ಕೆಜಿಎಫ್‌ ಚಾಪ್ಟರ್‌ 3 ಸ್ಕ್ರಿಪ್ಟ್‌ ರೆಡಿ : ಪೋಸ್ಟ್‌ ವೈರಲ್‌

  ಸಿನಿವಾರ್ತೆ

ಕೆಜಿಎಫ್‌ ಚಾಪ್ಟರ್‌ 3... ಫೈನಲ್‌ ಡ್ರಾಫ್ಟ್‌... ಆರ್‌ ಯೂ ವೇಟಿಂಗ್‌...!

- ಹೀಗೊಂದು ಫೋಸ್ಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು. ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಶಾಂತ್‌ ನೀಲ್‌ ಹೆಸರಿನ ಇನ್‌ಸ್ಟಾ ಐಡಿಯಲ್ಲಿಯೇ ‘ಕೆಜಿಎಫ್‌ ಚಾಪ್ಟರ್‌ 3 ಫೈನಲ್‌ ಡ್ರಾಪ್ಟ್‌ ರೆಡಿ’ ಎನ್ನುವ ಪೋಸ್ಟ್‌ ಹಾಕಲಾಗಿತ್ತು. ಅದರಿಂದಲೇ ಈ ಪೋಸ್ಟ್‌ ವೈರಲ್‌ ಆಗಿತ್ತು. ಯಶ್‌ ಅಭಿಮಾನಿಗಳು ಸಂಭ್ರಮದಿಂದ ಈ ಸುದ್ದಿಯನ್ನು ಹಂಚಿಕೊಂಡಿದ್ದರು. ಆದರೆ ಈ ಪೋಸ್ಟ್‌ ನಿಜವಲ್ಲ. ಇದೊಂದು ಸುಳ್ಳು ಸುದ್ದಿ.

‘ಪ್ರಶಾಂತ್‌ ನೀಲ್‌ ಹೆಸರಿನ ಫೇಕ್‌ ಅಕೌಂಟ್‌ನಲ್ಲಿ ಈ ಸುಳ್ಳು ಸುದ್ದಿಯನ್ನು ಹರಡಲಾಗಿದೆ’ ಎಂದು ಹೊಂಬಾಳೆ ಫಿಲಂಸ್‌ನ ಮೂಲಗಳು ತಿಳಿಸಿವೆ. ಹಾಗಾಗಿ ಸದ್ಯಕ್ಕಂತೂ ಕೆಜಿಎಫ್‌ ಚಾಪ್ಟರ್‌ 3 ತೆರೆ ಮೇಲೆ ಬರುವ ಸಾಧ್ಯತೆ ಇಲ್ಲ.