ದಲಿತ ಸಂಘರ್ಷ ಸಮಿತಿಯ ನೂತನ ತಾಲೂಕು ಘಟಕ ಅಸ್ತಿತ್ವಕ್ಕೆ: ದಾಸಪ್ಪ ಮಾಡಾಳು

ಸುದ್ದಿಗೋಷ್ಠಿ । ಘಟಕದ ನೂತನ ಅಧ್ಯಕ್ಷ ಮಾಹಿತಿ । ನೂತನ ಪದಾಧಿಕಾರಿಗಳ ಆಯ್ಕೆಕನ್ನಡಪ್ರಭ ವಾರ್ತೆ ಅರಸೀಕೆರೆ

ನಗರದಲ್ಲಿ ಆಯೋಜಿಸಲಾಗಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ಜಿಲ್ಲಾ ಘಟಕದ ಅಧ್ಯಕ್ಷ ವಿ.ಆರ್ ಪ್ರಕಾಶ್, ವಿಭಾಗೀಯ ಸಂಚಾಲಕ ಜಾಜೂರು ಬಾಸ್ಕರ್ ಮತ್ತು ಸಂಘಟನಾ ಸಂಚಾಲಕ ಗೋವಿಂದರಾಜು ಹೊಸೂರು, ಇವರು ಅರಸೀಕೆರೆ ತಾಲೂಕು ನೂತನ ಘಟಕದೊಂದಿಗೆ ಪದಾಧಿಕಾರಿಗಳನ್ನು ಆಯ್ಕೆ ಮಾಡಿ ಘೋಷಣೆ ಮಾಡಿದ್ದಾರೆ. ಗೌರವ ಅಧ್ಯಕ್ಷರಾಗಿ ರಂಗಪ್ಪ ಚಲ್ಲಾಪುರ, ಉಪಾಧ್ಯಕ್ಷರಾಗಿ ಮಂಜುನಾಥ್ ಮಲ್ಲದೇವಿಹಳ್ಳಿ, ಕಾರ್ಯದರ್ಶಿ ಕೊಟ್ರೇಶ್ ನರಸೀಪುರ, ಕಸಬಾ ಹೋಬಳಿ ಕುಮಾರ್ ತುಬೀನಕೆರೆ, ಬಾಣಾವರ ಹೋಬಳಿ ರಾಮಸ್ವಾಮಿ, ಜಾವಗಲ್ ಹೋಬಳಿ ಕಾಂತರಾಜು, ಬಸವರಾಜು ಉಂಡಿಗನಾಳು, ಗಂಡಸಿ ಹೋಬಳಿ ನಂಜೇಶ ನಾಗರಾಳು ಮತ್ತು ಕಣಕಟ್ಟೆ ಹೋಬಳಿ ಚನ್ನಬಸಪ್ಪ ಶಶಿವಾಳ ಇವರನ್ನು ಹೋಬಳಿ ಸಂಚಾಲಕರನ್ನಾಗಿ ಆಯ್ಕೆ ಮಾಡಲಾಗಿದೆ.

ನೂತನ ಉಪಾಧ್ಯಕ್ಷ ಮಂಜುನಾಥ ಮಲ್ಲದೇವಿಹಳ್ಳಿ ಮಾತನಾಡಿ, ೫೦ ವರ್ಷಗಳ ಇತಿಹಾಸ ಇವರು ಡಿಎಸ್‌ಎಸ್ ಸಂಘವು ದಲಿತರ ಕ್ಷೇಮಾಭಿವೃದ್ಧಿ ಮತ್ತು ರಕ್ಷಣೆಗಾಗಿ ಸ್ಥಾಪಿತವಾದ ರಾಜ್ಯ ಘಟಕವಾಗಿದೆ. ಪ್ರೊ.ಬಿ. ಕೃಷ್ಣಪ್ಪ ಸ್ಥಾಪಿಸಿದ ಈ ಸಮಿತಿಯು ಶಿಕ್ಷಣ, ಸಂಘಟನೆ ಮತ್ತು ಹೋರಾಟದ ಧೈಯಗಳನ್ನು ಆಳವಡಿಸಿಕೊಂಡು ದಲಿತರ ಪರವಾಗಿ ನ್ಯಾಯಕ್ಕಾಗಿ ಹೋರಾಟ ಮಾಡಿಕೊಂಡು ಬಂದಿದೆ. ತಾಲೂಕಿನಲ್ಲಿ ವಿವಿಧೆಡೆ ಮುಜರಾಯಿ ದೇವಸ್ಥಾನಕ್ಕೆ ದಲಿತರ ಪ್ರವೇಶವನ್ನು ನಿರಾಕರಿಸಲಾಗುತ್ತಿರುವ ಪ್ರಕರಣಗಳು ಹೆಚ್ಚಾಗುತ್ತಿವೆ. ತಾಲೂಕು ಆಡಳಿತದಿಂದ ನಡೆಸಲ್ಪಡುವ ದಲಿತರ ಕುಂದು ಕೊರೆತಗಳ ಸಂಬಂಧ ಅನೇಕ ಪ್ರಕರಣಗಳು ಇನ್ನು ಇತ್ಯರ್ಥವಾಗಿರುವುದಿಲ್ಲ. ಈ ಸಂಬಂಧ ಮುಂಬರುವ ಎಸ್.ಸಿ ಮತ್ತು ಎಸ್.ಟಿ ಸಮುದಾಯಗಳ ಕುಂದುಕೊರತೆ ಸಭೆಯಲ್ಲಿ ಬಾಕಿ ಇರುವ ಪ್ರಕರಣಗಳನ್ನು ಇತ್ಯರ್ಥಪಡಿಸಲು ಹೋರಾಟ ಮಾಡುವುದರೊಂದಿಗೆ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ವಿವಿಧ ಯೋಜನೆಗಳ ಮಾಹಿತಿಯನ್ನು ದಲಿತ ಕುಟುಂಬಗಳಿಗೆ ತಲುಪಿಸಲು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಕೊಟ್ರೇಶ್ ನರಸೀಪುರ, ಕುಮಾರ್ ದುಮ್ಮೇನಹಳ್ಳಿ, ಕಾಂತರಾಜು ಉಪಸ್ಥಿತರಿದ್ದರು.