ಇಮ್ರಾನ್ಖಾನ್ ಪದಚ್ಯುತಿ ಹಿಂದೆ ಪಾಕ್ ಸೇನೆ - ಅಮೆರಿಕ ಕೈವಾಡ!
ಸಾರಾಂಶ
ತಮ್ಮನ್ನು ಪದಚ್ಯುತಗೊಳಿಸಲು ಪಾಕ್ ಸೇನೆ ಜೊತೆ ಸೇರಿಕೊಂಡು ಅಮೆರಿಕ ಸೇನೆ ಷಡ್ಯಂತ್ರ ರೂಪಿಸಿದೆ ಎಂಬ ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಆರೋಪ ಸಾಬೀತುಪಡಿಸುವಂಥ ಸ್ಫೋಟಕ ವರದಿಯೊಂದನ್ನು ಅಮೆರಿಕದ ‘ಡ್ರಾಪ್ ಸೈಟ್’ ಎಂಬ ವೆಬ್ಸೈಟ್ ಬಹಿರಂಗಪಡಿಸಿದೆ.
ಅಮೆರಿಕದ ಡ್ರಾಪ್ಸೈಟ್ನಿಂದ ಸ್ಫೋಟಕ ವರದಿ ಪ್ರಕಟಇಸ್ಲಾಮಾಬಾದ್: ತಮ್ಮನ್ನು ಪದಚ್ಯುತಗೊಳಿಸಲು ಪಾಕ್ ಸೇನೆ ಜೊತೆ ಸೇರಿಕೊಂಡು ಅಮೆರಿಕ ಸೇನೆ ಷಡ್ಯಂತ್ರ ರೂಪಿಸಿದೆ ಎಂಬ ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಆರೋಪ ಸಾಬೀತುಪಡಿಸುವಂಥ ಸ್ಫೋಟಕ ವರದಿಯೊಂದನ್ನು ಅಮೆರಿಕದ ‘ಡ್ರಾಪ್ ಸೈಟ್’ ಎಂಬ ವೆಬ್ಸೈಟ್ ಬಹಿರಂಗಪಡಿಸಿದೆ.
ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಜತೆಗಿನ ಆತ್ಮೀಯತೆ, ರಷ್ಯಾ- ಉಕ್ರೇನ್ ವಿಷಯದಲ್ಲಿ ಇಮ್ರಾನ್ ಖಾನ್ ತಟಸ್ಥ ನೀತಿ, ಆಫ್ಘಾನಿಸ್ತಾನದ ಮೇಲಿನ ದಾಳಿಗೆ ತನ್ನ ನೆಲೆ ಬಳಸಲು ಬಿಡದ ಪಾಕಿಸ್ತಾನದ ಅಂದಿನ ಪ್ರಧಾನಿ ಇಮ್ರಾನ್ ಖಾನ್ ಬಗ್ಗೆ ಅಮೆರಿಕ ಆಕ್ರೋಶ ಹೊಂದಿತ್ತು. ಹೀಗಾಗಿ ಅವರನ್ನು ಅಧಿಕಾರದಿಂದ ಹೊರಗಿಡುವ ಸಂಬಂಧ ಅಮೆರಿಕದಲ್ಲಿನ ಪಾಕಿಸ್ತಾನದ ರಾಯಭಾರಿ ಅಸಾದ್ ಮಜೀದ್ ಖಾನ್ ಜೊತೆಗೆ ಮೆರಿಕದ ದಕ್ಷಿಣ ಮತ್ತು ಮಧ್ಯ ಏಷ್ಯಾ ರಾಷ್ಟ್ರಗಳ ಉಪ ಕಾರ್ಯದರ್ಶಿ ಡೊನಾಲ್ಡ್ ಲು ಸಭೆಯೊಂದನ್ನು ನಡೆಸಿದ್ದರು ಎಂಬುದು ವರದಿಯ ಸಾರಾಂಶ.
ಸಭೆಯಲ್ಲಿ ಏನಾಗಿತ್ತು?:ಸಭೆಯಲ್ಲಿ ಇಮ್ರಾನ್ರ ವಿದೇಶಾಂಗ ನೀತಿ ಕುರಿತು ಲು ತೀವ್ರ ಕಳವಳ ವ್ಯಕ್ತಪಡಿಸಿದ್ದರು. ಅದರಲ್ಲೂ ಮುಖ್ಯವಾಗಿ ರಷ್ಯಾ-ಉಕ್ರೇನ್ ಯುದ್ಧದಲ್ಲಿ ಇಮ್ರಾನ್ ಖಾನ್ರ ಈ ರೀತಿಯ ತಟಸ್ಥ ನಿಲುವು ಸಾಧ್ಯವೇ? ನಮಗೆ ಅದು ತಟಸ್ಥ ನಿಲುವಿನಂತೆ ತೋರುತ್ತಿಲ್ಲ ಎಂದು ಲು ಹೇಳಿಕೊಂಡಿದ್ದರು. ಜತೆಗೆ. ಇಮ್ರಾನ್ ಖಾನ್ರನ್ನು ಅವಿಶ್ವಾಸಮತ ಗೊತ್ತುವಳಿ ಮೂಲಕ ಅಧಿಕಾರದಿಂದ ಕಿತ್ತೊಗೆದರೆ ನಮ್ಮ ಕಳವಳ ಕಡಿಮೆಯಾಗಲಿದೆ. ಇಲ್ಲದಿದ್ದರೆ ಪಾಕಿಸ್ತಾನದ ಪಾಲಿಗೆ ಮುಂದಿನ ದಿನಗಳು ಕಠಿಣವಾಗಲಿವೆ ಎಂದು ಪರೋಕ್ಷವಾಗಿ ಎಚ್ಚರಿಸಿದ್ದರು.
ಸಭೆಯ ಬಳಿಕ ಪಾಕಿಸ್ತಾನದ ರಾಯಭಾರಿ ಅಸಾದ್ ಮಜೀದ್, 2022ರ ಮಾ 7ರಂದು ತವರಿಗೆ ರಹಸ್ಯ ಲಿಪಿಯಲ್ಲಿ ಸಂದೇಶವೊಂದನ್ನು ಕಳುಹಿಸಿದ್ದರು. ಅದರಲ್ಲಿ ಶ್ವೇತಭವನದ ಒಪ್ಪಿಗೆ ಇಲ್ಲದೆ ಲು ಈ ರೀತಿಯ ಸಂದೇಶ ನೀಡುತ್ತಲೇ ಇರಲಿಲ್ಲ ಎಂದು ಪ್ರಸ್ತಾಪಿಸಿದ್ದರು ಎಂದು ಇದೀಗ ಆ ರಹಸ್ಯ ದಾಖಲೆಗಳನ್ನು ಉಲ್ಲೇಖಿಸಿ ‘ಡ್ರಾಪ್ ಸೈಟ್’ ವರದಿ ಮಾಡಿದೆ.
ಅಚ್ಚರಿ ಎಂಬಂತೆ ಅಮೆರಿಕದಿಂದ ಇಂಥದ್ದೊಂದು ಸಂದೇಶ ರವಾನೆಯಾದ ಒಂದೇ ತಿಂಗಳಲ್ಲಿ ಅಂದರೆ ಏ.9, 2022ರಲ್ಲಿ ಅವಿಶ್ವಾಸ ಗೊತ್ತುವಳಿ ನಿರ್ಣಯ ಮೂಲಕ ಇಮ್ರಾನ್ಖಾನ್ರನ್ನು ಪದಚ್ಯುತಿಗೊಳಿಸಲಾಯಿತು. ಅದಾದ ಬಳಿಕ ಹಲವು ಭ್ರಷ್ಟಾಚಾರ, ದೇಶದ್ರೋಹದ ಪ್ರಕರಣದಲ್ಲಿ ಇಮ್ರಾನ್ರನ್ನು ಜೈಲಿಗೆ ಅಟ್ಟಲಾಗಿದ್ದು, ಅವರು 2023ರಿಂದಲೂ ಅವರು ಜೈಲಿನಲ್ಲಿದ್ದಾರೆ.
ಚೀನಾದಿಂದ ನ್ಯೂಕ್ಲಿಯರ್ ಸಬ್ಮರೀನ್ ಕೇಳಿದ್ದ ಪಾಕ್!
ಗ್ವಾದರ್ ಬಂದರಲ್ಲಿ ಚೀನಾ ನೆಲೆಗೆ ಪ್ರತಿಯಾಗಿ ಈ ಬೇಡಿಕೆ
ವಾಷಿಂಗ್ಟನ್: ಗ್ವಾದರ್ ಬಂದರಿಗೆ ಪ್ರವೇಶ ನೀಡುವುದಕ್ಕೆ ಪ್ರತಿಯಾಗಿ ದಾಳಿ ನಡೆಸುವ ಸಾಮರ್ಥ್ಯ ಹೊಂದಿರುವ ನ್ಯೂಕ್ಲಿಯರ್ ಸಬ್ ಮರೀನ್ಗಳನ್ನು ನೀಡುವಂತೆ ಪಾಕಿಸ್ತಾನವು ಚೀನಾದ ಮುಂದೆ ಬೇಡಿಕೆ ಇಟ್ಟಿತ್ತು ಎಂಬ ವಿಚಾರ ಇದೀಗ ಬಯಲಾಗಿದೆ. ಪಾಕಿಸ್ತಾನದ ರಹಸ್ಯ ದಾಖಲೆಗಳನ್ನು ಆಧರಿಸಿ ಅಮೆರಿಕ ಮೂಲದ ಡ್ರಾಪ್ ಸೈಟ್ ನ್ಯೂಸ್ ಈ ಸುದ್ದಿ ಬಹಿರಂಗಪಡಿಸಿದೆ.