಟ್ಟಾರೆ ಮೊತ್ತ ಸುಂಕದ ಆದಾಯವನ್ನೂ ಮೀರಲಿದೆ ಎಂದು ಹೇಳಲಾಗಿದೆ.
ಹಣ ಹೊಂದಿಕೆ ಕಷ್ಟ:
ಟ್ರಂಪ್ ಈ ಘೋಷಣೆ ನಿಜವಾಗಿಯೂ ಕಾರ್ಯರೂಪಕ್ಕೆ ಬಂದರೆ ಅಮೆರಿಕದ ಖಜಾನೆಗೆ 95 ಲಕ್ಷ ಕೋಟಿ ರು. ಹೊರೆಬೀಳಲಿದೆ. ಈಗಾಗಲೇ ಅಮೆರಿಕವು 171 ಲಕ್ಷ ಕೋಟಿ ರು.ನಷ್ಟು ವಾರ್ಷಿಕ ಬಜೆಟ್ ಕೊರತೆ ಎದುರಿಸುತ್ತಿದೆ.
ಅಮೆರಿಕದ ರಾಷ್ಟ್ರೀಯ ಸಾಲವು ಇದೇ ಮೊದಲ ಬಾರಿಗೆ ₹3,81,600 ಲಕ್ಷ ಕೋಟಿ ತಲುಪಿದೆ. ಇದೀಗ ಪ್ರತಿ ವ್ಯಕ್ತಿಗೂ 5 ಸಾವಿರ ಡಾಲರ್ ನೀಡುವ ಘೋಷಣೆಯಿಂದ ಬಜೆಟ್ ಮೇಲಿನ ಹೊರೆ ಮತ್ತಷ್ಟು ಏರಿಕೆಯಾಗಲಿದೆ ಎಂದು ಹೇಳಲಾಗಿದೆ.
ಅಮೆರಿಕದಲ್ಲಿ ಗ್ಯಾರಂಟಿ ಭರಾಟೆ:
ಇತ್ತೀಚೆಗೆ ನ್ಯೂಯಾರ್ಕ್ ಮೇಯರ್ ಸ್ಥಾನಕ್ಕೆ ಚುನಾವಣೆ ನಡೆದಾಗ ಮೇಯರ್ ಅಭ್ಯರ್ಥಿ ಮಮ್ದಾನಿ ಕೆಲವು ಪುಕ್ಕಟೆ ಭರವಸೆ ನೀಡಿದ್ದರು. ಇದೀಗ ಟ್ರಂಪ್ ಆ ಹಾದಿ ಹಿಡಿದಿದ್ದಾರೆ.