ಕಾನ್‌ ಚಿತ್ರೋತ್ಸವದಲ್ಲಿ ಬ್ಯಾಂಡೇಜ್‌ ಹಾಕ್ಕೊಂಡೇ ಐಶ್‌ ರ್‍ಯಾಂಪ್‌ ವಾಕ್‌

ಮಾಜಿ ವಿಶ್ವಸುಂದರಿ ಐಶ್ವರ್ಯಾ ರೈ ಕಾನ್‌ ಸಿನಿಮೋತ್ಸವದಲ್ಲಿ ಪ್ರತೀ ವರ್ಷವೂ ಸುದ್ದಿಯಾಗುತ್ತಾರೆ. ಕಳೆದ ವರ್ಷ ನೇರಳೆ ಬಣ್ಣದ ಲಿಪ್‌ಸ್ಟಿಕ್‌, ಗೊರಬಿನಂಥಾ ಉಡುಗೆಯಿಂದ ಟ್ರೋಲ್‌ಗೊಳಗಾಗಿದ್ದ ಐಶ್‌ ಈ ಬಾರಿ ಕೈಗೆ ಬ್ಯಾಂಡೇಜ್‌ ಹಾಕಿಕೊಂಡು ಕಾನ್‌ಗೆ ಬಂದಿಳಿದಿದ್ದಾರೆ. 

ಮಗಳ ಜೊತೆ ಅಭಿಮಾನಿಗಳತ್ತ ಕೈ ಬೀಸಿದ ನಟಿ, ಕೈಗೆ ಆದ ಗಾಯದ ಬಗ್ಗೆ ಮಾಹಿತಿ ನೀಡಲಿಲ್ಲ. ಪ್ರತೀ ಬಾರಿ ಪ್ರತ್ಯೇಕವಾಗಿ ಶೋ ಆಫ್‌ ಮಾಡುವ ಈ ನಟಿ, ಈ ಬಾರಿ ಕೈಗೆ ಬ್ಯಾಂಡೇಜ್‌ ಹಾಕಿಕೊಂಡೇ ರ್‍ಯಾಂಪ್‌ ವಾಕ್ ಮಾಡುವ ಮೂಲಕ ಆ ಭಿನ್ನ ಲುಕ್‌ನ ಪರಂಪರೆಯನ್ನು ಮುಂದುವರಿಸಿದ್ದಾರೆ.