ಎತ್ತಿನ ಗಾಡಿಗೆ ಜೀಪ್ ಡಿಕ್ಕಿ: ಎರಡು ಎತ್ತುಗಳು ಸ್ಥಳದಲ್ಲೇ ಸಾವು
ಸಾರಾಂಶ
ಮಂಡ್ಯ ತಾಲೂಕಿನ ಸಾತನೂರು ಬಳಿ ಎತ್ತಿನ ಗಾಡಿಗೆ ಜೀಪ್ವೊಂದು ಡಿಕ್ಕಿ ಹೊಡೆದ ಪರಿಣಾಮ ಎತ್ತಿನ ಗಾಡಿ ಉರುಳಿ ಬಿದ್ದಿದ್ದು, ಸ್ಥಳದಲ್ಲೇ ಎರಡು ಎತ್ತುಗಳು ಸಾವನ್ನಪ್ಪಿದ್ದು, ಘಟನೆಯಿಂದ ಗಾಯಗೊಂಡಿದ್ದ ಬೈಕ್ ಸವಾರನೊಬ್ಬ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪಿದ್ದಾನೆ.
ಕನ್ನಡಪ್ರಭ ವಾರ್ತೆ ಮಂಡ್ಯ
ಮೈಸೂರು ಕಲ್ಯಾಣಗಿರಿ ಅಜಯ್ (೨೧) ಮೃತ ದುರ್ದೈವಿ. ಎತ್ತಿನಗಾಡಿ ಮತ್ತು ಎತ್ತುಗಳು ಸಾತನೂರು ಗ್ರಾಮಕ್ಕೆ ಸೇರಿದ್ದವು ಎನ್ನಲಾಗಿದೆ. ಈ ಅಪಘಾತದಲ್ಲಿ ಮಟನ್ ಸ್ಟಾಲ್ ಅಂಗಡಿಗೂ ಹಾನಿಯಾಗಿದೆ.
ಆಗಿದ್ದೇನು?ಸಾತನೂರು ಗ್ರಾಮದ ಪೂಜಾರಿ ಮಹೇಶ್ ಮೈಷುಗರ್ ಸಕ್ಕರೆ ಕಾರ್ಖಾನೆಯಲ್ಲಿ ಕಬ್ಬು ಅನ್ಲೋಡ್ ಮಾಡಿ ಶನಿವಾರ ರಾತ್ರಿ ೧೧.೩೦ರ ವೇಳೆ ಖಾಲಿ ಎತ್ತಿನ ಗಾಡಿ ಹೊಡೆದುಕೊಂಡು ಗ್ರಾಮಕ್ಕೆ ವಾಪಸ್ ತೆರಳುತ್ತಿದ್ದರು. ಹಿಂಬದಿಯಿಂದ ವೇಗವಾಗಿ ಬಂದ ಜೀಪ್ ಎತ್ತಿನ ಗಾಡಿಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ಹೊಡೆದ ರಭಸಕ್ಕೆ ಸ್ಥಳದಲ್ಲೆ ಎರಡು ಹಸುಗಳು ಪ್ರಾಣ ಕಳೆದುಕೊಂಡಿವೆ. ಅದೃಷ್ಟವಶಾತ್ ಎತ್ತಿನ ಗಾಡಿ ಓಡಿಸುತ್ತಿದ್ದ ಪೂಜಾರಿ ಮಹೇಶ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಜೀಪ್ ಡಿಕ್ಕಿ ಹೊಡೆದ ರಭಸಕ್ಕೆ ಎತ್ತಿನಗಾಡಿ ಉರುಳಿ ಬಿದ್ದಿದ್ದು, ಎದುರಕಡೆಯಿಂದ ಬರುತ್ತಿದ್ದ ಬೈಕ್ ಹಾಗೂ ಜೀಪ್ ಸಂಪೂರ್ಣ ಜಖಂಗೊಂಡಿದ್ದವು. ಘಟನೆಯಿಂದ ಮಂಡ್ಯ-ಕೆರಗೋಡು ರಸ್ತೆ ಸಂಚಾರ ಸಂಪುರ್ಣ ಅಸ್ತವ್ಯವಸ್ತವಾಗಿತ್ತು.
ಮಾತುಕತೆ ಮೂಲಕ ಇತ್ಯರ್ಥ:
ಘಟನೆಯಿಂದಾಗಿ ರಸ್ತೆ ಬದಿಯಲ್ಲಿದ್ದ ಮಟನ್ ಸ್ಟಾಲ್ ಅಂಗಡಿ ಸೀಟ್ಗಳು ಸಂಪೂರ್ಣ ಜಖಂಗೊಂಡಿದ್ದವು. ಮಟನ್ ಸ್ಟಾಲ್ ಮಾಲೀಕರಿಗೆ ಕಾರು ಚಾಲಕ ೮೦ ಸಾವಿರ ರು. ಹಣ ನಿಡುವಂತೆ ತೀರ್ಮಾನ ಮಾಡಿದ್ದಾರೆ. ಮೃತ ಬೈಕ್ ಸವಾರ ಅಜಯ್ ಕುಟುಂಬಸ್ಥರು ಮಂಡ್ಯ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ತನ್ನದಲ್ಲದ ತಪ್ಪಿಗೆ ಬಲಿಯಾದ ಬೈಕ್ ಸವಾರ
ಕಸಾಯಿ ಕಾನೆಗೆ ಸಾಗುಸುತ್ತಿದ್ದ ಹಸು, ಕರುಗಳ ರಕ್ಷಣೆ, ಮೂವರ ಬಂಧನ
ಮಳವಳ್ಳಿ ಕಡೆಯಿಂದ ರಾಮನಗರಕ್ಕೆ ಟೆಂಪೋ ಗಾಡಿಯಲ್ಲಿ ಮೂರು ಹಸುಗಳು ಹಾಗೂ ಮೂರು ಕರುಗಳನ್ನು ಕಸಾಯಿ ಕಾನೆಗೆ ಸಾಗಿಸುತ್ತಿದ್ದ ಖಚಿತ ಮಾಹಿತಿ ಮೇರೆಗೆ ಸಬ್ ಇನ್ಸ್ ಪೆಕ್ಟರ್ ಲೋಕೇಶ್ ಮದ್ದೂರು ರಸ್ತೆಯ ವಳಗೆರೆದೊಡ್ಡಿ ಗ್ರಾಮದ ಬಳಿ ಟೆಂಪೋವನ್ನು ನಿಲ್ಲಿಸಿ ತಪಾಸಣೆ ಮಾಡಿದಾಗ ಹಸು ಮತ್ತು ಕರುಗಳು ಇರುವುದನ್ನು ಕಂಡು ವಶಕ್ಕೆ ಪಡೆದಿದ್ದಾರೆ.ಆರೋಪಿಗಳಾದ ಫರ್ಹಾಜ್ ಖರೇಫಿ ಬಿನ್ ಉಮ್ಮರಾಜು ಖರೇಫಿ, ಸುಖೇಶ ಬಿನ್ ರಾಜೇಶ್ ಮತ್ತು ಸಿದ್ದೇಶ ಬಿನ್ ಸಿದ್ದರಾಜು ಅವರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.